زار مدرستنا موجه عام اللغه العربيه اعدادي مع الموجه الاول ،وقرر الموجه العام ضم جميع فصول الصف الاول كلها في فصل واحد لاجل حصة عربي لان المدرسه متغيبه من شهر كامل في عمره و طبعا الحصص كلها ضاعت علي التلاميذ لان الاداره لم توفر مدرس احتياطي بديل .
وانا جالس بغرفة المدرسين ،دخل مسرعا الموجه الاول مع احد الزملاء و يده ملوثه بالطباشير كاملةواخذ يتحدث عن جيله فقال :_
كنا عام 79(عام مولدي)في مدرسة شهيد السلام لا اقول كنا ابطالا ..ابدا لكن كان بيننا شيء لم يعد موجود الان ..كنا نعمل دون اعتبار للحصص ،كان كل واحد فينا نصابه 30 حصه و كان يعمل اكثر منها.
تخيل !!الاستاذ .........غلوش كان مسافر للقاهره ،و له مجموعة دروس خصوصيه في البلد ،عمل ايه ؟اتصل بي في البيت و قال لي
و الله يا استاذ .......فيه مجموعة درس خصوصي لي في المكان الفلاني وانا كما تعلم مشغول ممكن و النبي تدرس لهم الحصه بدلا مني ...فذهبت و اعطيت الحصه للتلاميذ في الدرس
شوف!!!!!لم يكن المدرس يخاف زميله انه يدرس حصه بدلا منه في فصل المدرسه !!!لا !!و كمان حصة الدرس الخصوصي....حتي مجموعة الدرس؟؟؟؟؟
تخيل كده!!ممكن ده يحصل الان ؟
الان لم تعد بين المدرسين ثقه متبادله ..كلهم بيخافوا من بعض زميلي لم يخف اني اعمل بروبا جندا امام تلاميذه و لا حط في دماغه اني ممكن افكر اخدهم منه...مين بيعمل كده دلوقت؟؟؟؟؟؟؟؟؟؟
هناك ٤ تعليقات:
سلام يا ذو النون
عرفت مدونتك من خلال الوعي المصري
انا كمان فتحت مدونتي يوم سته اكتوبر 2006
بصرة احنا توائم يعني
مدونتك حلوة لكن اكتر حاجة عجبتني هي المقولة اللي انت حاططها في اول البانر
"
ماساة الادميه انها تبدا من الطين وان عليها ان تحتل مكانتها بعد ذلك بين النجوم
"
بتفكرني بجملة للعبقري الراحل نجيب محفوظ في رائعته ثرثرة فوق النيل
في اخر سطر فيها لما بيوصف الانسان ازاي شق طريقة و هو شايل عصاية بايد و الايد التانية شايل نور
والله حتى عند كتابتي للسطور يقشعر بدني لمجرد تذكر الكلمات
الجملة بتاعتك فعلا رائعة لكن حاسة اني اعرفها من قبل كده
هل انت اللي كاتبها؟
تحياتي
يا عزيزي إنك تضع يدك ببساطة في هذا البوست على عمق أعماق الخراج الذي أصاب الأخلاق عموما والتعليم وأهله خصوصا على مدى فترة الربع قرن الماضي
يا أخي الأيام التي نحياها الآن لم يسبق في التاريخ أن مررنا بمثلها
ربنا يكون في عونك يا بلد
للاالموديريتور مفتوح كده وللا ايه؟
والله مش عارف الحل في الانحدار ده ايه الظبط ؟انا احترت فيه وخلاص تقريبا يئست
إرسال تعليق