الأحد، سبتمبر ١٦، ٢٠٠٧

فؤاد المهندس ،عاش طفلا و مات طفلا





اذكر في يوم من ايام عمري و حينما كنت في سن الثالثه ،حملني اخي الذي يكبرني علي كتفيه كل رجل علي كتف في طريقة حمل مشهوره للاطفال .نزل اخي سلم بيتنا و كان ممسكا بكلتا يديه و بقوه علي رجلي و كنت انا بدوري ممسكا بشعره الاكرت باصابعي الصغيره متشبثا براسه !!فقد شعرت بان هناك خطبا جللا يحدث في البلده ،لا اعرف كنه ما يحدث لكن لا شك ان هناك شيء مهم يحدث ،،فقد اجتمع سكان البلده بالكامل امام بيتنا في جرن واسع كانت تدرس به المحاصيل و كان زحامهم هائلا كاد قلبي الصغير ينخلع من الخوف لمراهم بهذه الكثافه العدديه
>>>>>>>>>>>>>>>>
كانت الاكتاف تتلاصق بالاكتاف و لا تري في المشهد كله الا رؤس البشر .و ظل اخي يتحرك ببطء و تاني حتي انغمسنا
كلنا في الزحام و صرنا تقريبا في المكز من هذا التجمع البشري الهائل ووقف بجوار عربه ربع نقل بها صندوق كبير به فتحه صغيره و وقف اخي في مواجهة ملاءه مثبته علي حائط بيت لازال موجودا حتي الان ،و بدات العربه تحدث صوتا و خرج من صندوقها نورا في هيئة شعاع قوي كثيف الضوء متوجها ناحية الملاءه المثبته علي الحائط

>>>>>>>>>>>>>>>>>>>

و فجاه ساد الصمت بعد حاله غريبه من الهرج و المرج لحظة انطلاق الضوء و كان الصندوق خرج منه عفريت لا مجرد شعاع من الضوء.في مثل سني لم افهم ما يحدث و لا لماذا يجتمع الناس هذا الجمع الحاشد و لا لماذا يسودهم الهرج و المرج و لا لماذا صمتوا فجاه ،و لعدم فهمي فقد كانت مشاعر الخوف هي المشاعر المسيطره بصوره اساسيه علي نفسي و كانت ترجمة خوفي في قبضة يدي التي تمسكت بشعر اخي بقوه اكبر كلما زاد الخوف في نفسي
>>>>>>>>>>>>>>>>>>>
خرج نور العربه الي الحائط فجسد صورا تتحرك لاطفال صغار يرقصون و يغنون و كانت ملابسهم راقيه و نظيفه و جميله جدا و كانوا يحلقون رؤسهم صبيان و بنات بطريقه نسميها القرصه و كانت شعورهم ناعمه منسدله علي اكتافهم و كانوا يرقصون بطريقه مبهجه و يدورون حول انفسهم في دوائر كثيره تدور بجوار بعضها و داخل بعضها و كانت في الدائره التي في المركز رجل كبير في السن ممتليء البطن يرتدي بدله متواضعه و كان يغني لهم و يرقص معهم و يتمايل يمينا و يسارا علي الاغاني و الانغام في صوره بديعه و تواضع بليغ هذا
الرجل عرفت فيما بعد ان اسمه عمو فؤاد و انه ياتي بهذه الطريقه لعدم وجود جهاز يسمونه التليفزيون في بلدتنا
>>>>>>>>>>>>>>>>>
هذا المشهد الذي حكيته هو اقدم مشهد كونته ذاكرتي و لا يوجد في زهني اي مشاهد اقدم منه ،بل حدث بعده انقطاع في شريط الذاكره ربما لعدة سنوات فصار عمو فؤاد ذو مكانه خاصه في ذاكرتي لا صلة له بما بعده و لا شيء قبله و كانه احتل جزيره خاصه به في زاكرتي
اجيال كامله تربت علي عمو فؤاد باجزائه العديده ،،عموافؤاد رايح يصطاد ،و عمو فؤاد راجع يا ولاد ، و عمو فؤاد في الميم تسعين ،و غيرها من المسلسلات التي اداها بطيبة قلب للاطفال فصار هو فنان الاطفال بلا منافس فشارك الاباء في
تربية الابناء و كانت هي اليد الامينه التي ترك الاباء ابناءهم بينها
>>>>>>>>>>>>>>>>
في مرحلة الدراسه الابتدائيه كنا قد اشترينا التليفزيون و كان رمضان ياتينا في عز الصيف ايام الحر فعجز جيلي كله تقريبا عن الصيام
المبكر و كالعاده اقنعنا اهلونا بالصيام لوقت قصير من اليوم و لا داعي لمواصلة الصيام الي اخر اليوم .و حتي لا اخجل من كوني مفطرا فقد كنت ااخذ طعامي الي غرفة التلفزيون و اتركها مظلمه و ابقي مع عمو فؤاد اقضي معه وقتا طويلا
و اجلس معه وحدي
>>>>>>>>>>>>>>>>
عمو فؤاد سيبقي الفنان الوحيد الذي ربط نفسه بعلاقه خاصه بجيلي لانه و دون غيره من الفنانين خصنا بجهده و عرقه
دون انتظار مقابل سوي حبه للاطفال . و رغم انه قد جاوز الثمانين يوم وفاته الا انه قبل وفاته بايام استضافته هاله سرحان في برنامجها هاله شو و كانت تحدثه لا كانها مزيعه بل كانها جليسة اطفال .كان النجم الكبير يصفق معها بكلتا يديه ممدودتين امام وجهه علي طولهما كما يفعل الاطفال و مفرجا ما بين اصابعه علي انغام احدي اغانيه الكثيره و كان وجهه يبدو في حالة براءه يشبه وجه الاطفال . حدثها عمو فؤاد انه لازال يحمل في صدره قلب طفل و انه لا يرضي عن لقبه الاشهر " عمو فؤاد "بديلا

