الأربعاء، فبراير ٢٨، ٢٠٠٧

شخصية الاستاذ( س.)خلف الكواليس و علي مسرح الحياة

شخصية الاستاذ (س.)خلف الكواليس و علي مسرح الحياه
.....................................................
يوم الخميس الماضي كنت في فصل سادس ابتدائي و تحدثت معي بعض تلميذات الفصل اثناء الرسم في الحصه،فقالت احدي البنات ان احب المواد الي قلبي هي مادة الحساب و مع ذلك فهي اسوا حصه عندي ،فلفتت انتباهي بما قالت فسالتها عن السبب ..فقالت:ان الاستاذ (س.)لا يشرح اي شيء مطلقا و يضيع وقت الحصه لقد ظل طوال الحصه الفائته يقول لنا :شمس ....قمر و المطلوب منا ان ننام مع قمر علي التخته و ان نصحو علي كلمة شمس.،و احيانا يستبدل شمس و قمر بواحد و اثنين...و يظل يرددها منتبها الينا و نظل نحن ايضا منتبهين اليه و من يخطيء يخرجه من مكانه الي السبوره للعقاب!!!لقد فعل ذلك طوال الحصه الماضيه و لم يشرح لنا اي شيء
.......................................................
هذا كان احد جوانب شخصية الاستاذ (س.)و الذي لم اكن اتخيله بهذه الصوره العبيطه السازجه!!! هذا الجانب الحياتي الذي يعيشه خلف الكواليس كانه شخص اخر غير الذي نراه علي خشبة مسرح الحياه!!!فالاستاذ (س.)يعمل في المدرسه الي جوار عمله بالتدريس واعظا و مرشدا دينيا للجميع طلبه و بعض السزج من المدرسين والمدرسات!!!فكثيرا ما يتصدر للازاعه المدرسيه فيلقي كلمه دينيه يبح فيها صوته محذرا من بدعه جديده كعيد الام او الطفل مؤكدا بان كل بدعه في النار و ان الرسول لم يامرنا بالاحتفال بهذه الاعياد......؟
...........................................................

رايته كثيرا اثناء دفن الموتي يلقي ايضا كلمه في التحذير من سوء الخاتمه و يامر بالطاعه و يحذر من الاغترار بالدنيا ..و يعطينا العظه و العبره في الميت الذي دفن توا و يكون متحمسا اكثر اذا كان الميت شابا صغير السن!!!!!!؟

شخصيته اثارت عجبي كثيرا!!!لاني رايته كمن يمثل علي المسرح لا شخصا يعيش في واقع الحياه..فهل يمكن ان يتلون الانسان بهذه السرعه؟؟؟؟

لقد رايته مثل الكثيرين في ايامنا هذه يعيشون حالة الفصام الفكري و العقائدي فلا تمييز لديهم بما يجب و لا يجب،،و لا يعرفون لكل تصرف ثمنه الشرعي من الحسنات فيهتمون بما لا طائل من ورائه غير بعض المظاهر


اذن فقد صدق يوسف وهبي حين قال و ما الدنيا الا مسرح كبير و كل واحد فينا يلعب دورا في هذه المسرحيه..لان ما
رايته فعلا شخص له حياتين واحده خلف الكواليس و الاخري علي خشبة مسرح الحياه
لم يدرك الاستاذ ان ما يفعله يفهمه التلاميذ جيدا و انه بفعله هذا يفسد معني الدين في قلوب الاطفال .لانهم ببساطه يعرفونه داعيه و يعرفونه مقصر و مزوغ من واجباته في العمل..!!!فكيف تؤثر فيهم مواعظه؟؟هل ياتي مثله بتاثير ايجابي؟
ما اجدره بالبقاء في البيت لا يخرج منه الي التربيه و التعليم.... اليس سكوته عن الدعوه افضل للاسلام في نفوس الصغار من نطقه و جهره بها؟؟؟؟
ما اصدق مقولة نجيب محفوظ في هذه الحاله .....الشيطان يعظ

هناك ٤٨ تعليقًا:

ibn nasser - ابن ناصر يقول...

