السبت، فبراير 24، 2007

اليهود طالبين حقهم في الكعبه


ردا علي احتجاجات العالم الاسلامي علي حفريات المسجد الاقصي
يهود يطالبون بتمكين اسرائيل من الاشراف علي الكعبه
...........................................................................
كتب محمد البحيري
تواصلت ردود الفعل العالميه احتجاجا علي اعمال الحفر التي تجريها اسرائيل علي باب المغاربهفي منطقة الحرم القدسي ،و لم يفلح قرار اولمرت الملتوي باعادة تققيم اعمال الحفريات هناك .كما سعت اسرائيل الي تهدئة موجة الاحتجاجات عبر اصدار امر بتركيب كاميرات انترنت في موقع الحفريات ،لنقل الصوره بواسطة الانترنت الي العالم باسره ،لتاكيد الادعاء الاسرائيلي بان الحديث يجري فقط عن تركيب جسر للمشاه.
و تزامن ذلك مع ما نشرته صحيفة معاريف الاسرائيليه علي لسان استاذ بمعهد الاثار في الجامعه العبريه يدعي يوسف باتريخ ،من انه تمكن من العثور علي ادله اثريه تحدد المكان الدقيق للهيكل اليهودي المزعوم في الحرم،حيث يدعي بان الهيكل يوجد شرقي الساحه الحاليه و يميل جنوبا و ليس بالتوازي مع الحائط الغربي .و يقول باتريخ بوجود بئر مياه هائل الحجم ،تحت الساحه العليا للحرم ،بمحازاة الزاويه الجنوبيه الشرقيه منها ،يشير الي المكان الدقيق لمزبح و الهيكل
و حسب مكتشفات البحث ،فان الصخره التي بنيت فوقها قبة الصخره في القرن السابع الميلادي تقع خارج نطاق الهيكل .و كانت وسائل الاعلام الاسرائيليه قد ادعت ان اعمال الحفريات القائمه حاليا تمت بموافقه اردنيه ،من الملك عبد الله شخصيا ،لكن سرعان ما نفت الحكومه الاردنيه هذه الاقوال علي لسان وزير الخارجيه الاردنيعبد الاله الخطيب.و ذكرت صحيفة معاريف الاسرائيليه ان الاعمال في تلك المغاربه بدات بعد نحو سنتين من الاتصالات التي ادارتها اسرئيل مع الاوقاف و مع السلطات الاردنيه.و ان الاردنيين و مسؤلي وزارة الاوقاف كانوا مطلعين علي تفاصيل التفاصيل،و هم يعرفون جيدا بانه لا يوجد اي مس بالحرم ،او اية نيه للمس اوالاقتراب منه .و ذكرت الصحيفه ذاتها ان تقديرات الاستخبارات الاسرائيليه كانت تقول بان ردود الفعل العربي و الفلسطيني سوف تكون طفيفه للغايه !و في المداولات المنيه التي عقدت قبل بداية اعمال الحفر ،قدرت محافل الامن الاسرائيليه بان هذه هي الفتره الاكثر راحه لتنفيذ الاعمال ،في ضوء الوضع الحساس و المواجهات الداخليه الدائره في السلطه الفلسطينيه بين فتح و خماس
و بينما توجه زعيم الجناح الشمالي للحركه الاسلاميه الشيخ رائد صلاح بدعوة العالمين العربي و الاسلامي للشروع بانتفاضه عربيه اسلاميه من اجل القدس ،هددت كتائب شهداء الاقصي الجناح العسكري لفتح ،بانه اذا لم توقف اسرائيل الاشغال في باب المغاربه ،فانهم سيرون في المعابد اليهوديه هدفا لهجماتهم
من ناحيه اخري و في سياق نقاش مستعر حول اعمال الحفر الدائره بمنطقة الحرم القدسي ،طالب عدد من الاسرائيليين بممارسة حكومتهم الضغوط اللازمه علي المملكه العربيه السعوديه ،من اجل تمكين اسرائيل من المشاركه في الاشراف علي الحرم الشريف في مكه المكرمه ،بزعم ان النبي ابراهيم الذي يلقبه اليهود بلقب ابو اليهود هو من بني الكعبه ، و بالتالي سوف يكون لهم الحق في رعاية ما تركه بعد وفاته !و دعت اسرائيليه من سكان مدينة ايلات الي ضرورة ان تعمل اسرائيل علي عدم تكرار ما حدث للحرم المي ن مع الحرم الابراهيمي و المسجد الاقصي هذه المره !فتسارع الحكومه الاسرائيليه الي استعادة السيطره ،و عدم تمكين المسلمين بصفه عامه ،و الفلسطينيين بصفه خاصه من الانفراد بهذا الامر
..........................................................
جريدة القاهره عدد 357
الثلاثاء 13/2/2007
الخامس و العشرون من محرم عام 1428