ولد عمو فؤاد في شهر سبتمبر _شهرالمدارس _ و مات في نفس الشهر. فقد ولد في السادس من سبتمبر عام 1924 و مات في السادس عشر من نفس الشهر عام 2006 الموافق السبت . و كان اليوم التالي لوفاته مباشرة هو اول ايام العام الدراسي الجديد و هو اليوم الذي دفن فيه . و كانه يوصل لنا رساله بموته اهنه يتركنا نحن تلاميذ فنه مع تلاميذنا الجدد و كانه يقول كما كنتم امانه في عنقي فانا اليوم اغادر الدنيا كما يغادرها كل مخلوق فتلاميذكم في اول ايام مغادرتي و اول اياد دراستهم امانه في اعناقكم . رايت شبحه او صورته و انا داخل مدرستي و كان يفتح لي باب المدرسه و يشير الي بيده ان ادخل و كان هذا المشهد التخيلي مؤثر جدا في نفسي .فهذا هو اول يوم يمر بلا عمو فؤاد صاحب اجمل ذكري و اقدم مشهد في ذاكرتي . و كنت اامل ان وزارة التربيه و التعليم ستقرر له حدادا رسميا في المدارس في هذا اليوم الا انه لم يحدث فاثار ذلك حزني ، فبقي لنا اليوم ان نامل في ان وزارة التربيه و التعليم ستقرر اعداد درس عنه في كتب الدراسه فهو شخصية تربويه تستحق ان تكون بطلة افلام كرتونيه للاطفال حتي لا نعدم فائدة وجوده الدائم و المستمر
>>>>>>>>>>>>>>>>
تاريخ وفاه نموزجي اكرم الله به عمو فؤاد و اختاره له في اخر كل اجازه و اول كل عام دراسي جديد حتي نظل نذكره كلما ذكرنا مدارسنا و اطفالنا و هكذا يكرم الله كل مخلص احب عمله و اداه بامانه
رحم الله عمو فؤاد و اسكنه فسيح جناته


عمو فؤاد في ارض النفاق

عمو فؤاد في اخطر رجل في العالم "مستر اكس"0


في احد افلامه


عمو فؤاد يحي الجماهير في احدي مسرحياته
في احدي مسرحياته

في حفل تكريم


يوم الجنازه و كان موافق لاول ايام العام الدراسي الماضي


السيده شويكار كانت الثنائي الكبير مع عمو فؤاد

............................
كتبه / ذو النون المصري
الصور /بحث نت
.......................
ندعوكم لزيارة مدونتنا الاخري فنون جميله و التعليق علي الشرح التحليلي للوحه الجديده
........................

