الخميس، يناير 17، 2008

يوم 17 يناير

بقالي اكتر من سنه شغال في المدونه و عملت التانيه فنون جميله ايضا ، صار التدوين عندي ادمان ،صحيح ممكن امل يوم او يومين لكن برجع تاني للمدونه ،لانها خلاص لم تعد مجرد مكان بسجل فيه خواطري ،لا بل هي الان وسيلة اتصال بزملاء تعرفت عليهم من خلالها و لولاها ما عرفتهم وهم الان اعز الاصدقاء رغم اني لم اري معظمهم
التدوين عندي له سبب اخر يمنعني من الانقطاع عنه او الملل منه.هذا السبب هو اني مستفيد استفاده شخصية منه.كنت قبل التدوين كلما قرات كتابا سارعت باختصاره و تسجيل مختصره في الكشكول او الاجنده و مع ما كان يكتنف عملية الكتابه من املال و تعب كنت امل من تسجيل الكثير من المختصرات فاتركها ،الان المدونه وفرت لي هذه الوسيله ليس هذا فقط ،بل شاركت زملائي في قراءاتي و افدتهم منها كما استفدت ايضا
انا ايضا استفدت من المدونه لانها اطلقت افكاري من عقالهان فكلما اتتني فكره اسارع بتسجيلها كي لا انساها و المدونه بالطبع صارت هي ارشيف ذاكرتي سواء في الافكار او القراءات
في يوم 17 يناير الماضي عملت للمدونه عداد للزوار و اليوم العداد و قد مر عليه عاما كاملا رايته قد احصي 35 الف زائر نو هذا اسعدني بشده رغم اني لست واثقا تمام الثقه في قدرته الفذه علي الحصر ،كما ان العداد الاخر الذي يحصي الزوار علي الهواء بجنسياتهم ايضا يحصي زوار من دول لا اتصور انه يوجد منها من يدخل المدونه اصلا و هذا يجعلني لا اثق فيه هوالاخر اكثر من سابقه
عموما ،كل سنه و العداد طيب و عقبال 100 الف اذا كان صادق في عده و حصره ،بالمناسبه:انا الان لا اهتم بالعداد اطلاقا لذلك صرت ادون دون النظر للتعليقات او غيره ،لان التدوين نفسه صار اثبات لوجودي و حضوري و شهودي هذا العالم الجديد ..الحضور و اثبات الوجود في حد ذاته صار هو همي الاول هناك
فيه حاجه في مدونات ناس كثيرين رايتها و مغلباني و لا اعرف كيف اعملها !!هذا الشيء هو ما يسمي بالريدر او ما يطلقون عليه المجمع التدويني ،ياريت اي شخص يعرف كيفية عمله يكتب لي كي اعمل واحد و كذلك مجمع الاخبار الخاص بالمدونه،لا اقصا شريط الاخبار بالطبع فهذا شيء اخر،فياريت من يعرف يدلني علي كيفية عمله و له جزيل الشكر
امر اخر يحز في نفسي، هو قلة اهتمامنا بالفنون فانا اعرف كذا مدونه فنيه لا يعلق فيها احد مما احبط اصحابها فاغلق بعضهم مدونته بسبب عدم الاهتمام و التجاهل من المدونيننانا لا اقصا نفسي ابدا هنا لاني سادون في فنون جميله ايا كانت الظروف لاني مدرس تربيه فنيه و الكتابه في الفن صارت من هواياتي دون النظر للمتابعه او عدمها
...........................
كتبها ذو النون المصري
....................

هناك 22 تعليقًا:

HafSSa يقول...

اه و النبي يا نون انا كمان نفسي احط البتاع اللي اسمه ريدر ده بنت القمر كانت شرحتلي بس في كام حاجة استغلقت عليا(حلوة استغلقت دي) و خفت ابوظ حاجة ف يالمدونة فمحتطهوش و كمان دلوقتي في حاجة جديدة في ريدر بيقولك الناس دي جاية من انهي بلد و من انهي موقع او مدونة
تكنولوبيا جبارة جبارة جبارة
حمووووات الا ما اعرف
و في حاجة كمان اعجب الا و هي في ناس بتنشر التدوينة و تمنع عنها هي بس التعليق
ازاي متعرفش
ما تيجي ندور لنا على مدرس تدويني يدلنا كام درس في التمام؟؟
صحيح اياك بعد كده تقلي ابلة حفصة
ايه دول كلهم سنتين فرق حتعجزني و تقولي ابلة
لا يا سيدي يفتح الله

بنت القمر يقول...