فعلا معاك كل الحق وعلي فكره الاستاذ (س) متكرر وجود في كل حته وكنت علي علاقه بواحد كده بس صحبي جدا وقدرت اعرف اللي عنده مش نفاق لكن شبه انفصام او زي تذبذب كده ,, وشكرا لك
تحياتي

شباب روش طحن يقول...

الحقيقة أن هذا مثال سيء جدا للمتدين فهو يجب عليه أن يكون سلوكه صورة من معتقداته أو أن يترك معتقداته ولا يمثل الإسلام فهو بذلك يكون مثال سيء للمسلم ليس إلا

.:.-=- ELGaZaLy-=-.:. يقول...

لم يدرك الاستاذ ان ما يفعله يفهمه التلاميذ جيدا و انه بفعله هذا يفسد معني الدين في قلوب الاطفال .لانهم ببساطه يعرفونه داعيه و يعرفونه مقصر و مزوغ من واجباته في العمل..!!!فكيف تؤثر فيهم مواعظه؟؟هل ياتي مثله بتاثير ايجابي؟
]
-----------------------------

الناس دى الى بنعانى من اثرهم حتى الان

بجد بيحطمو شخصية رجل الدين فى قلوب الاطفال باسم الدين..بجد قمة التخلف...

دعاء عادل يقول...

بجد حرام اللى بيحصل ده
المفروض تتعمل للمدرسين اختبارات نفسيه قبل ما يتكلفوا بالمهمه الخطيره والساميه دى
تخيلوا مدرس زى ده هايشوه نفسية كام طالب
بجد حرااااااام والمفروض تتقدم فيه شكوه للمدير المدرسه او لحد ليه السلطه
ده بقى يروح يعمل كل اللى عايزه بس ماينفعش يدرس
ماتتخيلش البوست ده اّلمنى قد ايه

غير معرف يقول...

بعد السلام كنت بتكلم مع واحد صحبى عن الموضوع ده انا لاحظت ان مفيش اى حاجه من الى بيقلو عليها اختراع دخلت عندنا مصر ومطورناش فيها يعنى احنا شعب مطور طب فين الابداع اه انت بتسال عن الابداع مش موجود قتلو هولاء قتلو وقتلو معه كل من نادى بالابداع لماذ لانهم فى المدرسه الكلام ده فى النادى طب والنادى بيضور على محترفين ويخلص طب منين هم الى قتلو المستفدين ام الاغبيا طهرو المجتمع منهم بوجود الابداع فى البيوت

khaled يقول...

للاسف واحد زى كده محطوط فى مكان خطير و مسئولية كبيرة مش حاسس ياهميتها
غير انه ما بيعملش المفروض عليه من حق التلاميذ فى الشرح
بيقول عكس اللى بيعمله
او كلامه مجرد تكرار و حب للظهور و خلاص
انا لما اشوف واحد زى ده هاقبل منه ازاى؟
هاتعلم منه ازاى؟
هاقتنع بيه ازاى؟
ربنا يرحمنا

غير معرف يقول...

للأسف اللي انت حكيته دة مش صدمة بالنسبة لي لأني اعرف مدرسين كتييير قوي بيعملوا كدة...ناهيك عن عدم الشرح فقط...لكن كمان واستقصاد العيال وضربهم وقهرهم لحد ما يخدوا عنهم دروس وبعد كدة تشوفهم مش بس في الجوامع لكن في الكنايس...!!! وعاوزين جيل يطلع منه قيادات ومسئولين في البلد المسكينة دي؟؟؟طب إزاي؟؟؟وعلى فكرة حتى يوسف وهبي لما قال: وما الدني إلا مسرح كبير...كان سارقها أصلاً من شكسبير..وتحديدًا من رواية تاجر البندقية....ما أقدرش أقولك غير : يرحمنا ربنا على رأي والدي...
محسوبتك مريم

غير معرف يقول...