هناك ٣٦ تعليقًا:

عدى النهار يقول...

بوست جميل جداً

رغم إنى مش من جيل عمو فؤاد لكن قادر أحس من كلامك مقدار تأثر أطفال عمو فؤاد به. وطبعاً ذلك لحب فؤاد المهندس للشخصية وبالتالى أداها بصدق وقناعة كاملة بأنه كان بيؤدى رسالة وليس دور فى مسلسل

الله يرحمه

فى القلب يقول...

طببببببببببببببببببببببببببعاً
أنا من جيل العملاق عمو فؤاد

أهو ده الأسطوره حقيقى

كل كلمه من البوست كأن بتقول على حاجه جوايا

أنت فوق الثلاثين ولا أيه يا ذو النون
كده نبقى ذمل

صوم مقبول و أفطار شهى يا وزير الأحساس العالى

إنسان || Human يقول...

مجهود رائع ياذو النون ...ولكن سيبقى عمو فؤاد في الذاكرة ..الله يرحمه وكل سنة وانت طيب

غير معرف يقول...

http://www.who-is-wael-abbas.blogspot.com/
اعرف حقيقة وائل عباس

غير معرف يقول...

http://www.who-is-wael-abbas.blogspot.com/
اعرف حقيقة وائل عباس

^ H@fSS@^ يقول...

الف رحمة و نور عليه
فعلا كان من الناس القليلة اللي ليها اثر في وجدانا و ذكرياتنا و شارك بشكل فعال في تربية عقولنا

ذكرياتك جميلة اوي عنه يا نون و العنوان من اوله اثر فيا اوي
يا ريت بلدنا تعرف قيمة الناس الكبار اللي فيها و تكرمهم احسن من كده شوية بس حتقول ايه

تسلم ايدك على ده بوست

تحياتي

بس بجد عيب عليك تاخد الاك لو تتخبى في الاودة و هي مضلمة
يا فاطر رمضان
..........
مش حكمل
هههههههههههههههه

ibn nasser - ابن ناصر يقول...

رمضان كريم وكل سنة وانت بخير وصحه وعافية

تحياتي

غير معرف يقول...

ياريت تحذف تعليقات الناس اللي بتروج لموقع شتيمة وائل عباس
ولا تساهم في نشره

.:.-=- ELGaZaLy-=-.:. يقول...

جميل اوى يا زو النون بجد انا برضة من الجيل دة تعرف.,.


انا مش قادر انسى لحد النهاردة الاغنية بتاعت رايح اجيب الديب من ديلة

بس على الله يكونلة ديل

عاش عملاق ورحل استاذا وفنانا

رحمك الله يا استاذنا

مريم يقول...

انا مش كم جيل فؤاد المهندس بس انا بحب اى حاجة من ريحة زمان
وجميل انك تفتكره فى ذكراه خصوصا ان مبقاش حد يفتكر دلوقتى

كل سنة وانت طيب وصوم مقبول ان شاء الله

ذو النون المصري يقول...

عدي النهار
كل سنه و انت طيب
طبعا الاخلاص في العمل له اثار كثيره جدا منها سهولة وصوله للهدف
تحياتي

ذو النون المصري يقول...

في القلب
لا انا مش فوق الثلاثين، انا لازلت تحتها .انا 28 سنه لكن احنا طبعا و في كل الاحوال زمل
اشكرك جدا للتعليق الرقيق و الذي اسعدني بشده
تحياتي

ذو النون المصري يقول...

انسان
اشكرك جدا علي الزياره و كل سنه و انت طيب
تحياتي

ذو النون المصري يقول...