..................................................................................................

هناك 34 تعليقًا:

Sharm يقول...

تفتكر ايه اللى ممكن يحصل لو احتلت اسرائيل مكة ؟؟

دوللي يقول...

اسفه بعيد عن الموضوع

عن كلامك في مشكله ياسمين
كلامك صح قوي وبجد انت اكيد ريحت بيه ناس كتير رجاله و ستات لان فعلا لو الست كمان اقتنعت ان هذا مجرد تفكير لبعض الرجال وليس كلهم ستوفر علي نفسها و زوجها الكثير وانا بصراحه اقتنعت جدا انها مجرد معتقد من الممكن عدم وجوده في كثير من الرجال

An Egyptian in UK يقول...

عارف اللى مش لاقى له تاريخ و طول عمر التاريخ سواء غربى او شرقى بيوصفهم بالجيتو و العيارين و الشطارين الخ... و دايينر يشحتوا تارخ و بطولات و حضارات...حبه الهرم و فلسطين و ادى كمان مكه لسه فاضل سنه على النيل

عين ضيقة يقول...

الموضوع مثير للخوف , خصوصا ان مش فيه دلوقتى حد لسه بيقول لأ

تفتكر احنا بقينا سهلين قوى كده لدرجة انهم يتعدوا على الاقصى ويطالبوا بالكعبة؟

انا عايزة ابكى دلوقتى

hosnysoliman يقول...

الاخ العزيز ذو النون
هذا من تهريج اليهود الدائم والاحتيال ولوى الامور لمصلحتهم..المشكله ان احنا المسلمين خلاص لم تعد لنا كرامه ولاقوة تخرس السنة وافعال امثال هؤلاء الخارجين عن كل الاعراف والمبادىء والقوانين..مشكله كبيره يا ذو النون ربنا يلطف بينا
ايه حكاية ياسمين التى تشير ليها داليا فى تعليقها؟

مبرمج حر يقول...

كعادة اليهود الأثيرة فى أثارة قضايا غريبة تبعد الأنظار بشكل كبير أو صغير عن مصيبة تحدث الأن .. وتخلق حولها جدل يبعدهم قليلاً عن صراع أو جدلية أكبر و أهم بالنسبة لهم فى الوقت الحالى وعلى حسب رد الفعل يكملوا المسيرة

soosa el-mafroosa يقول...

هي دي فعلا الخطوة اللي ناقصة

عشان تكشفنا قدام نفسنا و كل واحد يحفر لنفسه قبر و ينام فيه

والا ليه؟

ولا حتى نفكر فيها

طب ماهو المسجد الأقصى أهه
مين عمل ايه؟

هنطلع مظاهرة من الأزهر بعد الجمعة و نحرق علم إسرائيل في الجامعة

و بعد مانرجع لبيوتنا نتفرج على الجزيرة و بعدين نحول القناة على ميلودي

و خلاص

عليه العوض

3asef يقول...

