الثلاثاء، يناير ٢٢، ٢٠٠٨

كلام عن مصر

عن كتاب السنن النفسيه لتطور الامم
تاليف جوستاف لوبون
......................
لا تري بين الحضارات التي ازدهرت علي وجه الارض حضارة كالحضاره المصريه عبر عنها بفنونها ،و قد بلغ تعبير فنون تلك الحضارة عنها من القوة و الوضوح مالم تستطع معه المثل الفنيه التي ظهرت علي ضفاف النيل غير ملاءمة تلك الحضارة و ما لم تنتحلها الامم الاخري معه الا بعد تحولات عظيمه
خرجت الفنون المصريه و لا سيما فن البناء المصري من مثل عال خاص في ظل شغل الامه الدائم خمسين قرنا ،و كانت مصر تحلم بان تبتدع للانسان مسكنا خالدا تجاه حياته الفانيه ،و احتقر العرق المصري الحياة و تملق الموت ،و كان اول م ا يبالي به هذا العرق هو تلك المومياء الصامته تتامل تاملا ابديا بعينيها المينائيتين المرصعتين في وجهها الذهبي، و ذلك من اعماق منزلها الاسود ، تلك الخطوط الهيروغليفيه الحافله بالاسرار ،و هذه الموميا، و هي في حمي من كل تدنيس في منزلها الماتمي الواسع كالقصر ، كانت تجد كل ما يفتنها في حياتها الدنيويه القصيره مصورا و منقوشا علي جدر الدهاليز التي لا نهاية لها
و فن البناء المصري هو، علي الخصوص ، فن بناء ماتمي و ديني غايته المومياء و الالهه ،و في سبيل الموميا و الالهه كانت تنحت السراديب و ترفع المسلات و الاساطين و الاهرام ،و في سبيل الموميا كانت تقام التماثيل الكبيره المفكره علي عروشها الحجريه فتعلوها سيما الحلم و الجلال
و كل شيء في ذلك الفن المعماري ثابت متين مادام الخلود غايته ،و لو كان المصريون الامه الوحيدة التي عرفناها من امم القرون القديمه لامكننا ان نقول ان الفن هو بالحقيقه اصدق دليل علي روح العرق الذي اوجده
......................................
دونها /ذو النون المصري
عن كتاب السنن النفسيه لتطور الامم
تاليف جوستاف لوبون
..............................

هناك ٢٠ تعليقًا:

raspoutine يقول...

بيعجبنى فيك والله بجد ثقافتك اللى باينة اوى فى معظم ما كتبته
تحياتى ليك

عين فى الجنة يقول...

العمارةالمصرية الفرعونية ممثلة فى الاهرامات والمعابد وغيرها ، قمة فى الابداع والدقة من ناحية الفكر والتصميم هذا بالمقارنة بالهندسة فى عصرنا الحالى فى القرن الواحد والعشرين
كما ان حجم الاثار اكبير يدل على حسن استخدام الموارد الطبيعية كالقوى البشرية و قوى الطبيعة مع عدم توافر الالات مثل الاوناش وسيارات النقل
اما عن النقوش والكتابة على الحجر وادوات الزينة وادوات الطعام تجد فيها تجلى الفنان المصرى فى ابداع هذه الادوات
طبعا انت دارس فنون واقدر على الاحساس بابداع المصرى القديم

بنت القمر يقول...

الف الف مبروك الريدر يا نون
الحمدلله والله فرحت جامد اما بقه حكايه ان الندونه مابيطلعش اسمها فدي بجد عجيبه واول ريدر اشوفه كدة بصراحه
اول مرة اشوف بالشكل ده مش عارفه انت عملته علي طريقتي ولا طريقه مهند اللي في اللينك؟؟
بس عموما لازم يكون في السابيسكريبشين او المدونات المفضله عندك سيتينج حاول تظبطه
ان الاسم يظهر فيها حاجه اسمها مانجmange
لاني بجد كده غلب حماري
يا اما عين حفصه بقه جت في الريدر عشان انت سبقتها
عينك جامده يا حفصه
مكنتش فاكراكي كده
عموما برضه مسيره يتظبط احنا كنا فين
الحمد لله انه ظهر اصلا وعموما انت مع الوقت ها تعدل وتظبط فيه
وتضيف له مدونات تانيه

Unknown يقول...

و الله انا بتمنى يكون ما كطانش فيه حضارة فرعونية رغم حبى و افتخارى بيها لاننا قاعدين نكلم على اطلالها و ما عملناش حاجة حاجى بعدها

kafrawy يقول...