الاخ الغير معروف
حقيقة وائل عباس التي اعرفها انه شاب يضحي بالكثير جدا من جهده ووقته لاجل هدف يعتقد انه قادر علي الوصول اليه اذا تكاتفت جهود الشباب معه و لا اعتقد انه يحتاج الي مدونه مخصوصه للسب فيه و كانه ابرهه الحبشي او ابو لهب و للعلم فانا من الناس الذين حسدوا وائل عباس بشده علي مركزه لذلك قررت ان اعمل مدونه بسببه لكن لاني لست من هواة العمل السياسي اتجهت وجهتي الخاصه في الثقافه
و للعلم
لا حسد الا في اثنتين
اشكرك للزياره و التعليق
و كل سنه و انت طيب
تحياتي

ذو النون المصري يقول...

حفصه
دايما فاضحاني و كسفاني
يعني مااعرفش افطر و انا صغير في رمضان
دا رمضان معمروش قال كده
يا ناس فهموها رمضان مهوش بالشكل ده
كل سنه و انتي طيبه
تحياتي

ذو النون المصري يقول...

ابن ناصر
كل سنه و انت طيب
يارب تكون ايام الشهر الكريم ايام سعاده و بركه لك و لكل افراد الاسره
تحياتي

ذو النون المصري يقول...

غير معروف
انا خلاص رديت علي صاحب الموقع و انا متعود اني ما الغيش تعليقات هنا ابدا كل سنه وانت طيب
تحياتي

ذو النون المصري يقول...

الغزالي صديقي العزيز
الحمد لله علي عودتك بالسلامه
و كل سنه وا نت طيب
انا كمان و الله لسه بحب الاغنيه دي جدا
تحياتي

ذو النون المصري يقول...

مريم
كل سنه و انتي طيبه
اشكرك جدا للتعليق
تحياتي

ذو النون المصري يقول...

الجميع
كل عام انتم بخير

غير معرف يقول...

ايام و بنعيشها
ياعم تعالي عندي و شوف بنفسك الشتايم في الاخ وائل
اصحاب المدونه عاملين اعلانات ترويجيه لمدونتهم و كلها متخصصه في سب وائل
يعني فيه حدا يعمل مدونه اسمها حقيقة وائل عباس!!!!!؟
كل شغلها سبه و شتيمته

يا اخو ذا النوت يا ريت تقرا كلامنا بتركيز وتفكر احنا مش بنسب وائل بس احنا بنقول حقائق لو عايز تقيم وائل قيمه بحيادية ..حاول تشغل دماغك احنا مش بنشتم وائل ...احنا بنظهر حقيقته اللي بعض السذج ميعرفوش وائل عباس ..وائل عباس شغال امن دولة والكلام ده مش كدب الكلام ده حقائق معروفة لكل الناس بس يظهر انك مش متابع ...بس انت لو قريت كلامنا هتعرف ان وائل ده اجبن مما تتخيل ..وحقير جدا ..والموضوع جيه معاه بالصدفة ...وعلي فكرة كل التعليقات اللي في المدونة عنده هو اللي كاتبها بنفسه وبيرد علي نفسه ..او بيرد علي 95في المية ..وانت لقرا بنفسك وهتعرف ان الكلام كله اسلوب واحد هو وائل ..شوية يسمي نفسه سنقر او المصري افندي ..او ام هادي ..او اي كلام بيدخل بميليون اسم بس انت قبل ما تهجام مدونتنا وتقول علينا زي العبيط وائل عباس دول امن دولة والكلام الاهبل ده ..يا ريت تفكر بعقلك بس ..وتسئل نفسك وائل بعض الاسئلة دي
1-لما وائل عباس مجتهد اوي كده ليه ماشتغلش في اي جريدة كصحفي علي الاقل هيكسب فلوس بدل الصرمحة دي

2-لماذا لم يقبض عليه حتي الان ..كل المدونين اللي اقل منه شهر اتقبض عليهم اشمعني هو بالذات

