الأحد، فبراير ١٧، ٢٠٠٨

الرحمه من عندك يارب

تصيبني من ان لاخر فلقه و حسره من بعض الشباب حديث التدين بسبب الاسئله العبيطه جدا التي يسالونها للمشايخ الحديثو عهد بالمشيخه ايضا،و تصيبني فلقه و حسره اكبر منها من الاجابات التي يجيب بها المشايخ، لا ادري لماذا اشعر عند الاطلاع علي بعض هذه الفتاوي بانني داخل مستشفي للاغبياء(اسوة بمستشفي للامراض العقليه).قرات علي احدي الجرائد الاليكترونيه السعوديه(الرياض) مجموعة استفسارات و اجابات الشيخ( صالح السدلان) عليها و اضحك كركر و لا تتحسر علي الاسئله و الاجابات و حتي التعليقات التي اثبتت ان بعض القراء لازالوا مدركين فعلا لابعاد هذا الدين و دوره في الحياة و لم يزل شيخهم الجليل في الاطوار الاولي للادراك.
احدهم سال سؤال هو اعجب استفتاء قراته في حياتي!!سال عن مدي مشروعية حب الوطن في السراء و الضراء !!! اي و الله هذا حدث فعلا و الشيخ طبعا لم يكسفه و اجاب عن السؤال .اما الاجابه عن هذا السؤال و باقي الاسئله و اجاباتها و تعليقات القراء عليها فيمكنك الاطلاع عليها علي هذا الرابط
و سؤال اخر ساله شاب اخر عن مدي مشروعية تقليد اصوات المسؤلين في برامج التلفزيون !! و يا للعجب فوجئت بانها محرمه و انها كالكفر سواء بسواء!!!
و يمكنك علي نفس الرابط الاطلاع علي اجابة مولانا الشيخ عن السؤال الثاني ايضا
بجد بجد ..نحن نستحق ما نحن فيه و ما يحدث لنا لا يجاوز قوانين السماء و سنن الله في الكون . ما نراه لا يجاوز ابدا العدل الالهي، فنحن نستحق ما نحن فيه و اكثر .

هناك ١٢ تعليقًا:

وجهة نظري يقول...

يعني هيا جت علي دة، ما الفتاوي مالية القنوات والأنترنت لحد ما بقي الواحد ممكن يألف دين جديد، الأسلام المعدل، أو أسلام الفضائيات، يبقي الواحد مسلم وفضائي، حاجة مودرن كدة

واللي عايز يوري انو جامد بقي في علوم الدين ويديها تحريم وتكفير أو يديها تحليل وصكوك غفران وأهي بقت كفتة، كل واحد ربي دقنوا ولبس بنطلون فؤاد المهندس والا لبس زي بتوع أفغانستان بقي يقولولو "يا شيخ"

لأ وكلة كوم وبقي شيوخ الخليج نجمهم صاعد دلوقت، لأ دي ثقافة الخليج كلها، قراءة القرأن، الأذان، الأزياء... كلة مستورد بعد ما كنا بنعلمهم يقروا اساسا، وبقي كل واحد في مصر عايز يوري انوا متفقة في الدين ينقل من هناك علشان يبقي مختلف!! عجايب واللة.

Unknown يقول...

خلاص بجد الواحد حاسس انه بيرجع للجاهلية تانى و فيه ناس فاكرة نفسها الملائكة الى جاييين يهدونا و يبعدونا عن الكفر و لو دورت حتلاقيهم ملاينين اخطاء من ساسهم لراسهم

^ H@fSS@^ يقول...

لا اصلك مش واخد بالك من حكاية تحريم تقليد اصوات المسؤولين دي
اصل من فترة عزب شو الفنان الكوميدي المشهور بتقليد الشخصيات العامة
قلد واحدة اسمها ملكة زرار
والله اسمها كده
و الست دي شغالى فتاوي و تفاسير و احكام و محتقنة اوي
فلما هو قلدها حرمت اللي هو عمله و قالت انها حترفع عليه قضية لانه بكده بيسب رمز من رموز الاسلام و شخصية مهمة
تخيل وصل بيها الغرور لفين؟؟
و اذا كان على دول فربنا يعننا
معاك في اللي قلته
نحن نستحق ذلك و اكثر منه طول ما احنا ساكتين للزبالة دول

^ H@fSS@^ يقول...

صحيح
انت مش ناوي تقبل عضوية الحزب ولا ايه؟؟
ولا حتكتفي بالرجوع لصفوف الشعب زي صاحبنا اياه

david santos يقول...

Thanks for posting and have a good day

محمد بن جمال الياسرجى يقول...

انت لسه شفت حاجة

ذو النون المصري يقول...

وجهة نظري
زي ما قلت الفتاوي بالجمله و اغلبها غريب لم يسال اجدادنا و لا حتي اباؤنا مثل هذه الاسئله الهايفه
لكن انا استغربت جدا من سؤال عن حب الوطن
هل فيه حد ممكن يستاذن مفتي يحب وطنه و لا لاظ
غريبه جدا

ذو النون المصري يقول...

عاليا حليم
صح يا فندم
و كمان المشكله انهم متصورين انهم فقط علي الصح
لانهم بيقولوا عن نفسهم انهم اهل التوحيد
و غيرهم العكس طبعا
و هنا مكمن المشكله

ذو النون المصري يقول...

حفصه
انا اول مره اسمع باسم الست دي
و الغرور طاقق من عنيها فعلا
عملت نفسها من دلوقت رمز اسلامي
احييييييييييييه

ذو النون المصري يقول...

حفصه
لا طبعا ناوي اقبل عضوية الحزب
هو انا اطول ابقي عضو في حزب تحت زعامة حفصه
و لا اكون مواطن في دولة هلهلستان العظمي؟

ذو النون المصري يقول...

ديفيد سانتوس
انا قربت علي فكره انساك من قلة رؤيتي لتعليقاتك في المدونات المصريه التي تعودت ان اري تعليقاتك فيها
و سالت نفسي عنك من كام يوم
انا سعيد بعودتك
تحياتي

ذو النون المصري يقول...

محمد
الظاهر ان لسه فيه حاجات كتير مشفناهاش