الجمعة، فبراير ٠١، ٢٠٠٨

تاج الشتاء؟؟؟؟

في ايام الشتاء نحتاج للدفء ،و نحتاج كذلك لذكريات او محاورات تدفء مشاعرنا ،و التاج في المدونه مصدر اساسي لهذا الدفء بالنسبة لي لانه يستحثني للاجابه عن بعض الاسئله التي احيانا تكون اجترار لذكريات قديمه نحفر في ذاكرتنا لاعادتها الي حيز الوعي ،او تكون اكتشاف لارائنا و قدرتنا علي المحاوره .و قد وصلني من الزميله روفي صاحبة مدونة انين الناي هذا التاج
...........................................
هل توافق علي حزف خانة الديانه من البطاقه الشخصيه؟
طبعا لا اوافق علي حزفها ، ربما بسبب اني تعودت ان اراها !!ممكن،لكن اعتقد ان لها ضرورة في اثبات المواريث ،و اغراض اخري و لا اعتقد مثلا ان سبب الاضطهاد الذي يشكو منه البعض هو البطاقه الشخصيه ، لان الاسم يدل علي دين صاحبه و حتي لو كان الاسم فيه تمويه و لا ينتمي لدين معين فاعتقد انه لن يمنع التعرف علي ديانة صاحبه عند التقدم لشغل اي منصب لانه امر سهل التعرف عليه

ما رايك في المثليين؟هل تري انها حرية شخصيه؟ هل توافق علي الاعتراف بالمثليين؟هل لك اصدقاء من المثليين؟

اري ان المثليين مساكين ، لكن لقلة معلوماتي عن هذا الامر لن اعطي اراء جازمه ، ربما كانوا ضحايا اوضاع خاطئه في المجتمع و محتمل ان يكونوا جناه علي انفسهم ،و لا اعتقد ان هذا الانحراف عن الفطره البشريه يمكن ان يندرج في خانة الحريه الشخصيه ، لكن في نفس الوقت اظن انه مستحيل التدخل في حياة شخص بحيث نجبره علي ممارسة الجنس كما نراه صحيحا، و بالطبع انا لا اقر بالاعتراف بهذا الانحراف لكن يجب علاجه علميا ، لا امنيا كعادة النظم المتخلفه ،و بالطبع ليس لي اي معارف مثليين

هل تعتقد بوجود اضطهاد للمسيحيين في مصر؟

هذا الاعتقاد يجب ان يسبقه تحديد لمعني الاضطهاد حتي نؤكد وجوده من عدمه، فهناك من يري المسيحيين في مصرفي مقام اعلي من المسلمين و انهم كما نقول بالعاميه " واكلينها والعه" و هذا الاعتقاد سببه نقص معلومات .ايضا هناك من يري احوال المسلمين في اوروبا و يقارنها بالمسيحيين و احوالهم في مص فيجزم بعدم وجود اضطهاد لانه لا سب لعيسي و مريم عليهما السلام في رسوم الكاريكاتير عندنا او في اعلامنا مثلا، لكن يغيب عنهم ان المعامله بالتساوي بين افراد الامه دون تفرقه بين الاديان هو في نفسه اضطهاد،لا يعني كلامي اني اري اضطهادا في مصر ، بل ما اراه هو فشل سياسي في احتواء ابناء الامه و تحويلهم الي تيار فاعل في خدمة الوطن

من هو الشخص الذي تختاره لرئاسة الجمهوريه؟

اعتقد ان عمور موسي شخصيه لها الهيبه و الوقار الذي يناسب شخصية رئيس جمهورية مصر العربيه ،و ممكن المشير طنطاوي قائد الجيش ، انا حاسس انه تعلب مثل السادات و ممكن ينقض علي الحكم في لحظه

اذا قمت بتاسيس حزب سياسي ،فمن هم الاشخاص الذين سوف تضمهم للحزب ليشاركوك الحكم؟

ساختار عادل امام ،و عمرو موسي و الفقي ويونان لبيب رزق الله يرحمه ن عبد العظيم رمضان الله يرحمه و بعض قيادات الجيش بعد تحويلهم للعمل المدني لاني مش واثق ابدا ان البلد ممكن تنصلح الا بالعوده مره تانيه لعسكرة المؤسسات المدنيه لتحقيق الضبط و الربط مع التخلص طبعا من عيوب التجربه الناصريه

هل توافق علي مشاركة الاقباط و الاخوان في حكم مصر؟

طبعا اوافق طالما وصلا للحكم عن طريق صناديق الاقتراع

ما هي افضل مدونه زرتها؟

مدونات كثيره جدا لكن اشهرها الان شهروزه ،و الوعي المصري و افنان الفنون لكنه للاسف متوقف عن التدوين من مده ،و ايضا سوسه المفروسه و للاسف تدوينها اصبح بطيء جدا و كنت اتمني ان تكون اسرع قليلا و ايضا مؤخرا بدات اتابع عباس العبد في مدونة غوايه .. مجرد غوايه و هي مدونه ممتازه فعلا