3-ازاي قدر يسافر امريكا وهو شحات ومش لاقي ياكل وحالته المادية تحت مستوي خط الفقر بمراحل ..وازاي قدر ياخد الدورة التدربية دي في امريكا دي تتكلف الاف الدولارات ..يا تري جاب الفلوس منين وهو مش لايقي يا كل ..وازاي قدر يسافر الاردن وتركيا وسوريا ..جاب الفلوس دي منين

4-وائل عباس سمعته سيئة جدا وباين انه تربية حواري ..وده واضح في الفاظه القذرة والحقيرة الخادشة للحياء والمقززة ..وهذا ما يخالف سلوك المدون المناضلل...بالاضتفة لشرب الحمرا بكل انواعها والبانجو والحشيش ..والجري وراء النساء المتزوجات والمطلقات ..بالذمة ده سلوك شخص مناضل وبطل قومي

5- انا لا اريد منك اجابة انا بس اريد منك انك تفكر بعقلك شوية وشكرا

غير معرف يقول...

http://www.who-is-wael-abbas.blogspot.com
اعرفوا حقيقة وائل عباس

درش يقول...

عمو فؤاد فعلاً ليه طابع شخصي مميز جداً زي زيه المليجي و و يوسف وهبي و توفيق الدقن و ستيفان روستي و أنا بأحبه جداً جداً خصوصاً في فيلم أرض النفاق و الرائع أخطر رجل في العالم و مستر إكس.
عمو فؤاد فعلاً سَحْرّ العالم العربي بأدائه الجميل.

dr.Roufy يقول...

ياااااااه
بجد ربنا يكرمك على البوست الجميل دا
عمو فؤاد
فعلا جيلنا كله..اتربى..على فوازير عمو فؤاد
كلنا ..كنا بنستنى رمضان علشان نشوفه
الراجل دا بجد أنا حبيته جدا
عمو فؤاد
جزء لا يتجزأ من رمضاني زمان ولحد سنين قليلة ..كنت لازم اشوفه..لحد ما توقفت فوازيره..وغاب عننا عمو فؤاد
زي ما حاجات حلوة كتير غابت من دنيتنا

kaed يقول...

عمو فؤاد كان بيمثل لى رمضان وانا صغير
يعنى اول ما يجى رمضان لازم يجى معاة عمو فؤاد
واعاد اللة علينا رمضان اعواما مديدة

ذو النون المصري يقول...

غير معروف
بتسالني اني افكر بعقلي شويه و ده هو كل طلبك مني ؟؟؟ ماشي افكر معاك
...............
بتقول انه امن دوله
ياتري ايه وظيفته في امن الدوله ؟ و ايه هو الدور اللي بيقوم بيه ؟
هل التجسس علي المدونين مثلا
اعتقد انه لو كان كذلك كان كل المدونين اكتشفوه مش حضرتكم و فقط
ايضا هناك من القضايا التي تم فيها فضح جهاز المباحث علانية في الكثير من الصحف المحليه و غيرها في البلاد العربيه و بعض منظمات حقوق الانسان و كلها بدات بوائل عباس كمحرك لهذه القضايا فهل جهاز امن الدوله مشغل عنده وائل علشان يفضحه بالصوره الحاصله حاليا مع العلم ان اخر قضايا المباحث المفضوحه حاليا و هي قضية عماد الكبير قد تحولت الي قضية راي عام في مصر و نظرت اليها بعض المنظمات الدوليه باعتبارها انتهاك لحقوق الانسان
ياتري بيشتغل ايه في امن الدوله غير انه يقعد يفضح و ينشر
.............
فكرت ايضا في تعليقات مدونته فاظن انك مش قاعد معاه علشان تعرف مين بيكتب التعليقات عنده
.................
بالنسبه لعمله صحفي بدل الصرمحه في التدوين
هو كان شغال صحفي في اكتر من صحيفه لكنه كان بينفصل منها
من بين الجهات اللي اشتغل فيها وكالة الانباء الالمانيه كمراسل و كذلك الدستور المصريه لكنه انفصل منها كلها و اعتقد ان فصله مش بسبب عمله في امن الدوله مثلا و لو كان بيشتغل في امن الدوله كان اتسند مش انفصل
....................
اما الدورات
فلم تكن هناك دورات الا في امريكا عاملاها مؤسسه صحفيه هناك للتدريب و كانت الدوره بالدعوه و مجانيه يعني مش بفلوس
اما تركيا و الاردن فلم تكن هناك دورات بل هي مؤتمرات للمدونين و كانت الدعوه موجهه له شخصيا باعتباره اشهر مدون مصري فطبيعي يكون مدعو للمؤتمر و الدورات التدريبيه في امريكا
.................
بالنسبه لشرب البانجو و الحشيش بانواعه و الحمرا بانواعها فاعتقد انها مجرد اكازيب لا دليل علي صحتها و مثلهاالجري ورا النسوان و خلافه
....................
باختصار
لو كان امن دوله اشمعني انت لوحدك اللي عرفت؟
و ازاي تركه جهاز الامن يعبي مدونته بفضائح ضد جهاز الشرطه وصلت كلها للمحاكم كما تري ؟
و ازاي فاز بمركز واحد من افضل عشرة شخصيات اثرت في العالم العام الماضي لكثرة القضايا التي تفجرت علي مدونته و ممكن تتابع تسجيلاتها علي سيد بار مدونته؟
و ليه انفصل من كل جريده اشتغل فيها ؟
...................