ياللوقاحة !!! وصلت فيهم الوقاحة يطالبو بالمشاركه بالاشراف ع البيت الحرام ؟!!! قمة الوقاحة
بس ..اعتقد هال الشي طبيعي
شو نتوقع من اناس سرقو فلسطين واحتلوها وسرقو عقول بلدان اخرى وغيرو كتابهم !!
حسبنا الله ونعم الوكيل
لحظة المهدي اقتربت..الله اعلم

khaled يقول...

حسبى الله و نعم الوكيل
قالوا انهم بنوا الهرم و خلصنا
قالوا ان ليهم حق فى حى المعادى و خلصنا
قبليها قالوا لن يدخل الجنة الا اليهود
و قالوا نحن ابناؤ الله
و ربنا قالهم ماكان ابراهيم يهوديا و لا نصرانيا و لكن حنيفا مسلما
حسبى الله و نعم الوكيل

مبرمج حر يقول...

I tagged you :)))))))))))))))))))

ibn nasser - ابن ناصر يقول...

طب انا ساكت أهو قولي انت أنا أقول ايه ,,مش مكافيهم فلسطين وهضبة الجولان وجنوب لبنان وأن امريكا محتله افغانستان والعراق وكل التهديدات دي يا نهار أسود حتي عينهم علي الكعبه كمان مش المسجد الاقصي ,,هاها بس ده حلمهم ,,ومعلهش في حاجه واحد قالهالي عايز حد ينفيها أو يؤكدها هل شيخ الأزهر صحيح قال ان لو المسجد الاقصي حصل له حاجه يبقي الجهاد فرض عيبن؟؟؟؟ أشك في هذا

.:.-=- ELGaZaLy-=-.:. يقول...

للبيت رب يحمية...

جبهة التهييس الشعبية يقول...

الحرية للعريف الوطني محمد خلف

micheal mohsen يقول...

هما كدة الصهاينة دايما..حتي التاريخ عاوزيين يزيفوة لمصلحتهم في كل الامور بس ارجع و اقول احنا اللي اديناهم الفرصة
تحياتي لك

الدبور يقول...

دي عالم بتستهبل ما اللي باقي زي ماقالو زمان ان اليهود هما اللي بنوا الاهرامات وعاوزين تعويضات
شوف الاستهال يا عم
ربنا ينفخ في صورة الحكام العر و يخرج منهم من يقول كلمه الحق وربنا يهدي الجميع
ومنور مدونتي
و السلام عليكم و رحمه الله وبركاته
الدبور

مبرمج حر يقول...

أيه .. أزاى أخبارك عامل أيه يا غالى .. بقالك مدة كبيرة مش بتيجى عندى فقلت أسأل عليك .. يارب تكون فى أتم صحة و سعادة

ذو النون المصري يقول...

شارم
سؤالك صعب جدا
لو اسرائيل احتلت مكه؟؟!!!اكيد هتحصل فوضي و المجاهدين ؟؟؟؟هيهاجروا لها من كل مكان و الكثير من او اغلب اهلها هيهجروها
القتلي من اهلها هيكونوا الاغلبيه العظمي من الضحايا و قد يتعمد اغبياء المجاهدين قتلهم قبل غيرهم
...........مصايب كتيره جدا لكن من الحكومات لا اظنهم قادرون علي فعل اي شيء
..........جايز لو استتب الامر لليهود فيها ممكن يعمروها تعمير اصح منالصوره الحاليه
و جايز يسمحوا للمسلمين بالحج و منلاقيش مشاكل رمي الجمرات زي كل سنه
و الله اعلم

ذو النون المصري يقول...

داليا
اشكرك جدا انك كلفتي نفسك و بلغتيني برايك عندي
انا زرت ياسمين هناك و قريت لك نفس الرد
اشكرك مره تانيه و اتمني تكرار الزياره

ذو النون المصري يقول...

المصري المقيم في بريطانيا
سعدت جدا بوجودك هنا
فعلا هما لسه فاضل اقل من سنه علي النيل
لا جايز علي مصر كلها
و ربنا يستر و نلحق نغير السلاله الحاكمه قبل ما تحصل كل المصايب دي

ذو النون المصري يقول...

