الاثنين، فبراير ١١، ٢٠٠٨

مبروك لمصر


انا فرحان جدا جدا ، فرحان بصورة لا توصف ، انا لست من هواة الرياضه عموما ، لكن استحاله منتخبنا يلعب و لا اهتم به و باخباره . المنتخب اصبح كانه ليس فريق للكره ، بل اصبح كانه فريق صاعقه بيحارب لرفع اسم و علم الوطن ، لكن حربه ليست حرب بالسلاح و فيها خسائر ارواح و قتلي و مصابين و مدن تحتل و اخري تحرر،بل حرب مدنيه شرعيه ربما شرعتها الحضاره الحديثه للحد من شراهة الانسان للحرب الحقيقيه ، لذلك انا فرحان جدا اننا انتصرنا في هذه الحرب الحضاريه . انا سعيد جدا اليوم لان فريقنا فاز بالبطوله الافريقيه ، لاول مره افرح بمنتخبنا لانه فعلا كان علي مستوي المنتخبات العالميه بعكس البطولات السابقه ، كان بيفوز بالعافيه و احيانا بالبركه ، لكنه الان يفوز عن جداره ،منتخب كبير بين الكبار ،منتخب فعلا مشرف جدا . بعد كل بطوله يحققها المنتخب كنت دائما اشعر ان هناك شيئا ينقص المنتخب ، لكن الان انا مطمئن جدا لانه فعلا لا ينقصه سوي المشاركه في البطولات و تحقيق الترتيب اللائق بمصر في المحافل الرياضيه.المنتخب اعطاني امل في ان مصر ممكن تتقدم في قطاعات اخري غير الرياضه و من المحتمل ان يكون هذا من اسباب فرحة الشعب كله و العرب كلهم الذين شاركونا فرحتنا . كلنا فرحنا لاننا فعلا محتاجين نفرح ، الانسان المصري و العربي ينام و يصحو منذ سنين علي اخبار غم سواء شخصيه او دوليه ،و نادرا ما يسعده خبر .شكرا جدا لكل من اسعدنا في هذه البطوله . شكرا للمعلم حسن شحاته و وائل جمعه الغير عادي في وقفته و نظرته و راسه الحليقه العرقانه ،و وعمرو زكي الضخم او البلدوزر كما ا سماه بعضهم ،و شادي و احمد فتحي الذي تفوق فعلا علي نفسه ،و حسني عبد ربه ،و ابو تريكه ،و زيدان






المايسترو الجديد ،و الكابتن احمد حسن و قام بدور رائع جدا ،و النجم الكبير عصام الحضري .فعلا فرحت بهم جدا و حسيت ان البطولات القادمه هيكون لنا فيها نصيب و ان سمعة مصر الدوليه في المحافل الرياضيه في المستقبل القريب ستعلو و ان سمعة مصر في غير المحافل الرياضيه اكيد سيكون لها نصيب من الارتفاع و الارتقاء.. مبروك لمصر











هناك ١٠ تعليقات:

^ H@fSS@^ يقول...

الف مبروك يا نون
بس عارف ايه هي الحاجة الغريبة في الموضوع؟
ان اغلبنا كتب انه مش متابع شديد للكرة و مع ذلك الكل كان مترقب الماتش بكل انتباهه
تحس ان احنا كنا عاوزين اي حاجة نفرح بيها و نتلكك في فرحنا بيه
زهقنا يمكن من كترة الاخبار الوحشة
عن نفسي مش بتابع كورة غير يمكن كل كاس عالم
حتى اول امبارح وقت المباراة كانت اول مرة اعرف مين الحضري و ابو تريكة و زيدان و الخ الخ و بصراحة اتسغربت كمان من الحركات اللي عاملينها
اللي حالق زيرو بس مزجزج حرف اسمه على راسه و اللي مطول شعره و سايبه زي البنات و فيه صابغينه اصفر
انا اخر عهدي بالكورة كان ايام الخطيب و عبده و ابوزيد
فلك انت تتخيل حجم الدهشة اللي كنت فيها
ههههههههههههههههههههههههه

مجهول يقول...

مبروك يا ذو النون

مبروك لكل مصري او عربي بيحب البلد دي ونفسه في شيء يفرحه

اد ايه الناس بتحب البلد دي ونفسها تفرح

وجهة نظري يقول...

و ان سمعة مصر في غير المحافل الرياضيه اكيد سيكون لها نصيب من الارتفاع و الارتقاء

هوا دة المطلوب من الرياضة وغيرها، قول يا رب.

بنت القمر يقول...

نون لو فتحت هيلب في الريدر هتلاقي كلمه كليبس
او
أو تفتح سيتنج اللي في صفحه الريدر فوق هتلاقيها يمين اوي
سيتنج ثم تاجس ودي هتيجي من الصفحه اللي وراها
ثم بابليك
وهتلاقي كتبلك علطول اد اكليب ان يور هوم بيج
ويبتدي يديك اختيار اللون وعدد الايتم
وتحتها show sours item تلاقي تحتها
اللي انت نسيت المرة اللي فاتت تعلمهاعلطول الكود تاخده كوبي بيست
انا لسه عاملا واحد تاني بس غيرت الللون
ومش عارفه استقر علي انهي لون البيج لايق اكطتر بس الازرق اوضح
انا بعت لحفصه الطريقه
سيتنج تاجس بابليك
اد اكليب معلش جرب تاني
وشفت كتاب التدين مش انا نزلته تاني حلقه

yasmina يقول...

الف الف مبروك لمصر
مبروك للشعب المصري والعربي

واحنا قدها دايما يا رب

ذو النون المصري يقول...

حفصه
و الله فيه ناس كتيره جدا لا لها في الكوره و لا غيره لكنها اهتمت و فرحت جدا
لان الكره الان ليست مجرد رياضه بل تداخلت معها السياسه و غيرها
صارت كالفنون ضلع حضاري مهم جدا لا يجب ان نغفل عنه

ذو النون المصري يقول...

مجهول
الله يبارك فيك و في كل مجهول في البلد دي
الناس كلها فرحت المجهول قبل المعلوم

ذو النون المصري يقول...

وجهة نظره
فعلا هو ده المطلوب
و ياريت نعرف نحققه

ذو النون المصري يقول...

بنت القمر
هحاول تاني و ربنا يسهل المره دي
و هزورك علسشان اقرا الكتاب
لاني بحب هويدي جدا
تحياتي

ذو النون المصري يقول...

ياسمينا
الله يبارك فيكي
و ربنا يديمها انتصارات في كل الميادين