العزيز ذو النون المصرى بلدياتى
أكيد انت سمعت عن حالة الفصام اللى واجهها المدونون فى الآونة الأخيرة
تكون المدونة مية مية
والوعظ والاصلاح الجتماعى ولا قبل كدة ولا بعد كدة...وخلاص العقل دة جهبز ومنتها الاحترام والنظرة المتحضرة للجنس الآخر
لكن فجأة فى الكواليس
يتحول الى ذئب أو متحرش بمعنى أصح
ومع كل الأولوان
يعنى بمعنى أصح
فاتح المدونة لجر رجل الزبونات

نفس الموقف اللى انت بتحكيه

ونفس مدير سابق فى العمل عندى
كان منتها الالتزام أمام الناس
وفى الخفاء داخل كواليس مكتبه
ياااا للهووول
على رأى يوسف وهبى برضة

لم نتعلم بعد القبول بطبيعتنا الاصلية مهما كانت همجيتها أو بداوتها
نتبرأ منها ونتجمل
حتى نلمع فى أعين الآخرين

نفاق نفاق نفاق
=====
حلوة الصورة اللى فى أول البوست
أممممممممممم
بأشبه عليها
هى فكرتها تمشى على كل الخوازيق على فكرة

نياااهاااهاااااا

مجهول يقول...

أنا اصفق و اصفق و اصفق و اصفق
معلم يا معلم نون
والله معلم
لن اتناقش معك فيما كتبت
فانا لن اوفيك حقك
لكن ارجو ان تنتظر موضوعي القادم
وكأنك كنت تقرأ افكاري
ايه يا عم محضر ارواح
وبعدها نتناقش و نتكلم
لك تحياتي

غير معرف يقول...

عندك حق والله
انه ثمتيل مسرحي
و الانسان الواضح هو الذي اصبح فيه كل العيوب
لا ضمير و لا عهد مهني شرفي ولا احساس بالمسؤولية
برمجة خاطئة و شخصيات سيكوباتية
و بما انهم يمثلون فانهم يرتدون مع كل مسرحية ثوبا جديدا
هذا مع الاسف شكل جديد من التدين مغالاة في مغالاة و الباطن فارغ و الضمير مغيب و المهم الواجهة
والله مدرس الابتذائي كمان كان بيغازل البنات و كنا صغيريين لكن كنا بنفهم
و اهو عايش بسلامتو و بيدرس و اتجوز وخلف
اتذكر انو كان دايما يجي في الصف يجلس قدام تلميذة معينة و يكلمها كثير حتى اعتدنا على المشهد
وكنا بنقول المدرس بيحب فلانة ؟؟؟؟؟؟؟؟؟؟؟
ده مش عارفة اسميه ايه؟مرض ولا انفصام؟؟؟؟؟والله كويس انك اترت النقطة دي

tota يقول...

العزيز ذو النون
نعم الفصام الواقعى هو دليل الحياه اى اصبح من المعتاد حتى تكاد تدرك انه سمه لا تنفصل
شعارات وهتافات ولكن لا افعال والنتيجة كما ترى مجتمع منهار لا احد يتقن عمله بقدر ما يتقن اخراج الالفاظ الرنانة من لسانه والادهى ان صاحب الفصام لا يدرك كم هو واضح ومكشوف لكل من يعرفه فهو ليس من الدهاء بشىء والنتيجة هى صورة مهتزة لمسخ اسمه معلم او اسمه انسان على ارض الواقع
لا تملك غير ان تشمئز من انتمائه لعالم الانسان فمن الظلم ان ينتمى لعالم اخر
تحياتى

الدبور يقول...

ايه المدرس المعتوةده !
هي النوعيه دي مش انقرضت من المدارس و لا ايه ؟
ياعم انا اتخنقت من المدرس ده ومش مكمل تعليق

تحياتي
الدبور

أحمد يقول...

