الجمعة، أبريل ٠٤، ٢٠٠٨

اسرائيل تسطو علي الخمسه و خميسه

اسرائيل تدعي ان الخمسه و خميسه تراثا شعبي و ديني يهود
في قاعة للهدايا التذكارية داخل مبني الأمم المتحدة في نيويورك، ومن خلال جولات سياحية تنظمها إدارة المبني، تعرض كل دولة من الدول الأعضاء هدايا تذكارية تعبر عن تراثها وتاريخها، وفي القسم الخاص بها، وإلي جوار الشمعدان السباعي، تعرض إسرائيل نماذج مختلفة للكف «الخمسة وخميسة» وتسوقها باعتبارها جزءاً من التراث اليهودي وتطلق عليها «تشامساه»، وهي كلمة عبرية قديمة تعني خمسة، وتستخدم وفقاً للمعتقدات الإسرائيلية في إبعاد شيطان العين «الحسد».د. ليلي أبوالمجد، أستاذ الأدب العبري في جامعة عين شمس، نفت أن تكون «الخمسة وخميسة» لها تاريخ في التقاليد اليهودية أو أصول في الديانة اليهودية، والاحتمال الأكبر أن أصولها فرعونية.. ولكن إسرائيل تحاول سرقتها مثلما سرقت العديد من رموز تلك الفترة.وتشكك د. تحفة حندوسة، العميد السابق لكلية الآثار، في اعتبار الكف تقليداً إسرائيلياً، قائلة: «الكف رمز فرعوني أصيل كان في البداية يعلق في الأساور، ويصنع من العقيق الأحمر، ويرمز إلي القوة، ثم تطور عبر العصور الفرعونية إلي كف بخمسة أصابع منفصلة كرمز لآلهة الخير التي تمنع عمل شيطان الحسد، وصل الأمر إلي أن أصبح الكف جزءا أساسياً من جهاز العروس في العصر المتأخر».
كتبها احمد رجب في المصري اليوم الاليكترونيه بتاريخ 31 مارس الماضي
دونها ذوالنون المصري

هناك ٢٢ تعليقًا:

مـ~ـاجدولين يقول...

خمسه وخميسه مدونه جميله

فعلا اندهشت ان لليهود حق في السطوره خمسه وخميسه

امممممم

الي يعيش ياما يشوف

oceaneyes يقول...

يعنى احنا بنتسرق للمرة المليون يعنى ؟؟؟


عااااااااااااادى

هى جت على دى ..ما اّثارنا كلها مسروقة وبتتهرب على برة


ربنا يكون فى العون



تحياتى


:)

http://kasperb4.blogspot.com/ يقول...

يعني جت على الخمسة وخميسة؟
ياخدوها ويشبعوا بيها

وبعدين ليه الدكاترة زعلاننين اوي كده على الخمسة وخميسة
دي حاجة اصلا رمزيتها تخالف العقيدة !

^ H@fSS@^ يقول...

ههههههههههههههههههههههههه
حرام تراثهم متلخبط على تراثنا و بيحاولا بكل شراسه سرقتنا
معلش
بس اللي اعرفه ان الخمسة و خميسة دي كانت رمز عند الشيعة وقت لما العباس اتقعطت ايده بس مش متاكده بالظبط في كربلاء و لا غيرها
المهم ان الشيعة كمان بيقولوا انها من تراثهم
والله الواحد مبقاش عارف يعمل ايه ول ا ايه

بوست ظريف جدا يا نون

yasmina يقول...

يا ريتها وقفت على الخمسة


انت مش عارف هم كل شيء سطو عليه من كل بلد بياخدو شي وبيقولو انه من تراثهم

حتى الحمص والتبولة وكتير من الاكل

قول الله يعين
اصلا بتراثهم ما في كتير بس بيلموا من العالم

تحياتي

غير معرف يقول...

الأخ العزيز ذو النون المصري
السلام عليكم
أول زيارة لي لمدونتك الجميلة .. فعذرا فأنا لازلت على أول عتبات التدوين .. تصفحت المدونة وقرأت الموضوع الأخير الخمسة وخميسة .. فعجبا لهؤلاء الصهاينة يحاولون السطو على كل شئ من التراث إلى الأرض إلى الزراعة إلى الصناعة إلى التجارة حتى الغاز الطبيعي .. هم يحصلون على كل شئ ونحن نفقد كل شئ .. يبنون دولتهم على أرضنا المغتصبة بكل تفاني .. ونحن نفسد دولتنا ونبيعها بأبخس الأسعار وبكل تفاني .. أخشى أن أستيقظ يوما فأجد فوق سريري يهودي يطالبني بالجلاء ..
يشرفني زيارتك لمدونتي المتواضعة وسماع رأيك ..
said

dr.Roufy يقول...