الفراعنة اختارزا الخلود ف الاخرة

طب و اشمعنى اصحابنا

مختارين الخلود ف الدنيا

تحياتى يا افندم

dr.Roufy يقول...

ويحكي الحجر حكاية بشر تاريخهم زي الحلم..جميل

بجد اختيار موفق تماما كما هي العادة

تحياتي
:)

كريم بهي يقول...

ذو النون المصرى
انا فخور ان انا عندك النهاردة
بجد مدونتك مصرية حتى النخاع
وانا سعيد جدا انى عنك واستفدت منك وكمل المشوار يا بطل احنال محتاجيين اللى زيك كتييييييييييير ومصر محتاجة لكل قلم يحبها
مش اتى برده بتحبها

كريم بهي
اتمنى لو تزورينى وتنور عندى شوية

غير معرف يقول...

الحضارات القديمة التى قامت فى دولنا العربية ومنها الفرعونية كانت عظيمة لدرجت اننا لن نستطع تخيل عظامتها والمأساة الان اننا نعيش فى الماضى وعلى اطلاله وننسى الحاضر

مجهول يقول...

و كل شيء في ذلك الفن المعماري ثابت متين مادام الخلود غايته

كلمات ملخصة لحضارة عظيمة بالفعل

.......
مين الصورة اللي انته حاططها دي ؟
متعرفوش؟ هههههههه
ده ذو النون المصري
موسوعة المدونات بكل بساطة

اتمني ان تضع رابطا ان وجد لكل كتاب تطرحه وتقدمه بأسلوبك العالي لكي تعم الافادة
.......
تحياتي لك ودمت بكل خير

ذو النون المصري يقول...

راسبوتين
اشكرك جدا علي تعليقك و كلماتك
اسعدتني جدا زيارتك
تحياتي

ذو النون المصري يقول...

استاذ راجي
فعلا اشارتك في محلها
الحجم الكبير له دلاله واضحه علي قدرة الحكام علي استغلال كل الموارد المتاحه سواء البشريه او غيرها
حتي في بناء الاهرام كان من اسبابها ان المصريين بيتعطلوا عن العمل ثلاث شهور في السنه هي شهور الفيضان و كان العمل في الاهرام حل للبطاله في زمنه
لو المغفلين بتوع النهارده يعرفوا كده مكنش ده بقي حالنا

ذو النون المصري يقول...

بنت القمر
ماشي
الحمد لله
انا فرحت فعلا اني عملته لانه غلبني جدا
و هحاول اظبط الاعدادات بتاعته
و ربنا يسهل

ذو النون المصري يقول...

عاليا حليم
هذه الامنيه تمناها قبلك كثيرون لان فيه اعتقاد فعلي باننا نمنا علي التراث و استرحنا علي كده
صحيح هو الفيلم و للا الروايه المشهوره اسمها الراقدون تحت التراب و للا الراقدون تحت التراث؟

ذو النون المصري يقول...

كفرواي
اختاروا الخلود في النار مش في الدنيا
ههههههه
تحياتي

ذو النون المصري يقول...

د / روفي
اشكرك جدا علي زوقك
تحياتي

ذو النون المصري يقول...

كريم بهي
انا اللي سعيد جدا بانك في مدونتي و مرحبا بك في زيارتك الاولي لها و الي ارجو ان لا تكون الاخيره
و سعيد جدا ان مدونتي اعجبتك
و هزورك بعد كتابة البوست الجديد
تحياتي

ذو النون المصري يقول...

هند هنادي
فعلا دي مشكلتنا اننا كسلنا علي الاخر و استريحنا لاننا كنا اصحاب حضارات قديمه و كان ده كفايه
تحياتي

ذو النون المصري يقول...

مجهول العزيز
اشكرك جدا علي الكلمات
بجد انا لسه مش عارف نفسي كويس و كل ما اشوف نفسي في المرايه الاقيني حاسس باني غريب جدا عن نفسي
حاسس انه حد اعرفه بس مين هو مش قادر احدد

oceaneyes يقول...

حلو اوى البوست ده بجد ..انا عموما بحب اى موضوع خاص بالحضارات ..وياسلام بقى لو الموضوع بيتكلم عن حضارة بلدى ..اللى هى فعلا اعظم حضارة قامت فى العالم كله بشهادة العالم كله برده ..

شكرا على المعلومات الحلوة


تحياتى

:)

ذو النون المصري يقول...

عيون المحيط
قريت تعليقك متاخر خالص فمعذره ان الاجابه متاخره ايضا
انا سعدت بتعليقك و تشريفك للمدونه
تحياتي