حفصه وذو النون
هههههههههههههه
ههههههههههههههههه
طب ليه كبر النفس ده اللي مفهمش الابله تعيد له تاني
والساعه ب10 جنيه والحسابه بتحسب
نون الريدر سهل خالص جدا
اولا تدخل علي www.google reader.com
بالايميل بتاعك الياهو او تعمل واحد علي جي ميل
تمام انت كده بقا عندك اكاونت
تانيا حاجه اسمها ادد سابيسكريبشين
يعني بالبلدي المدونات اللي انت عاوز يجي منها المتابعه مثلا بنت القمر تاخد لينك مدونتي وتلطعه عادي خالص كوبي وبيست زي ما انت حاططني علي جنب كده وده بيكون داخال مربع اخضر اسمه سابيسكريبشين
تمام وكل الناس اللي سيادتك بتابعهم
خلاص حطيت 50 او 60 مدونه
تالتا
في نفس الصفحه برضه لاتروح يمين ولا شمال علي اليمين تحت سنه هتلاقي حاجه اسمها بوت ا كليب
يعني حط الكليب
وها يديك كود الكليب ده بقيس اللي هو البتاع المستطيل اللي بيظهر عندي علي جنب كده ومقالات سعاتك بتكون منورة عليه
تاخد الكود
الاول بيديك اختيارات عايز كام موضوع يظهر والللون الكليب وكده بعد ما تختار شكله ولونه وعدد المواضيع تاخد الكود كوبي وبيست وتحطه عندك في جافا اتش تي ام ال
زي ما بتحط الساعه او العداد خلاص بس

بنت القمر يقول...

طيب تنشر ازاي الجديد الكليب طلع عندك علي وش المدونه
ها تدخل علي الاكاونت بتاعك
وها يقولك انهارده في 5 مواضيع جديده او ايتم بالانجلش
مثلا حفصه او انا او فلان او علان تقرا الموضوع عجبك تحته دوغري هتلاقي كلمه شير
يعني شارك لقيت الموضوع تعبان او مش حلو طنش
الموضوع اللي ها تعمله شير ها يظهر في الكليب علي صفحه المدونه الرئيسيه
جرب اذا حاجه وقفت معاك ممكن اساعدك تاني لان الموضوع ده كان مجنني وفضلت وراه لحد ما اتعمل
ك سنه وانت بخير وانا عيد ميلاد المدونه بتاعتي 22 -1
اكبر منك بخمس ايام مش سنتين زي حفصه يا عجوزة يا حفصه
عجوزة
عجوزة يا حفصه
هههههههههههه
البتاع التاني بقا دا اهبل
ليه كود تاخدة كوبي وبيست ويطلع دوغري زي الساعه
من اخر سطر هتلاقيه عندي وعند عباس العبد
ايه تاني انا قلت لحفصه اديني الميل والباسوورد واعملهولك مرضتش رغم اني كنت ها امضي لها ورقه ضد بس هي خافت
حقها صاحبه عيال بقا
وكده يعني عضمه كبيره ومش حمل بهدله
صح يا حفصه يا عجوزة
عجوزة انتي
ههههههههههه
تحياتي وربنا يخليكم ضحكتووووني وانا مليش اي زفت نفس خالص

ibn nasser - ابن ناصر يقول...

ازيك يا ذو النون ؟؟
اخبارك ايه؟
اه الريدر انا حاطه بس مببصش عليه !
تحياتي

DantY ElMasrY يقول...

سؤال بس يا نون هو الشخص اللى فى الصورة مريض ولا حاجة ؟اللى طاعاله فى رجليه دى دمامل ؟

ذو النون المصري يقول...

حفصه
الريدر انا احترت فيه فعلا و كمان بعد شرح بنت القمر فشلت في عمله مش بسبب اني مش فاهعم؟؟؟ابدا و الله
الظاهر ان الكمبيوتر هو اللي مش فاهم
لانه مش راضي يفتح لي اي موقع لما باطلب منه فتح جوجل ريدر
بالنسبه لموضوع انهي بلد و خلافه فانا عملته خلاص

ذو النون المصري يقول...