عند قراءتي للعنوان ووقوع عيني على الصورة للوهلة الأولى
تملكني الضحك
نعم ألا يمل هؤلاء؟
ثم ما لبثت أن أصابني الغيظ
انهم اناس بلا تراث ولا ييأسون عن خلق تراث لهم , لكن السؤال
ألا يجدون غيرنا نحن المصريين ليسطوا على تراثهم ومنجزاتهم
فالعالم ملئ بالحضارات..لماذا المصرية تحديدا؟؟
هل هذا من باباأن الجار أولى بالشفعة

:)

غير معرف يقول...

لو هى دى اللى تعباهم يخدوها وخليهم يقتنعوا بالحاجات دى يمكن يحصل لهم تخلف ونخلص طب هو موضوع تعليق فردة شبشب وصلتهلهم ولا ليسى

ذو النون المصري يقول...

ماجدولين
فعلا اللي يعيش ياما يشوف خصوصا من عديمي الحضاره و التراث من الصهاينه
تحياتي

ذو النون المصري يقول...

عيون المحيط
بنتسرق للمره المليون
صحيح لكن انا باستغرب للخمسه و الخميسه لانها صغيره جدا و مش عارف ليه مش سايبين لا صغيره و لا كبيره
تحياتي

ذو النون المصري يقول...

الام و امال
لا ياخدوها و لا يشبعوا بيها و حار و نار في جتتهم
تحياتي

ذو النون المصري يقول...

حفصه
اهو فعلا بوست ظريف
لو كنت اخدت بالي من الاول كنت سميته لصوص لكن ظرفاء
تحياتي

ذو النون المصري يقول...

ياسمينا
هما فعلا بلا تراث و شغلهم كله هو صناعة تراث عن طريق السرقه كما فعلوا في التاريخ و الوطن الارض
تحياتي

ذو النون المصري يقول...

سعيد
انا سعيد باهتمامك برايي و حرصك عليه و سعيد بزيارتك الاولي للمدونه
و يارب تكون من اقطاب التدوين في مصر
تحياتي

ذو النون المصري يقول...

روفي
تراثنا عامل لهم ربكه لانهم معتقدين انهم خير خلق الله لكن المصريين القدماء بيعقدوهم في كل مكان
ياريت المصريين المحدثين يعقدوهم في الوقت الراهن
تحياتي

ذو النون المصري يقول...

هند هنادي
استحاله يوطل لهم موضوع فردة الشبشب ابدا ابدا ابدا
هما مش عبط للدرجه دي
تحياتي

نور فريد يقول...

يعني توقفت السرقه عند خمسة وخميسة رمز من رموز التخلف هم سرقوا ارض بكاملها وشردو شعب واطامعهم مازلت تلف البلاد العربية ونحن نتباكى على تراث يلفه التخلف والجهل

ذو النون المصري يقول...

نور
القصه مش في تخلف الرمز لان الرمز اصبح له دلاله فنيه لا اكثر و الارتباط بينه و بين بعض المعتقدات كالحسد و غيره لم يعد كما كان و نقل اليهود للرمز لم يكن نقلا لعقائد مرتبطه به بل نقلوه كرمز فني شعبي
تحياتي

عاشــــــ النقاب ـقــــة"نونو" يقول...

حضرتك يعني ما هم سارقين مقابر المسلمين عيني عينك في القدس وبيبنوا فوقها مستوطنات ويطلع يقولك طب دة انا بعمل طريق بس لبيتي
ما هم سارقين مننا كرامتنا لما سكتنا لهم على دم البنت الغلبانة على حدودنا في رفح لما اخدت رصاصة في رصاصة ما هم سارقين منا لسانا لما قتلوا الجنود الغلابة اللي على الحدود فكرك هتفرق يعني في دي
لا حياة لمن تنادي والظاهر ان جتتنا نحست واخدنا على كدة
اعتذر بس دي الحقيقة ولو انها مرة
تحياتي

ذو النون المصري يقول...

nonoymm
اهم سارقين كل شيء
لكن العجيب انهم يسرقوا علامات تافهه جدا في نظرنا زي الخمسه و الخميسه
تفتكري هي فعلا تافهه و للا احنا مش واخدين بالنا من قيمتها

غير معرف يقول...

يا ريتها اجت ع الخمسه وخميسه بس
يا ذي النون التراث الفني العربي
عود وقانون وكل الالات بعتبروها تراث يهودي .. غير سرقة الاغاني العربية وترجمتها للعبرية !
والادهى من كل ذلك حاليا في الضفة الغربية بنقبو على ما يقال انها اثار يهودية بالاصح هما جايبين فنانين وبيشتغلو وعاملين بزيفو الواقع
بس على مين التاريخ واضح
وتحياتي

ذو النون المصري يقول...

عاصف العزيز
و الله انا مش عارف ايه اللي المفروض نعمله
خمسه مليون مخلوق يزحفونا علي بطننا للدرجه دي و مش قادرين نعمل اي حاجه ضدهم
يعني تراثنا و ارضنا و ارواحناسرقوها و كمان عيني عينك
طب نعمل ايه
؟؟؟؟؟؟؟؟؟؟؟؟؟؟؟؟