الأحد، نوفمبر ١٨، ٢٠٠٧

بوجي في زمة الله

عن عمر يناهز ال66 سنه مات اخيرا بوجي رفيق الاطفال و صديقهم توام و ثنائي طمطم الشهيره
منذ ان كنت طفلا و لسنوات طويله متواليه لم انقطع عن مشاهدة بوجي و طمطم و كان هذا المسلسل من اهم علامات رمضان بالنسبة لي حتي انني كنت احب رمضان لان بوجي و طمطم سوف ياتيان و كنت اكره نهاية الشهر لانه ايذان بنهاية هذا المسلسل

و كان رمضان الذي ينتهي و يترك لنا بعض حلقات بوجي و طمطم باقيه لم تنتهي هو افضل شهور رمضان علي الاطلاق لانه مر دون ان يترك فينا هذا الحزن لنهاية هذا المسلسل، كنت و انا طفل احبه جدا جدا و لم اتساءل في اي يوم من ايام حياتي عن هذا البوجي ،،لماذا لا يكبر مثلنا؟و هل يدخل المدرسه؟ لماذا لا يتغير ابدا؟ فصوته هو هو علي مدار السنين!!و طباعه ثابته لا تتغير ابدا!! كما ان حجمه و شكله لا يتغيران!!.كان ذلك بالنسبة لي شيء غريب لكن هذه التساؤلات مرت امام حب الاستمتاع ببوجي و فكاهاته و احيانا حماقاته
اذكر من هذه الحماقات يوم ان فكر في عمل كنافة رمضان و ظل ياتي بالدقيق و ينثره و العسل الاسود و يرشه علي الدقيق و ظل يفعل الافاعيل الحمقاء حتي انتج شيئا مضحكا و بعدها ادبته بلطافه الممثله هاله فاخر و التي تقوم بدور طمطم
حماقه اخري من حماقات بوجي و التي تعلمنا منها يوم ان ظل يبتلع الكثير من الادويه و الحبوب ظانا انها شيكولاته لانها ملونه مثلها
و حماقه ثالثه حين ظل ياكل و ياكل بلا حساب حتي انتفخت بطنه و غنت معه طمطم
حرمت يا بوجي
فيرد حرمت
فتقول حرمت ترمرم
فيقول حرمت
و كانت من اغانينا المفضله في حينها
اشياء كثيره تعلمناها منه ،،و في كل عام جديد كان ياتينا باصدقاء جدد و شخصيات جديده مثل زيكا و زيكو و قام باحد الدورين الفنان سيد عزمي و هو بالمناسبه كان يقوم بدور بقلظ مع ماما نجوي في مساء و صباح الخيرو الفيل فلافيلو و اغنيته المشهوره
ايام طفولتنا كانت هي ايامنا الحلوه بسبب هؤلاء الذين لم يستحوا ان يقدموا اعمال اطفال فاثروا حياتنا بالكثير من الافكار و المعلومات و التي للاسف لم يري مثلها ابناء الجيل الجديد لان نجوم اليوم استحوا من اعمال الاطفال او انتقصوها للاجور الزهيده التي تعطيها لهم هذه الاعمال
لذلك يستحق كل فنان حقيقي ان نعطيه اجر اخر غير الاجر المادي الذي لم يسعوا اليه حينما فكروا فينا اطفالا ،اجرهم الثاني و الباقي هو الدعاء لهم و حبهم
رحم الله يونس شلبي بوجي حبيب الاطفال منذ اجيال مضت
لكم حزنت حينما مت
رحمك الله يا بوجي
.......................

هناك ٢٢ تعليقًا:

http://kasperb4.blogspot.com/ يقول...

ياااااه
تصدق طول الفترة اللي فات لما كنا بنسمع عن خبر وفاة يونس شلبي ربنا يرحمه مسمعتش حد فكرنا ببوجي خااالص
حتى انا كنت ناسي والله ان هو اللي عمل شخصية بوجي
لفتة جميلة منك وفكرتني بردو بأيام جميلة

ولا يسعنا الا ان ندعو ليونس شلبي بالرحمة والمغفرة لأنه الآن في ذمة الله

ربنا يرحمه ويغفر له ويجعل قبره روضة من رياض الجنة ولا يجعله حفرة من حفر النار
وربنا يجعل مرضه في ميزان حسناته

غير معرف يقول...