بوست مؤلم أوى يا ذو النون .. مشكلة بجد والمشكلة أنهم بيتفقسوا بسهولة لكن بيتركوا أثر تدميرى رهيب

كراكيب عادل يقول...

الي بالشكل ده زي الفيروس بالظبط

لازم يتكافح

بس فعلا موضوع الانفصام ده ماشي بجد

نادر لما تلاقي شخصية متفقه مع نفسها علي شئ واحد الي يحرمه لغيرة يحلله لنفسه والعكس

ما علينا

تحياتي

ذو النون المصري يقول...

ابن ناصر
البلد صارت مملوءه بهذه النوعيه من الناس حتي انهم صارو الاصل و النوع السليم وجوده صار نادر جدا و المشكله انهم مبيعملوش كده نفاقا لكن هما معتقدين ان التدين هو كده
تحياتي

ذو النون المصري يقول...

شباب روش طحن
مشكلتنا ان من يمثلونا او يمثلون

ديننا ليسوا موكلين من قبل احد بل هم مع جهلهم فرضوا انفسهم علي هذا الدين و علينا
و يعتقدون اننا جهلاء و هم علماء و دليلهم التزام بصور يرون اننا لا نلتزمها و نحن للاسف صدقناهم و اعطيناهم الفرصه

ذو النون المصري يقول...

الغزالي العزيز جدا
لم يعد اممنا الا ان نغامر و نواجههم بعد ان استفحل وجودهم بطريقه تجعل المواجهه مغامره ليست في صالحنا بالطبع
تقبل تحياتي

ذو النون المصري يقول...

دعاء عادل مركز الكون
اسعدتني جدا زيارتك
و انا اؤيد وجهة نظرك في حكاية الاختبارات النفسيه لكنها للاسف مستحيله في مصر و ان كانت ممكنه عمليا و علميا فيما اعتقد
لان الحكومه هتخاف علي الاقل من الاخوان و اخوات الاخوان لانهم بالتاكيد سيرون ان الاختبارات النفسيه موجهه ضدهم و المنتمين اليهم بالاساس و هذا وحده كفيل بردع الحكومه عن اتخاذ هذه الخطوه
لكي تحياتي

ذو النون المصري يقول...

محمد العناني
القتل للابداع تم و يتم بايدينا نحن
لاننا ببساطه ساكتون او مصدقون لما يدعيه كثير من الادعياء بانهم يحملون كلمة الله
الاستاذ س ببساطه يلقي بمناسبه و غير مناسبه كلمة في الازاعه المدرسيه و هناك اخطاء كثيره في كلامه لكن ليه هو بيقول الكلمه في كل مره ؟لماذا لا تنذره المديره مثلا او يواجهه بعض المعلمين؟
ببساطه السبب انهم جميعا تقريبا ثقافتهم علي القد يعني زفت و بيصدقوا كلامه
يعني بيقول الجاهل
و لا الضالين هما بيقولوا وراه امين
يعني منا و علينا
او منكم و اليكم
او بضاعتنا و ردت الينا

ذو النون المصري يقول...

الاستاذ خالد
فعلا هنقبل منه ازاي؟
ده سؤالنا احنا الكبار الفاهمين لكن الصغار السؤال ده للاسف غير وارد في مخيلتهم
من ناحية يقبلوا منه ازاي فهما و للاسف بيقبلوا و كتير كمان لانهم ما يزالون في فتره لا يقدرون فيها علي ممارسة نقد ما يواجههم من معلومات
فبيقبلوا و بيخزنوا
للاسف المشكله اكبر من المدرس الواحد
لان مجتمعنا كله تقريبا اصبح علي هذه الشاكله

ذو النون المصري يقول...