هل توافق علي الزواج من مطلقه؟

الزواج من مطلقه صار مشكله كبيره جدا رغم ان الرسول عليه الصلاة و السلام تزوج من السيده خديجه و كانت ارمله لاثنين من الازواج قبله !! لكن مجتمعنا المتاثر بالثقافه البدويه للاسف اصبح يري في الزواج من امراه تزوجت مره قبله عار لا يمحوه شيء و غالبا للاسف تتهم المراه في شرفها و اخلاقها اذا طلقت حتي لو لم يكن لها ذنب في الموضوع كله و للاسف غالبا تسقط في زيجه اشر من الاولي في المره الثانيه و السبب انها مطلقه. بالنسبه لي لا اري فيه اي عيب اطلاقالكن الانسان فينا ليس مخيرا علي طول الخط و ممكن يعمل امور لا يعتقد في صحتها لمجرد ان المجتمع يعتقد فيها

اذا انجبت ولدين و بنتين ، فاي الاسماء ستختارها لهم؟

كان نفسي اسمي ولدين بصفات الرسول " الصادق والامين " و ايضا بحب اسماء الملائكه مثل جبريل لكن انا اود ان اسمي " هاروت و ماروت" اما بالنسبه للبنتين ساترك للام تسميتهما

هل تعتقد ان توريث الحكم في مصر سيحدث فعلا؟

احيانا اعتقد انه سيحدث لا محاله و اقول لنفسي اكيد لو حصل ممكن يكون خير !! علي اساس ان قبضة مبارك الابن ضعيفه جدا و ممكن في اول ايام حكمه ينقض علي الحكم من هو اصلح له منه بسبب ضعفه طبعا . لكن ارجع و اقول اكيد لسه فيه في الجيش رجال و في المجتمع المدني رجال صعب ان يمر من امامهم امر كهذا لذلك اعتقد انه لن يحدث ابدا

ما هو افضل انجاز لمبارك ؟ و ما هو اسواء سقطات حكمه؟

اعتقد ان افضل انجازات مبارك كلها من النوع السلبي !! يعني منع وقوع كذا !!و لم يحدث في عهده كذا ،اما اذا بحثت عن انجاز ايجابي كان تقول انه فعلا كذا و في عهده بنينا كذا مثلا فلا اعتقد اننا سنري له انجازات واضحه الا الذي يتم بفعل الزمن و مروره و نمو الشعب و تطوره العفوي و الذي ينسبه الحاكم لنفسه ايضا

اما اسوا سقطاته فهو انها بلا انجازات تحسب له

لمن تمرر هذا التاج؟

امرر التاج لشهروزه و كفراوي و الناس و العالم و بنت القمر و عربي و سوسه المفروسه و فارس الاحزان و زنزانه

هناك ٣٠ تعليقًا:

^ H@fSS@^ يقول...

الله؟؟
هههههههههههههههههههه
يعني اولادك تبقى اساميهم هاروت الشناوي محمد و ماروت الشناوي محمد
مش شايف انه جامد حبتين؟؟
لا لا لا يا نون
نقي اسماء اخف من كده شوية
الصادق و الامين حلوين اوي
خلينا في دول
تحياتي

http://kasperb4.blogspot.com/ يقول...

بصراحة اجابات حضرتك
محترمة جدا
ورزينة اوي
ومنطقية في اغلب الاسئلة
وتدل على شخصية هادئة
:)

عجبتني اجابة سؤال انجازات الرئيس

-_- يقول...

التاج ده ماشي في البلد اليومين دول

mo'men mohamed يقول...

جميل جدا
أكثر شىء عجبنى
هو انصافك فى الحديث
ثبت الله خطاك
السلام عليكم

dr.Roufy يقول...

:)

اجاباتك فعلا مميزة ومستقلة
حتى اسماء الولاد..

:))

ربنا يرزقك بيهم ان شاء الله

مودتي

kafrawy يقول...

ههههههههه

اجاباتك كلها جميلة

بس اشمعنى هاروت وماروت

انت تعرف الاتنين دول

DantY ElMasrY يقول...

التاج دا ماشى فى المدونات اليومين
ومع ذلك محدش مررهولى
انا سعلان وعمال اضم كتافى على رقبتى وضارب بوز شبرين
ومش هاقول لحد على اجاباتى
هه
اه
عند فيكو

oceaneyes يقول...

vدودك حلوة ومنطقية

بس ليا اعتراض بسيط ...هو مش اعتراض اعتراض يعنى ...بس مستغربة لا اكتر من ايباب اختيارك للأسماء الخاصة بالأولاد

مش عارفة بس...مستغرباها حبتين تلاتة يعنى

:D


عموما بجد الردود حلوة ...وبعتذر على تأخرى فى الزيارة


تحياتى

smraa alnil يقول...