ذو النون المصري يقول...

غير معروف مره تانيه
عرفت الوعي المصري من سنه كامله و اعتقد ان معرفتي به سليمه

ذو النون المصري يقول...

درش
اشكرك جدا علي الزياره و سعيد بوجودك
كل سنه و انت طيب
تحياتي

ذو النون المصري يقول...

د / روفي
كل سنه و انتي طيبه
و سعيد ان الموضوع عجبك
تحياتي

ذو النون المصري يقول...

قائد
فينك يا عم
انت بقيت بتغيب كتير جدا
كل سنه و انت طيب
تحياتي

غير معرف يقول...

العزيز ذو النون المصري
انت حر تحب وائل زي ما انت عايز رغم اني واثق ان ده شم ردك ده رد وائل لكن انا هرد عليك
اولا بتسئل هو معقول امن الدولة يشغل وائل عنده رغم انه بيفضحه ...ايوة ممكن عشان يخلي امثالك يثقوا في واحد زي وائل ويبقي وجوده بينهم ضروري بدون ما يثير شبهة ..زي ما مصر كانت بتطلع معلومات حقيقة ومهمة لاسرائيل عشان تخليهم يقتنعوا بالجاسوس ..عشان كده وائل الوحيد اللي متقبضش عليه ولا هيتقبض عليه..انا بقولك انه امن دولة وليامصادري الخاصة بس الزمن هياكد لك كلامي
ثانيابتقول انه اشتغل في صحف واتفصل منها ..يا تري انفصل ليه لوعي تقولي لاسباب امنية وعشان امن الدولة بيحقد عليه ..لان في غيره بيتكلم في السياسة وموجود ..بس المشكلة هو بيجيب الفلوس اللي بيعيش منها منين ..بيروح رفح ويسافر قليوب ويروح هنا وهناك ازاي وهو مش شغال اي شغلة ومعندوش اي دخل واصلا معندوش فلوس اصلا يجيب حتي دبلة يتجوز بيها وانا ساكن جبنه وعارف حالته المادية وعارف اهله كويس يعني عائلة تحت خط الفقر
ثالثا بتقول انه بسافر الادرن وتركيا دي دعوات للمدونين ..غريبة اوي موضوع الدعوات دي اشمعني وائل بس اللي جت له الدعوة ...وياتري الدعوة دي شاملة مصارف السفر والاكل والشرب والفندق والبوكت موني ..غريبة اول مرى اسمع عن حاجة زي كده ابقي اتاكد من معلوماتك
رابعا
انت بتقول انه سافر امريكا منحة مجانية ..اقولك ان حضرتك لمؤاخذة كداب او معلومات غلط...لان وائل سافر علي حسابه ..غير كده هو كان كاتب في الموقع في البوست عنده ..انا صرف فلوس كتير هناك وان الدورات دي علي حسابه الشخصي ومن جيبه الشخصي وده كلام وائل عباس وتقدر ترجع للارشيف او تسئله بنفسك ..فيا تري جاب الفلوس دي منين
خامسا
انت بتقول اخد الجايزة دي ازاي ...والله في جوايز كتير بتتاخد لاغراض سياسية وفي كتير اوي بيخد جوايز وهو لايستحقها ..بل السائد ان كل الحرامية والمنافقين والكدابين هما اللي بيخدوا جوايز ..الجوياز تؤخذ لاغراض سياسية ...شرين عبادي الايرانية اخدت جايزة نوبل للسلام ..اشمعني واحدة ايرانية تاخد الجايزة دي في الوقت ده ..يعني حتي اللي ياخد جايزة نوبل ده مش معناه انه وطني ...ووائل واخد الجايزة عشان في ناس عايزاه يخد الجايزة وتعمل منه مناضل ..
سادسا ...تقدر تقولي واحد زي وائل متجوزش ومعهوش فلوس ومش لاقي ياكل ومش شغال اي شغلةولا عنده مصدر رزق ..ايه اللي يخليه يسافر هنا وهناك عشان يغطي احداث زي قليوب والمحلة ورفح وبيجيب الفلوس منين ..واصلا بيعمل ليه كده بدون مقابل ..ولا هو التدوين علي النت بيكسب فلوس ..لو التدوين بيكسب يا ريت تقولي اكسب منه ازاي ولا يمكن انت بتكسب من مدونتك علي النت
سلااااااااام ياعبقري وبكرة هييجي يوم وتعرفوا كلكم مين هو وائل عباس انسان واطي وحقير ومقزز وبيئة والفاظ قذرة وبالنسبة للبانجو والحشيش والنسوان ابقي اسئله انت بنفسك وخو صدقني مش هيقدر ينكر
سلااااااااااااام