مريم
انا سعيد جدا بوجودك للمره الاولي عندي في مدونتي و اتمني ان لا تكون الاخيره
في هذه القضيه المشكله فعلا ليست فرديه بل صارت للاسف مشكلة المجتمع كله و كما تقولين هي ايضا في الكنيسه كما هي في المسجد
المشكله نابعه من جهلنا لاننا اتحنا الفرصه لاجهل مننا ان يدعوا علينا العلم و ادعاؤهم لم تفلح نتائجه الا لاننا اصلا فقراء ثقافيا و جهلاء
اذن ما الحل؟
الحل في رايي هو قيام ثوره ثقافيه في هذا البلد
الثوره الثقافيه يبغي تطهير هذا البلد من لجهل الذي تغرق فيه
للاسف نصف الشعب امي لا يقرا
و النصف الذي يحسن القراءه لا يمارس القراءه كعاده
اذن من اين يستقي الناس علمهم الديني؟لا مصدر الا من التسجيلات الصوتيه و التي ينتقد اصحابها رجال الازهر فازاحوهم من المقدمه و حلوا محلهم في نفوس الناس و لم يكن لهم الاثر الايجابي للاسف
لكي تحياتي

ذو النون المصري يقول...

شهروزه الغاليه بلدياتي
شرفتني جدا زيارتك لمدونتي
الفصام حاله سوده صارت زي الفول و الطعميه في مصر
يعني ممكن تدخلي مصر علشان تاكلي فول و طعميه و تتفرجي علي الفصام
انا فعلا باستغرب ليه الانسان بيعيش بصوره غير صورته الحقيقيه؟
هل المجتمع هو السبب واحنا كده نستاهل؟
و للا ايه بالظبط؟
حاسس اننا نستاهل اللي بيحصل لنا لاننا مسؤلين عن هذه المشاكل
احنا مظهريين بصوره واضحه للاسف
الدين في عقلنا شوية ملابس ممكن تتسعر باقل الاسعار و ممكن يكون عليها تخفيضات و جايز كمان جمارك
ايه الدين و ايه الملابس؟
طب مين من الناس يعرف في الدين ابعد من الصلوات و الصيام و الحج و بعض الطاعات المماثله ؟مع العلم انها لا تؤدي بحقها اصلا
الدين واسع جدا و يشمل كل الحياه من لحظه الميلاد حتي الوفاه
لكننا حولناه بجهلنا الي بعض المظاهر للاسف
يبقي الحل كما قلت في رد سابق وهو الثوره الثقافيه هي الحل
هي التي ستمنع التجاره باسم الدين و فيها الامل للخروج من دائرة الفصام الاسود
تقبلي تحياتي

ذو النون المصري يقول...

مجهول
هذه الفكره ياعزيزي تقراها تقريبا في كل المدونات
قصدي انها صارت منتشره في مصر بصوره لا تكاد تخفي علي احد لكنها فقط تتعدد في صورها حسب المكان و الوظيفه التي يشغلها الشخص الفصامي
سانتظر ا لبوست القادم لك
لك تحياتي و شكرا علي الزياره

ذو النون المصري يقول...

ندا
المدرس بيغازل البنات في الفصل!!!!؟شيء مدهش تخيلي اني فعلا تذكرت الان مدرس حبيب كان عندنا ايضا في ايام ما كنت في اولي او ثالثه ابتدائي و كان بيقول لنا ايضا شمس و قمر و ينيمنا كلنا قمر و يقعد مع البنات و يهزر معاهم و كنا فاهمينه
تخيلي
طبعا البرمجه الخاطئه اصلها هو الجهل و الاميه المتفشيه فينا
و الحل هو الثوره الثقافيه

ذو النون المصري يقول...

توتا العزيزه جدا جدا جدا
اسعدتني زيارتك جدا و الله يا توتا
فصام فصام فصام
حالة الناس في بلادي
فصام فصام فصام
شعبنا في وادي و احنا في وادي
فصام فصام فصام
مش عارف اكمل القصيده صراحه
لكن الاشكال اعتقد اننا نحن سببه
لاننا نعطي اذاننا لاناس لا نعرف ما مؤهلاتهم كي نثق فيهم
طبعا لازم يحصل تشويه لوعي الجماهير
و ننتهي الي هذه الحال
تقبلي خالص الموده و التحيه

ذو النون المصري يقول...