تعرف يا نون؟؟
أولما سمعت خبر الوفاة قلت لأمىاية ؟؟
قلت لها رفيق طفولتنا بوجى مات يا أمى

هى استغربت لحد ما قللت لها انه يونس شلبى

حسيت ان جزء مننا ومن شخصيتنا واحنا صغيرين راح خلاص واختفى

الله يرحمه ويحسن اليه
واللى أحزننى أكثر ان فى جنازته
لم يحضر أحد
وكأنه لم يكن بينهم او رفيقا" لهم

ترى
ماهو مقياس العزاء او الاهتمام بانسان كان رفيق الدرب؟؟

تحياتى
وتعيش وتفتكر

نبضات يقول...

بوست رائع ياذو النون بحييك عليه جدا لانى حزنت جدا لخبر وفاة يونس شلبى خصوصا انه كان من الفنانين المحترمين ،وزعلت ان معظم المحطات التلفزيونيه على الدش اللى اتكلمت عن يونس شلبى بعد وفاته عن اعماله كانوا بينسوا اهم اعماله
وهو شخصية بوجى مع انها اهم واجمل ماقدم. شخصية ارتباطنا بيها كتير واحنا صغار واتعالمنا منها كتير وغرست فينا معانى جميله يفتقدها كثير من الاجيال الجديده لعدم وجود نفس المستوى الفنى الراقى فى تقديم برامج واغانى ومسلسلات الاطفال . وانا سعيده جدا انى من جيل بوجى وطمطم والذى كنا نتظره ونحب رمضان عشان هذا البرنامج الممتع
وباقى برامج الاطفال عموا فؤاد ،بوقلز وماما نجوى اللى كنت بحبه اوى صباح الخير ومساء الخير ، عبد المنعم مدبولى ، واغانى صفاء ابو السعود ، لبلبه ......الخ
سعيده انى من هذاالجيل الذى اسمتع وتعلم الكثير من كل هؤلاء وبكون حزينه على الاجيال الجديده التى تفتقد كل الحاجات الجميله دية ولكنى شعرت ببارقة امل لما سمعت بعض اغانى نانسى عجرم الجديده للاطفال... يعنى فى امل
الله يرحمه ويغفر له ذنوبه وشكرا على هذا البوست
تحياتى لك

^ H@fSS@^ يقول...

عارف ان عيطت يومها لما قلت يا بس
لانه مش مرتبط بس ببوجي
لا مرتبط كمان بشريط كاسيت لاغاني الاطفال اسمه الديك الشركسي و لازلت الى الان فاكرة اول كلماتها اللي بتقول الديك الشركسي صاحب صاحبتنا رانه
تلاقيه امبارح نسي يتقمع في الفراندا
سالت عليه قالو لي طلعتله سنة لولي من يومها و هو قاعد يقول انا الكوماندا
و غير ادواره اللي لغاية دلوقتي بتضحكنا من القلب في سمرحيات المشاغبين و العيال كبرت بيمثل بكل براءة و عفوية و يحسسك انه يعرفك من زمان

اغنية حرمت يا بوجي دي فعلا من اغنيات جيلنا المشهورة و زي ما قلت للاسف الجيل ده ميعرفش التراث اللي احنا اتربينا عليه ده ابدا
بس اللي ملاحظاه انالسنتين اللي فاتوا شهدوا وفاة الكثير من عمالقة عصرنا و جيلنااحنا سواء محفوظ ولا المهندس و مدبولي و يونس و سناء يونس و سعاد نصر
من كام يوم لسه شايفة فلم جواز بقرار جمهوري و جه مشهد هما الممثلتين فيه و اترحمت عليهم هما الاتنين
مش عارفة زي ف يعداد و بيحسب و عمالهم بيتسرسبوا واحد ورا التاني و تحس كده زي كأن عصرك انت كمان بيختفي معاهم


الله يرحمه و يرحمنا

^ H@fSS@^ يقول...

صحيح نسيت اقلك سبت تعليق في موضوع الخير والشر
احب اسمع رايك و فعلا لو عاوز تمسح التعليق مش مشكلة انا بس كنت بوصل رسالة للمؤدب اللي دخل في شرفي و شرف عيلتي و امي و عرضنا كلنا

اسفه مقدما

ذو النون المصري يقول...

الام و امال
انا و الله قلت لاختي بوجي مات
قالت لي بوجي مين
قلت لها يونس شلبي
حلفت لي و قالت انها اول مره تعرف ان بوجي هو يونس شلبي الا الان
و شكرتني اني عرفتها
و حزنت جدا

ذو النون المصري يقول...

شهروزه
انا فعلا اشد ما احزنني انه لم يلقي الاهتمام الكافي من زملاؤه في العزاء
و حتي في ايام مرضه انا حزنت جدا
و كانه فعلا جزء مني
لانه شكل جزء من كياني و ثقافتي
فعلا له الله

ذو النون المصري يقول...