هههههههههه

هاروت وماروت

بس حلو مش وحش
بجد اجباتك تنم علي شخصية واعية

تحياتي

بنت القمر يقول...

نون عرفت المشكله في الريدر عندك عشان كنت بعمل واحد لمدونه صديقه
بص يا سيدي المكان اللي اخدت منه كود الكليب
وحطيته عندك
كان فيه اختيارات
عدد التدوينات
ولونها
واخر اختيار بس كان صغيراوي حاجه اسمها
show soucse item
بتعلم عليه صح في مرب صغير
وبعدين تاخد الكود كوبي وبيست تاني
يقوم تظهر التدوينات
باسماء المدونين
بس لازم تاخد الكود الجديد تاني

بنت القمر يقول...

انت كده اكيد نسيت تعلم في المربع ده عشان كده ظهر الكليب باسماء البوستات بس

Unknown يقول...

اجاباتك جميلة و خصوصا اجابة سؤال توافق تجوز من مطلقة

غير معرف يقول...

انا رشحتك لوزارة عندي
ابقى اديني خطة العمل بسرعة يلا

ذو النون المصري يقول...

حفصه
الاسماء دي عجباني جدا من زمان
و انا زعلان ان هاروت و ماروت منسيين و محدش بيسمي بيهم رغم انهم حلوين جدا
تحياتي

ذو النون المصري يقول...

الام و امال
بيعجبني جدا في التاجات انها بتديني فرصه اعبر فيها عن ارائي بحريه علشان كده بستناها و بجاوب عنها دن انتظار
تحياتي

ذو النون المصري يقول...

شارم
فعلا هو ده اللي ماشي اليومين دول
و كل كام يوم بيجي غيره
تحياتي

ذو النون المصري يقول...

مؤمن محمد
سعدت برايك في اجاباتي و سعيد اكثر بزياراتك المتتاليه
تحياتي

ذو النون المصري يقول...

د روفي
الاسماء انا بفكر فيها من زمن طويل جدا
و بحبهم جدا كانهم معي فعلا
و ربنا يرزق الجميع
تحياتي

ذو النون المصري يقول...

كفراوي
هاروت و ماروت اسمين بحبهم و خلاص و طبعا الاتنين ملائكه معروفين
تحياتي

ذو النون المصري يقول...

دانتي
جاوب عليا لتاج يا عم و متزعلش و بلاش التبوييز
التاج ملكيه عامه لمن اراد الاجابه عليه
تحياتي

ذو النون المصري يقول...

عيون المحيط
اسماءالاولاد فعلا غريبه جدا لانها مش متوقعه
وانا بحبها علشان محدش سماها قبل كده
و لا حاجه للاعتذار اطلاقا
تحياتي

ذو النون المصري يقول...

سمراء النيل
سعيد جدا برايك و زيارتك لمدونتي
تحياتي

ذو النون المصري يقول...

بنت القمر
المشكله اتغيرت اصلا
لاني شلت الريدر كله و معرفتش اعمله تاني
هحاول اعمله و ابلغك بالنتائج
تحياتي

ذو النون المصري يقول...

عاليا حليم
مشكلة المطلقات كبيره جدا
و للاسف المشكله لجنس النساء كله لا للمطقات فقط

ذو النون المصري يقول...

حفصه
علم يا فندم
و لقد قبلنا المنصب بكل سرور
و وضعنا الخطه الخمسيه لعشرين سنه قادمه
تحياتي

ذو النون المصري يقول...

كل سنه و انتم طيبين

غير معرف يقول...

أوووبس

مش تقول يا نون انك باعتلى التاج؟
أنا فكرت ان الصباغ بس هو اللى باتعهولى

حأضيف بتاعك للتنوية

وأشكرك انك ذكرتنى فيمن ذكرت


تحياتى العميقة فى عز البرد والزمهرير من محافظتنا الحبيبة

ذو النون المصري يقول...

شهروزه
الجهاز عندي عطلان بقاله يومين
و اتاخرت في البوست التالي بسبب العطل
تحياتي

عاشــــــ النقاب ـقــــة"نونو" يقول...

السلام عليكم
اول زيارة لمدونة حضرتك
عجبني جدا في المقام الاول احترام حضرتك جدا وفي تناولك للموضوعات حتى الشائك منها واحترامك لضيوفك فجزاك الله خير
المدونة جميلة وبها موضوعات كتيرة مهمة
اسعدني فرأتها
اجابات حضرتك في التاج متوازنةجداودبلوماسية جدا جدا
انا جالي التاج دة وجاوبته الاسبوع الماضي اتمنى تشرفني بزيارتك
رايك يهمني
دمت بخير

ذو النون المصري يقول...

nonoym
انا سعيد جدا بزيارتك و ان كنت اخذت بها خبر متاخر جدا لاني غالبا لا اعود الي التدوينات القديمه لكن مريت عليها لقيت تعليقك
سعدت بزيارتك و هزورك و كل سنه و انتي طيبه
تحياتي