الدبور
مش انت لوحدك اللي اتخنقت
دي مصر كلها مخنوقه منهم
و مش هينقرضوا للاسف لانهم سيطروا علي الوجود كله في بلادنا
انا مش عارف انت ازاي تخيلت انهم انقرضوا
لك خالص التحيات

ذو النون المصري يقول...

مبرمج حر
بيتفقسوا بسهوله
سليم كلامك
لكن فقسهم لم يعد يجدي لاننا تقريبا خلاص مبنلومش علي اي اخطاء و لم يعد هناك اي استعدادات للتعامل معهم بالحزم المطلوب
صراحه لا ادري كيف وصلنا الي هذا الانحدار الاخلاقي
ربما الجهل
لك تحياتي

ذو النون المصري يقول...

عادل ابو الكراكيب
هما فعلا فيروس لازم يتكافح لكن يتكافح بناس تعرف اولا انه فيروس لكن الناس في بلادي فاكرينهم اتقياء و صالحين
لك تحياتي

-_- يقول...

شخصية الاستاذ سين موجودة فعلا في كل حتة في مصر

ربما في بعض الاحيان هي لفعل ستار ديني واقي ضد الاعمال المشبوهة

ذو النون المصري يقول...

شارم العزيز
فعلا احيانا بيكون التدين مجرد ستار لاعمال غير مشروعه و احيانا ستار لاطماع سياسيه و احيانا بيكون امر مظهري
اشكرك للزياره

غير معرف يقول...

مش عارف اقول ايه غير اسلوب جميل اوي يارب بحفظك وياريت تشرفني علي مدونتي وكل الناس يشروفوني طبعا

Gid-Do - جدو يقول...

صديقى ذو النون المصرى

بكل اسف مفيش حد عمل اى عمل اجابى لتصليح هذا الوضع الشائن

اولاـ اولياء الامور اذا كانوا عارفين ان المدرس بيعامل تلامذة سنة سادسة زى تلامذة الحضانة وبينيهم ويصحيهم ـ شمس وقمر ـ من غير درس ولم يتقدموا بشكاوى تبقى مصيبة اما اذا كانوا مش عارفين تبقى كارثة لان معنى كدة ان الاباء والامهات ميعرفوش حاجة عن ولادهم

ثانيا ـ فين حضرة الناظر ـ اعتقد انة بقى المدير دلوقت ـ معداش مرة على الفصل علشان يشوف اية اللى بيحصل فى الحصص

ثالثا ـ لا انصحك بمواجة هذا المدرس لكن ممكن ترسل خطاب مكتوب على جهاز كومبيوتر حتى لا يعلم احد من خط ايدك انك مرسل الخطاب وبتوقيع فاعل خير ومن غير ما حد يعرف حتى لاتتعرض لاى اذى الى المنطقة التعليمية او الوزارة او حتى مدير المدرسة تشرح فية الواقعة ـ وبرضة متقولش للتلامذة اشتكوا لااهليكو لانك سوف تتهم بالتحريض على المدرس

لابد ان حد يعمل شئ ايجابى والا حيفضل الحال كدة ـ تحياتى

اشكرك على زيارة مدونتى واسف لانى ساعات لا اكتب تعليق عندك رغم انى بكون قريت الموضوع

kaed يقول...

أخى ورفيقى فى القلم دو النون
هو يابنى إية اللى جايبنا ورا غير طرق التعليم العبيطة دى و الشخصيات اللى من عصر الديناصورات اللى ذى الأستاذ س

raspoutine يقول...

