الأحد، نوفمبر ٢٣، ٢٠٠٨

احه

لم املك الا هذا اللفظ امام ما رايته بالصدفه اثناء بحثي عن لوحاتي الضائعه في النت.فكما ذكرت في البوست السابق فان عملية فرمتة الجهاز اضاعت كل لوحاتي المخزونه علي الهارد دون قصد و لانها تتجاوز الالف لوحه فهي هامة جدا بالنسبة لي لهذا قررت البحث في النت عنها لعمل مخزون لوحات اخر علي الهارد عندي.و بالفعل بحثت عن بعض الفنانين و المفاجاه انها عندما بحثت تحت اسم الفنان الفرنسي بونماتي ..كانت المفاجاه ان هناك مدونه عراقيه تنقل حرفيا عن مدونتي فلسفة حياة و تنسبها لنفسها
المدونه اسمها ليل الغربه للاطلاع عليها اضغط هنا ليل الغربه و الغريب ان المدونه ترد علي التعليقات و تصف تعبها في البحث عن هذه الكلمات الفلسفيه دون اعتبار للمصدر المنقول عنه و الغريب ايضا انها تنقل الكلمات معها اللوحه التي اخترتها لتمثل معني بجوار المعني الذي تمثله الكلمات في فلسفة حياة
في اوائل نقلها عن مدونتي فلسفة حياة كانت تكتب النص و تحته كلمة ذو النون دون اشاره الي ان هذا هو المصدر و يبدو انه ان ينقل بطريق الخطا فهي في ردودها علي التعليقات تعتبره غير موجود و قد قامت بتجاوزه في البوستات اللاحقه ليبقي البوست باللوحه من تعبها و جهدها
انا للاسف اندهشت و انزعجت جدا لهذه البساطه في السرقه و التي لولا ضياع محتوي جهازي من اللوحات لما اكتشفتها و صحيح رب ضاره نافعه

هناك ١٤ تعليقًا:

Sweet Violet يقول...

الموضوع ده بقى كتير

و مااسهل الكوبى بست على النت دون ذكر المصدر

بس كويس انك لاقيت الحاجات اللى انت فرمتها

اهى كانت بتحفظهالك عندها عشان لو ضاعت D:

ذو النون المصري يقول...

ضد التيار
مزعلني قوي ان الواحد بيتعب في البحث عن تدوينات فلسفة حياة و في الاخر تتاخد علي الجاهز بلوحاتها بكل شيء فيها حتي ارقام الصفحات

Sweet Violet يقول...

انا عارفه طبعا انها حاجه تضايق جداااااا

بس هى على فكره ذكرت المصدر من غير قصد

ذو اللنون

مع انى مش عارفه اسمك اتقلب ازاى لكن اهى هانقول غلطه كيبورديه D:


روق بجد ماتزعلش و زى ماانت قولت

رب ضاره نافعه

عشان لما حاجه تضيع تلاقيها بسرعه زى ماحصل

kafrawy يقول...

ههههههههههههههههههههههههههه


يا اخى امسك نفسك شويه مش كدة

Ahmad Hegab يقول...

طيب و بعديين ايه الحل !!؟
شوفلك حل يا عم انت !! شوف اى هاكر يوقعلها المدونه او بلغ جوجل !

Unknown يقول...

معليش يا ذو النون
يا مصرى دا شئ منتشر جدا لكن يبقى لك انت الصدارة وكلنا نعرف انك الاصل
احمد ربنا ربما ضارة نافعه فى قدرتك على استرجاع بعض ما حذف منك

Unknown يقول...

بجد متزعليش
حاول تتغلب على الموضوع وشوف طريقة تمنع بيها النسخ من مدونتك

على عبدالله يقول...

رب ضارة نافعة
اهى حفظتلك اعمالك يا فنان
وبعدين ماهى كاتب اسمك بس كاتباه غلط ،مش مشكلة
انت ممكن تكلمها بس بدون احراج
وبالله عليك يا اخى امسك نفسك شوية
يا شيخ يجزاك خير

ذو النون المصري يقول...

ضد التيار
ذكرته بكلمة ذو اللنون
صحيح لكن لم تشر الي انه مصدر المنقولات التي نقلتها فكانت مجرد كلمة مكتوبه بلا معني و التعليقات التي وردت تشير الي ذلك كما انها لم تحاول ان توضح انها نقلت هذه المقولات في ردها عليالتعليقات

ذو النون المصري يقول...

كفراوي
خلاص همسكها المره دي
لكن المره الجايه
لا يمكن امسكها ابدا
ههههههه

ذو النون المصري يقول...

احمد
ابلغ جوجل اقول له ايه؟؟؟؟؟؟؟
انا اول مره اعرف ان المدون ممكن يبلغ جوجل
تحياتي

ذو النون المصري يقول...

نهرالحب
رب ضاره نافعه
خلاص مش مشكله
لكن ياريت تبقي الناس تقدر تمقيق العين في الكتب و البحث بين السطور و تنسب المجهود لصاحبه

ذو النون المصري يقول...

نهرالحب
هحاول امنع النسخ من فلسفة حياة تحديدا
اشكرك علي الفكره
تحياتي

ذو النون المصري يقول...

علي عبد الله
سعيد جدا باول زياراتك لمدونتي
و ان شاء الله ربنا يسهل و انهي عملية النسخ من مدونتي
تحياتي