Rania Lelah يقول...

كل سنه و انت طيب
رمضان كريم
تحياتى
و بالنسبة لفؤاد المهندس الله يرحمة كان تقريبا اخر رجال الكوميديا المحترمين
رحمة الله

ذو النون المصري يقول...

الاخ الغير معروف كمان مره
يعني الجاسوس بيزرعه جهاز المخابرات لهدف معروف و هو حماية وطن و كشف جواسيس اخرين و خلافه
اما وائل فلا ادري لماذا يزرعه جهاز الامن بين المدونين و لا توجد للمدونين اصلا اسرار يحتاجها جهاز الامن لان كل شغلهم مكشوف و لا يتعدي التدوين و بعض الاعتصامات فاي شيء يرغب جهاز الامن في التجسس عليه عند المدونين و كمان يفضح نفسه بهذه الصوره امام العالم مقابل هذه المعلومات التي تحتاج جا سوس
................
بالنسبه للدعوات لماذا وائل تحديدا فذلك لانه اشهر مدون في مصر و هو و اخرين دائما ضيوف الاعلام في اي تقرير عن المدونين في مصر
...........

ذو النون المصري يقول...

رانيا
اعتقد ان هذه اول زياره لكي في مدونتي
اشكرك جدا علي الزياره و كل سنه و انتي طيبه
تحياتي

مدحت محمد يقول...

انا طبعا مش من جيل عمو فؤاد ده مات عنده فوق التمانين سنة
بس انا بحب عمو فؤاد اوى
وكنت وانا صغير بستنى رمضان عشان اتفرج على عمو فؤاد الله يرحمه كان بيضحكنى جدا فى رمضان ايام لما رمضان كان ليه طعم
وحتى كل افلامه بحبهاله طويل العملر يطول عمره ويزهزه عصره وينصره على مين يعاديه هاى هيه
الله يرحمك ياعمو فؤاد

ذو النون المصري يقول...

مسلم
لم انتبه لزيارتك و تعليقك الا متاخرا
اشكرك جدا علي التعليق و سعيد جدا بهذه الزياره
كل سنه وانت طيب