الظاهر ان دى طريقه متبعه من زماااااااااان اوى
لانى فاكرها كويس
والظاهر كمان انها منهج اونظريه بيدرسها الطالب فى الجامعه وبعدين يطلع يطبقها على الطلبه فى المدارس

العيب مش فى المدرس وبس
العيب كمان فى الطريقه اللى اتعلم انه يدرس بيها
والعيب كمان اننا ساكتين على كل الطرق دى وشايفين المدرس بيطبق طريقه متنفعش مع جيل المفروض انه جيل مستقبل وجيل بقى فاهم اكتر من الاول

عارف اكيد المدرس ده كمان تعبان اوى من الطريقه اللى بيدرس بيها بس يعمل ايه متعلمش غيرها
ويمكن يكون حاول يتعلم غيرها ومعرفش عارف ممكن يكون معرفش ليه
لاننا فى مجتمع بيعتبر الخروج عن المنهج خروج على الدين

Egyptians in the UK يقول...

عزيزى ذو النون...تعرف المدرس اللى زى مدرس الابتدائى فى بريطانيا بيعدوه اعداد خاص...و بيعتبروه عمل له قيمه عاليه وشاق فى نفس الوقت...العبره طبعا فى مساله اعداد الكادر التعليمى و فى نفس الوقت...الاعتراف بقيمه عمله و مجازاته عليه...و ايضا هناك عملية التقييم...اللى هيه بيحاولوا يشوفوا فيها مستوى اداء المدرسين و المدرسه و محاولة تصحيح الاخطاء و تدريب المدرسين لتلافى هذه الاخطاء ...يعنى هى فى الحقيقه منظومه متكامله ...و ما قدرش الومه لواحده...و انما الوم النظام التعليمى ككل...لان لو فيه نظام معين و صارم..حتى لو هو اخلاقه زفت ...ح يتبع النظام و ينتج من خلاله
مع تحياتى

admelmasry يقول...

عندك حق

ياما في الدنيا هنشووووف

ولسه ياما هنقابل

تحياتي

ذو النون المصري يقول...

فارس
اشكرك جدا علي كلماتك
و طلباتك اوامر
هزورك في اقرب فرصه

ذو النون المصري يقول...

جدو العزيز جدا
يا سيدي لا تتاسف ابدا كفايانا فقط ردودك علي تعليقاتنا في مدونتك
هذا يكفينا
اما بالنسبه للست المديره فهي للاسف خلاص كباقي مديري المدارس الموسوسين لا تمر علي افصول و كله بسبب الوزاره التي حينما ترسل لجانها فانها لا تطمئن علي احوال التلاميذ والعمليه التعليميه
اللجنه تاتي و تباشر اشياء اخري لا علاقة لها بما يجري داخل الفصول و العقوبات المسلطه علي رقاب المعلمين ايضا لا علاقة لها بما يفعلونه في الفصول
فكل شيء يتعلق بالورق سواء كان ورق زباله في الحوش او الفصل او اوراق رسميه من مثل دفاتر الحضور و الانصراف و التاخير و دفاتر التلاميذ
كل هذه الاوراق هي ما تبحث عنه اللجان الوزاريه و هو ما جعل المدارس بالعاملين فيها ياخذون حذرهم من هذه الناحيه و التركيز عليها لئلا يقع المحذور
و النتيجه ان التعليم نفسه لم يعد ينتبه اليه حتي المدرس نفسه
اضف الي ذلك كثرة المهام الملقاه علي عاتق المعلم من ناحيه و مدير المدرسه مع كون العقاب دائما علي غير احوال التعليمجعل التعليم ينحدر الاهتمام به الي اسفل
الشكوي ضد المعلم اعتقد انها واجبه لكنها في النهايه لن يكون عليها حساب هتقول المديره للمدرس هناك شكوي و ...و ....و في النهايه ستعتبر شكوي كيديه
لان فيه نقطه مهمه
المدرسين كلهم هيحاولوا ينفوا اي شكوك عن نفسهم علي الاقل حتي لا يتعرضوا لشكاوي انتقاميه
فالكل هيتصدي للشكوي باعتبارهم يعرفون الاستاذ س باعتباره افضل مدرس فيكي يا وزارة التربيه و التعليم
و هيتقفل الموضوع
اسعدتني جدا زيارتك لمدونتي
تقبل تحياتي

ذو النون المصري يقول...