عين ضيقه
احنا فعلا اصابنا الضعف و الوهن و الهوان للدرجه التي لم يعد هناك من يقدر علي حتي مجرد الرفض و قول كلمة لا
خلاص حكامنا انتهوا من زمن طويل
او بالاحري حكامنا بيشتغلوا عندهم مش عندنا
الله يلعنهم

ذو النون المصري يقول...

استاذي الفنان حسني سليمان
فيه اغنيه لمحمد منير بيتكلم فيها عن القوه و الضعف و ازاي ان القوي منفوخ علي الفاضي و مهوش قوي اصلا بس هو مستقوي من ضعفنا
اغنيه معبره و ممتازه جدا
اظن شهروزه عاملاها اغنيه للبلوج حاليا ممكن تسمعها هناك لاني مش عارف اسمها للاسف
.......................
بالنسبه لمشكلة ياسمين
هي ليست خاصه بياسمين لكنها اشركتني في مشكله خاصه بصديقتها علي مدونتها ...لان زوجها بيفكر يتزوج للمره الثالثه
و انا شاركت برايي في اصل و جزر المشكله عند ياسمين
..................

ذو النون المصري يقول...

مبرمج حر
هي مش عاده خاصه باليهود وحدهم لكنها عادة كل حكام العرب ايضا
تصنيع قضيه علي حنب يلهوا بيها الشعب لحد ما يمرروا مصيبه من تحت عين المعارضه و من ورا ضهر الشعب الغلبان
العرب احسن من اليهود في استخدام هذه الحيل
الا مش ده ممكن يكون دليل علي ان حكامنا يهود و للا انا غلطان!!!!!!!!!!؟

ذو النون المصري يقول...

يااااااااااااه ياسلام يا سلام
انا في غاية السعاده اليوم بزيارة سوسه المفروسه لمدونتي
اهلا بيكي اولا في مدونتي
..........
احنا مكشوفين من زمان امام انفسنا و امام العالم كله و خلاص انتهت الفضيحه و تمت الماساه
هنتفضح و ننكشف اكتر من كده فين
احنا كده ننكشف خالص
شرفنا ضاع و كرامتنا انتهت
هنعمل ايه؟؟؟محدش عارف
طب الاخوان هيعملوا ايه
الحكومات و الشعوب هيعملوا ايه؟؟؟؟
الله اعلم
اكيد المظاهرات هتكون الحلالاوحد و الوحيد و الاول و الاخير ........امامنا
و اكيد حكوماتنا سوف لا تستبدل السلام باي حلول اخري
ربنا يكون في عون من سيحيا هذا اليوم ان اتي
.......................تقبلي خالص التحيات و التقدير

ذو النون المصري يقول...

اسف
انا مش عارف انت منين لكن شكلك كده لبناني
انا سعيد انك زرت مدونتي و اتمني ان تكون هناك زيارات متكرره بيننا و انا في اول فرصه هزورك
..............الوقاحه شيء مش غريب عليهم و كمان اكتر من الوقاحه
دمهم خلاص فيه الكبر و الغل و عدم الوفاء بالعهود و مفيش فيهم اي امل
لكن الغريب فينا احنا
و لا كان فيه شيء بيحصل
و لا حس ولا خبر
ربنا يستر

ذو النون المصري يقول...

خالد
قالوا حاجات كثيره جدا و مش هيبطلوا يقولوا الا لما يكون لنا كلام نقوله و قدره علي تنفيذ كلامان مش حناجر بس
كده هيقولوا الكعبه و مش هيسكتوا هياخدوا وراها باقي بلادنا و اعراضنا و ارواحنا

ذو النون المصري يقول...

