السبت، ديسمبر 22، 2007

اصرار حتي النهايه

الاصرار علي التمسك بالحقوق يجب ان يكون عقيده تنتقل الي الابناء و الاحفاد ،و لا يجب ان يكون هذا الاصرار موجها ضد اعداء الخارج فقط،فكثيرا ما ياتي اعداء الداخل باعداء الخارج و نظل نحن الخاسرين بين حجري رحي خيانة الداخل و تامر الخارج،و في كل احوالنا نحن فقط من يخسر

هناك 16 تعليقًا:

HafSSa يقول...

عارف ايه اكبر عدو ليك انت كشخص ،كفرد؟؟؟
نفسك من جوا
هي دي اكبر عدو ممكن يلحق بيك ضرر و متكونش عارف مين السبب
و تفضل تحارب في طواحين هوا و يوم لما تكتشف الحقيقة دي تبقى عاوز تضرب نفسك بمليون صرمة و اعتذر مقدما عالتعبير
تحياتي
بس اللي ملاحظاه انه تدويناتك بدت تاخد لون مغاير لما تعودنا منك
بس مش معناه انها قلت جمالا او ابداعا عن سابقتها
تحياتي كمان مرة و سلامنا الى الانسة مريم اذا ينفع يعني

ghalia يقول...

يسعد مساك

قالوا زمان لا يضيع حق وراءه مطالب
واعتقد مستحيل حد يقدر يغتصب حق من حقوقك إلا إذا كان لك دخل فى ده سواء بالتنازل القليل اللى بيزيد شوية شوية أو الإستسلام التام

على فكرة
الصورة اللى فى البوست رهيبة وأنا كنت ناوية اعمل بوست مخصوص عنها لأنها مؤثرة جدا جدا
شوف المرأة الفلسطينية اذاى حاضنة شجرة الزيتون اللى ممكن تكون مصدر رزقها الوحيد
أول ما شفتها حسيت بكمية غضب جوايا ما تتوصفش
حتى الشجر مسلمش من اليهود
بيحاربوهم فى مصدر رزقهم
حسبى الله ونعم الوكيل

اسمحلى اضيف المدونة عندى فى مفضلتى
وتحياتى لك

dr.Roufy يقول...

كلمات في الصميم
وصورة آلمت روحي كثيرا حين رأيتها
ذكرتني بقصيدة درويش
لن تمروا
تحياتي

Nsreen Bsunee يقول...

الصوره مؤلمه ومخليانى شايفه نفسى صغيره اوى
الاصرار لو كان موجود حقيقي جوانا اصرار على التمسك بحقوقنا اصرار على التمسك بمن نحب اصرار على التمسك بالدين بالارض بالاصدقاء بالوطن بالمبادئ بس للاسف احنا فقدنا هذه الحماسه اصبح لدينا لامبالاة نترك الامور للتيار دون ادنى مجهود منا ولا نفعل شئ سوى ضرب كفوفنا وتحميل المسؤليه للقدر والنصيب انت اتكلمت عن الاصرار والتمسك بحقوقنا السياسيه او حقوقنا فى الوطن لكن الحقيقه اننا لم نتخلى عن هذا الحق
نادرا ما تجد اليوم من يتمسك بشخص يحبه
نادرا ما تجد من يتمسك بعقيده او مذهب
للاسف انت لمست الشئ المفقود عند المصريين الان
والحقيقه ان البوست ده حييخلينى اعمل حاجه كان لازم اعملها من زمان
شكرا

عدى النهار يقول...

وهناك من يعيب هذا الإصرار على أهله ويعتبرهم على الأقل غير منطقيين وكأن هناك مزايدة على إضاعة الحقوق. المحزن والمخزى فى نفس الوقت هو ضعف أصحاب الحقوق والخزلان الذى يلقونه ممن يجب عليهم نصرتهم

yasmina يقول...

فعلا الاصرار على الحق يجب ان ياتي من الداخل ثم الى الخارج

كلماتك قليلة ولكنها وصلت الى هدفها

تحياتي

Ragi يقول...

اعداء الداخل كثيرون يطعنون فى الظهر من حيث لا تدرى ، هم مثل المنافقون الذين فى قلوبهم مرض فزادهم الله مرضا
سلمنا الله منهم
مبروك الخطبة وعقبال البكارى

oceaneyes يقول...

ايه ده ؟؟؟؟؟؟

صورة بشعة بجد !!!!

بداخلى كمية من الغضب ممزوجة بالحزن الدفين وبالحسرة على حال شعب مظلوم ..

يمكن يكون الشعب ده مش أمين على نفسه ..بيبيعوا بعض ..والمسئولين عنهم مش هاممهم اى حاجة غير كراسيهم وثروتهم ومستقبلهم هما وأبنائهم ..

بس مع ذلك فى ناس فيهم بتضحى بحياتها فى سبيل غيرها ..فى سبيل وطنها

بجد حسبى الله عليهم ..حسبى الله على المعتدى وعلى اولى الأمر الغير مهتمين


ليهم يوم

ذو النون المصري يقول...

حفصه
تدويناتي بدات فعلا تاخد لون مختلف لان فيه تصنيف لنوعيات التدوينات و لقيت ان بعض ابواب التدوينات قليله و بعضها كتير مثل الصوره و التعليق و الشعر و الاخبار و خلافه فرايت ان اكرث بعض تدويناتي للابواب الاقل لزيادتها
تحياتي

ذو النون المصري يقول...

غاليه
فعلا الصوره رهيبه و للاسف فيه ناس مش حاسين بكمية المجهود الذي تبذله هذه السيده العجوز و يرونها لا تفعل شيء لان الموضوع في نظرهم لا يتعدي مجرد تضييع عمرها لاجل شجره
حتة شجره
لكن هي لها عمر و ذكريات و تاريخ و مستقبل
تحياتي

ذو النون المصري يقول...

د روفي
انا بصراحه لم اقرا القصيده لدرويش لكن اعرف ان من شعراء المقاومه الفلسطينيه
ان شاء الله اقراها له
تحياتي

ذو النون المصري يقول...

نسرين بسيوني
سعدت جدا بكلامك و ان البوست ممكن يخليكي تعملي شيء مؤجل
بجد سعدت جدا بس ياريت تبلغيني ان امكن بالحاجه دي
اذا كان ممكن
تحياتي

ذو النون المصري يقول...

عدي النهار
فعلا حاجه عجيبه
ناس مصره علي ان تعيب المتمسك بحقه و رفضه للخنوع و كان الخنوع من ضرورات العصر

ذو النون المصري يقول...

ياسمينا
اهلا بكي
لابد من الاصرار
و التفاوض لا يعني ترك الاصرار لان التفاوض ممكن يكون للراحه و تغيير الخطط و فرصه لاستجلاء بعض المواقف
تحياتي

ذو النون المصري يقول...

استاذ راجي
سعيد جدا بزيارتك
و الله يبارك فيك و عقبال اولادك
تحياتي

ذو النون المصري يقول...

عيون المحيط
للاسف الفلسطينيين الان اشبه بطفل ابوه راجل اهبل و يعيش في قريه اهلها اهل لؤم و خسه
لا الطفل قادر علي الاهتمام بنفسه و رعاية مصالحه و لا ابوه له من العقل ما يهيئه اهذه المهمه و لا العالم من حوله لهم من الاخلاق ما يكفل لهم العيش بينهم بكرامه