نبضات
اكتر شيء فعلا بناسف له دائما ان اعمال الكبار للاطفال لا تذكر مع اهم اعمالهم كانه يستحون من ذكرها رغم انهم لم يستحوا من عملها
يوم عبد المنعم مدبولي نسوا تماما جدو عبده
و مع فؤاد المهندس تناسوا عمو فؤاد
و هكذا دائما
متي ينتبهون للاطفال و اعمال الكبار عنهم؟

ذو النون المصري يقول...

حفصه
حاجات كتير لما بتنتهي بحس ان جزء مني مات
خصوصا اذا كان لها تاثير فعلي في حياتي
منها هؤلاء النجوم

ذو النون المصري يقول...

حفصه
بالنسبه لتعليق الخير و الشر الجديد
انا رديت عليه و بقول ان مفيش داعي لاسفك في مدونتي لانها في الاول و الاخر بيتك
تحياتي

نبضات يقول...

انا بعلق اليوم عشان اهديك دعوه لزيارة مدونتى نبضات وانا اسفه جدا بخصوص زيارتك السابقه عشان مكنتشى فى المدونه كانت فى تجربتى الاولى لعمل المدونه وكانت المدونه اللى بكتب فيها مش ظاهره فى البروفيل بتاعى عموما الحمد لله المشكله اتحلت والان الظاهر فى البروفيل المدونه اللى بدعوك لزيارتها هى حاجه كده على قدى مش قويه اوى بس اتمنى ان اعرف رائيك فيها . وممكن تعلق فى اى بوست يعجبك ان بشوف التعليقات بتاعت البوستات السابقه بتاعتى
تحياتى لك

ذو النون المصري يقول...

نبضات
الزياره ستتم حالا
و سعيد بان مشاكل مدونتك انتهت لاني حاولت ادخل عندك اكتر من مره و فشلت لان لينك عاليا حليم عندي ايضا عاطل لا يعمل
تحياتي

emz يقول...

يااه الديك الشركسى ..
ربنا يرحمه و يحسن اليه

Unknown يقول...

دى لفتة جميلة منك اوى على فكرة كويس و الله ان فيه ناس بتقدر و تعرف يعنى ايه حد يعجب فنان و يتاثر بيه و يزعل عليه لما يفقده مع ان عمره ما قابله و لا ليه اى احتكاك بيه اصل فيه ناس كتير بتتريأ على مقالات وداع الفناين الى زى دى و بيخدوا من الفنان بس سقطاته و اخطاءه و تلاقيهم هما بيتفرجوا ع الفنانين و يتتبعوا حياتهم بس يتفرجوا على السقاطات دى ناس غريبة

بحييك بجد و ربنا يرحم بوجى

غير معرف يقول...

وانا فاكرة كل الحماقات دي
اللي ياما ضحكنا عيها

ربنا يرحمه و يغفر له

dr.Roufy يقول...

الله يرحمه فعلا
كل ذكريات طفولتي بتروح حاجة ورا حاجة
بوجي مات..ومعمو فؤاد..وجدو عبده
الظاهر اننا عجزنا قوي

تحياتي

الحمقاء المضلله innominate x يقول...

بجد و الله صعبان عليا.......بس هم اغلب الفنانين كده بيموتوا موتات سيئه يا مرض يا موت مفجع يا بيموتووا فقراء او منسييين الله يرحمك يا يونس شلبي او يا بوجي

ذو النون المصري يقول...

ايمز
الله يرحمه و يرحمنا

ذو النون المصري يقول...

عاليا حليم
انا مهزاتش ابدا من اي تعبير عن حزن لوفاة اي فنان و معرفش فعلا اللي بيعمل كده زعلان ليه
الفنان انسان زيه زي غيره له ناس بتحزن له
لكن هو كل الناس عارفاه
و الله انا حزنت له جدا و لعمو فؤاد حزن خاص
تحياتي

ذو النون المصري يقول...

ايبيتاف
و الله حماقاته كانت لذيذه
اشكرك جدا
تحياتي

ذو النون المصري يقول...

د روفي
قلتها مره
بحس اني كبرت لما الشخصيات التي عاشت معي طفلا تموت

ذو النون المصري يقول...

الست الحمقاء المضلله
انا مكسوف شويه و انا باكتب اسمك و بحس اني باشتمك
بس نقول ربنا يرحمه و يرحمنا جميعا
تحياتي و اشكرك علي الزياره الاولي لكي لمدونتي