مبرمج حر
خلاص يا سيدي انا هجاوب علي التاج اما البوست الجاي او الذي يليه
انا شفته عند ناس و اول ما قريته عندك قلت اكيد انت بعته لي
اشكرك علي التاج مقدما

ذو النون المصري يقول...

اشك ان شيخ الازهر يقول كده لسبب بسيط انه لم يقل ذلك لاجل ان الاقصي محتل
هو ايه اللي ممكن يجري للمسجد الاقصي و يجعل الجهاد فرض عين اكثر من كونه تحت الاحتلال؟
هل وقوعه في الاسر لا يجعل الجهاد فرض عين؟؟؟؟
طبعا كلام الامام كلام خايب للاسف

طبيب نفسى يقول...

رحم اللة الرئيس السادات فقد كانت لة نظرة ورؤية مستقبلية لسبل حل هذا النزاع الذى طال بدون ان يعرف كل المنخرطين فية ماذا كانت البداية وكيف تكون النهاية
ففى مقابل كل التنازلات التى قدمتها اسرئيل من اجل الوصول للسلام لم يقدم العرب حتى الان ما هو على مستوى التنازلات المقدمة من اسرائيل بل وما زال الدعم يتواصل للمنظمات الارهابية والمتأسلمة لتقويض جهود امريكا من اجل السلام
يجب ان يتعلم العرب والمسلمون الهبوط من سقف مطالبهم الخيالية بالسيطرة على كل الاماكن المقدسة فى كل الاماكن فكما للمسلمون كذلك لليهود مطالب مشروعة وحقوق تاريخية فى القدس واسطنبول ومكة والمدينة

ذو النون المصري يقول...

للبيت رب يحميه
ولنا رب يحمينا
لكن السماء لا تحابي في قوانينها و سننها احدا
و يجب علينا ان نكون البادئين بالعمل
لك تحياتي

ذو النون المصري يقول...

جبهة التهييس الشعبيه
اقول معك بعد ان قرات حكايته عندك
الحريه للوطني العريف محمد خلف
الحريه لكل وطني علي ارض مصر

ذو النون المصري يقول...

ميشيل محسن
اسعدتني جدا زيارتك لمدونتي و يارب دايما انشاء الله
دايما نرجع و نقول الخطا عندنا
هم عددهم اقل من عشرين مليون او تقريبا خمسة عشر مليونا فقط و نحن مليار و نصف كيف اذلونا لهذه الدرجه
نحن فعلا من فعلنا بانفسنا كل ما يحدث
لك تحياتي

ذو النون المصري يقول...

الدبور
انت ايضا منور مدونتي و الله
انا اسعدتني و شرفتني زيارتك يا سيد دبور
هما ناس بتستهبل لكن اظن ان احنا بنستهبل اكتر منهم
لا مش بنستهبل احنا هبل بالفعل
لك تحياتي

ذو النون المصري يقول...

مبرمج حر
انا الحمد لله بخير لكن و الله كنت مشغول جدا و بعدين النت فصل عندي خالص فعطلني تاني
هاخلص التعليقات عندي و ارد علي التاج بتاعك انشاء الله
و شكرا علي التاج

ذو النون المصري يقول...

طبيب نفسي
انا اقر معك ان السادات رحمه الله كان من انبغ من لعبوا اللعبه السياسيه بصوره صحيحه في المنطقه و هو الوحيد الذي تمكن من اللعب مع الكبار بلغتهم و انتصر عليهم في النهايه
لكن التنازلات التي قدمها الاسرائيليين انا لا اعرف ما هي فهم لم يقدموا فيما اعلم اي تنازلات
اما العرب فالتنازلات كثيره جدا فيكفي ان فلسطين لن تكون علي كل القطاع و الضفه بل في اقل من 13 في الماءه منها و لا يرضي ايضا الاسرائيليون
اما العرب ككل فهم لم يفهموا بعد ان السياسه شطرنج و ليست طاوله و هذا سبب خسائرهم المستمره
لك تحياتي
و ياريت تكون لك زيارات اخري و انا هزورك انشاء الله