بنت القمر
انا حاولت فيه مره و هحاول تاني كما مره و مرات
و ربنا يسهل و اقدر اعمله

ذو النون المصري يقول...

بنت القمر
علي فكره
مدونتي مش بتاريخ 17 يناير
العداد بس هو اللي بالتاريخ ده
لكن انا و حفصه عملنا المدونات بتاعتنا في نفس اليوم 6 اكتوبر 2006

ذو النون المصري يقول...

ابن ناصر
حمد الله علي السلامه
بقالك مده مشغول عننا
و انا و الله مشغول جدا عنك لكن هنرجع للزيارات المتبادله تاني قريبا دون انقطاع ان شاء الله
تحياتي

ذو النون المصري يقول...

دانتي المصري
مش تعبان و بس
ده مدمن نت و كمبيوتر

بنت القمر يقول...

نون
ممكن تدخل علي الصفحه بتاعه الريدر من عندي في البتاع المستطيل الريدر بتاعي تحت خالص هتلاقي كلمه ريد مور
دوس عليها ها تفتح صفحه خلفيه
علي الجنب هتلاقي مستطيل كده في كلمه ساين ان
لو انت عندك حساب اصلا ولو معندكش وطبعا انت معندش هتلاقي تحتها كلمه ساين اب
يعني اعمل حساب جديد
تبدا تعمل حساب للريدر بالايميل بتاعك الياهو او بواحد جيميل وباقي الخطوات زي ما هي
جرب ولبقي سيب لي رد وصلت لايه هنا عندك

بنت القمر يقول...

نون معلش غلطه
بعد ما تدوس ريد مور هتلا قي لينك اسمه جيت ستارتيد ويز جوجل اكازنت دوس عليه وبعدين ساين اب

Ragi يقول...

والله يا سيد نون بنت القمر انسانة خيرة جدا واضح انها بتحب الناس وكمان حفصة من اظرف المدونين وشديدة فى الخلاف
وانت راجل طيب وانا باحبكم انتوا الثلاثة

HafSSa يقول...

يعني ايه شديدة في الخلاف يا راجي؟
والله بجد معرفش يعني ايه؟؟
دي حاجة وحشة يعني ولا كويسة؟ والنبي تفطني وحياتك
بنت القمر اياك تضحكي عليا بس انا فعلا مش عارفة اعمل البتاع ده و خلاص زهقت
حبقى احنن قلب اخويا اصله هو بيفهم و اخليه يعملي المستغلق فهمه

HafSSa يقول...

صحيح و احن اكمان بنحبك يا راجي
متشكرين على طيابة روحك السمحة

بنت القمر يقول...

http://a-researcher-from-the-truth.blogspot.com/2007/11/google-reader.html
حفصه ونون
ده لينك تعمل ريدر بالصور
ازاي؟؟
معاكم لاخر الخط انا حسيت اني انا اللي عندي البربليم كده
معلش
الصبر حلو
انا برضه طهقت لما عملته يا اولادي
بس لما بيطلع الواحد بيفرح اوي
معاكم لاخر الخط

بنت القمر يقول...
أزال المؤلف هذا التعليق.
بنت القمر يقول...

حفصه انا سايبالك جواب غرامي في المدونه بتاعتك مشفتيهوش ولا ايه ولا عشان عم نون اخد الوسام خلاص اروح اموت انا
طب انا ها ابعتلك صورتي وتحطيها في المدونه عندك وتديني وسام انا كمان ولا ها اخرب بيت حضرتك وسام المواطنه الاولي في عمل الكلينوني او نوط الشرف في عمل بابا غنوج
اهواي نوط والسلام اتصرفي
مليش دعوة
********************
راجي احنا اخوات الف شكر ليك

Ragi يقول...

حفصة
يعنى جدعة فى المناقشات التى تختلفى فيها مع الاخرين

ذو النون المصري يقول...

بنت القمر
اشكرك جدا
انا عملته خلاص
دمتي لنا

ذو النون المصري يقول...

استاذ راجي
و انا كمان و الله بحبك جدا و سعيد بوجودك في الاسره التدوينيه
تحياتي

ذو النون المصري يقول...

حفصه
مجراش حاجه
كلنا هي فاكراكي عجوزه و لسه مشفتكيش
لو شافت الصوره بتاعتك االي علي المدونه كانت قالت عليكي بنت عشرين او تمنتاشر
الصوره حلوه فعلا
اموره
تحياتي