اخي و رفيقي في القلم
قائد العزيز جدا
فعلا ناس من عصر الديناصورات هيعيشونا في تقدم
حاجه مش ممكن تحصل ابدا
لك تحياتي

ذو النون المصري يقول...

راسبوتين العزيز
اهلا بيك في مدونتي
الطريقه دي كانت بتعملها معانا مدرسات التربيه العملي لما بيفشلوا في التحدث عن الماده التعليميه و تلاقي المدرسه نفسها في حيص بيص و مش مجمعه تقوم تقول لنا شمس و قمر و هكذا لحد متجمع و تبدا تتكلم
لكن اهي النظريه اتطورت و صارت احدي نظريات التعليم للمدرسين القدامي ايضا
و اظاهر ان التعليم في معاهد المعلمين من فشله لم يعلمهم طرق اخري للتدريس
طريقه قديمه و تراثيه اتربينا عليها
الا يكفيها اننا تربينا عليها و اعمارنا الان اقتربت من الثلاثين؟؟؟؟
تساؤل بسيط
لك تحياتي

ذو النون المصري يقول...

مصري مقيم في بريطانيا
يا دكتور ايش جاب لجاب
التعليم هناك تعليم بجد انما هنا زي كل حاجه في البلد التعليم هنا اصبح كوسه
تعرف ان التدريس بالمرحله الابتدائيه في مصر بيعتبر شبه عار
اه والله !!!!!!!!هنا المدرسين الابتدائي نفسهم بيكرهوا التدريس في المرحله الابتدائيه بسبب نظرة الدونيه من الناس و من الزملاء بالمراحل الاعلي كالاعداديه و الثانويه لهم
مشكله فعلا ان المدرس نفسه كاره عمله
لك تحياتي

ذو النون المصري يقول...

ادم المصري
اسعدتني جدا زيارتك
فعلا لسه هنشوف و ياما في الجراب يا حاوي
لك تحياتي

hosnysoliman يقول...

حاجة تقرف وتسد النفس..ولاتعليق

ذو النون المصري يقول...

استاذي العزيز حسني سليمان
حاجه فعلا تقرف و تسد النفس
لك تحياتي

عبدالله المصري يقول...

السلام عليكم ورحمة الله وبركاته .
الإخوة والأخوات من أبناء مصر الأبرار ,نقدم إليكم المبادرة المصرية للعفو والإصلاح –مبادرة الإخلاص- والتى تمثل طرحا مصريا لاستنهاض مصر يخاطب المخلصين من أبنائها ,ويتطابق مع الإرادة الجمعية للأغلبية المصرية الصامتة وهو ما يجعله الأقدر على تحقيق أهدافه ,نقدمه إليكم آملين فى تأييدكم له ,وسائلين الله عز وجل أن تعود به مصر كما أراد لها أن تكون .
ونرحب بتفاعلكم وآرائكم من خلال زيارة موقع المبادرة : www.mobadrtalekhlas.blogspot.com

ibn nasser - ابن ناصر يقول...

انت عارف يانون واحد صاحبي كان يقعد يوزع علينا ورق المقاطع ومش عارف ايه وامريكا واسرائيل ,, وكل ده ابوه اشتغل مع الاسرائيلين بعد حوار الكويز ,,,أرزاق بقي مالوش رزق في المقاطعه

ذو النون المصري يقول...

عبد الله المصري
ساستجيب للدعوه انشاء الله
و اشكرك علي توجيهك هذه الدعوة لي
لك تحياتي

ذو النون المصري يقول...

ابن ناصر
فعلا الحكايه كلها ارزاق
واحد له رزق يقاطع التاني له رزق مايقاطعش
ههههههههههههههههههههه
تصدق نكته و مش بايخه كمان
ههههههههههههههه