خناقه بين اتنين مدرسين
حكي لي زميل بالمدرسه التي اعمل بها ،انه قد حدثت خناقه بين زميلان هما الاستاذ (س )و هو مدرس عصبي جدا و الاستاذ(ع) .الاول يملك موتوسيكل صيني سعره حوالي 3000جنيه ،و الاخر يملك فيسبه طلياني ثمنها حوالي 9000جنيه.وكان صاحب الفيسبه ينظفها في حوش المدرسه و بجواره الموتوسيكل ،و علي مقربه منه مقعد تجلس عليه اثنتان من الزميلات.واثناء تنظيف الاول للفيسبه قام صاحب الموتوسيكل بتشغيله بالريموت كنترول كمداعبه للاخر.فسالت الزميلات صاحب الفيسبه لماذا لاتملك ريموت مثله ،فقال انه موتوسيكل صيني.الامر يبدو سهلا لنا لكنه للاستاذ (س)ليس كذلك،فقد استشاط غضبابسبب كلمة موتوسيكل صيني و كانها سبه و شتيمه و رغم ان بينهما مسافه فاصله لا تسمح للكلمه بالوصول الا انها وصلت،فقام و كان الاستاذ (ع)داس له علي دمل و قال له الموتوسيكل ده صحيح صيني لكنه احسن من المعزه اللي انت بتركبها
و لو مش مصدق تعالي سابقني علي الطريق و شوف الموتوسيكل الصيني و للا المعزه بتاعتك؟
وكلمه من هنا علي غيرها من هنا كادت تحدث مشكله اكبر لكن الحمد لله انتهت بسرعه
ليست هناك تعليقات:
إرسال تعليق