الأحد، أغسطس ١٩، ٢٠٠٧

سجن في اليابان

اللي يطوف ياما يشوف !!!حكمه طالما رددها الكبار علي مسامعنا و لم يملوا من تكرارها امامنا بمناسبه و بدون مناسبه ،و لان النت هو اهم وسائل تطوافنا حول العالم الان فقد قررت ان اطوف علشان اشوف عملا بالحكمه و كان منالغرائب التي رايتها في هذا العالم هي هذه الصور لسجن ياباني
طبعا تعجبت و استغربت من هذه المشاهد لان الحال عندنا لا يجهله احد و اعمال بشاوات لتعذيب لا تفتا تكشفها و تفضحها المدونات السياسيه و بعدها الصحافه المستقله ، اقول هي غرائب لانها بعيده تماما عن احلامنا في ظل ظروفنا الراهنه و بعد ان تردي حالنا و انهدمت طموحاتنا في العيش في وطن يعطينا الحد الادني من حقوق الانسان ،حق الماكل و الماوي

واضح طبعا من صور الحمامات و دورات المياه مدي النظافه الهائله و المستحيله في السجون اليابانيه حتي انهم لم ينسوا ابدا وضع اصص الزروع و النباتات بجوار الابواب كما ان الستائر ايضا دليل قوي علي النظافه سبحان الله !!!حتي السجين من شدة احترامهم له له فوطه متعلقه علي شماعه امام الحوض ،،دا الواحد مبيعلقاش بالنظام ده في بيته
نظام ز نظافه و ايضا زهور علي كل ترابيزه للسجناء !!!و المفارش الله عليها !!!اعتقد ان الحياه في السجون اليابانيه لامثالنا تعتبر حياه خمس نجوم و لا اعتقد ان البؤساء يمكنهم البحث عن ماوي بعد السجن في اليابان !!لكن طبعا المواطن الياباني بيتعذب في السجون دي لان حياته عاليه جدا و السجن بالنسبه له عقوبه فعلا!!!! امال يا تري حياته العاديه خارج السجن شكلها ايه؟؟ و هل مثل هذه السجون تصلح لنا في بلادنا؟؟؟؟ حد شاف صوره لسجين بعد خروجه من السجن هنا ؟؟ شفتم صورة محمد اخر ضحايا مجازر الشرطه ؟؟؟؟
.........................................
لزوار المدونه دعوه لزيارة مدونتنا الثانيه فنون جميله و قراءة شرحنا للوحة البرق للفنان السعودي ابراهيم الزيكان
.......................................
كتبها / ذو النون المصري
الصور بحث نت
...................

هناك ٢٠ تعليقًا:

اه يا دماغى يقول...

ممكن تحجز لى غرفة واوعدك اعمل اى حاجة اروح فيها السجن مع حديابانى بس بشرط المحاكمة تكون هناك

شوفت بره قد ايه الانسان محترم
الله يرحم الطفل بتاع الدقهليه

Ahmad Hegab يقول...

هم يضحك و همنا يبكى

مـحـمـد مـفـيـد يقول...

ما أحنا عندنا سجون أحلي من دي
انت بس اللي واخد بالك

dr.Roufy يقول...

تروح فين الصور دي في حلاوة سجوننا الوطنية
ولا جمالها؟..

وبعدين هما عندهم سجون اد الى عندنا
ولا عندهم مساجين زي الى عندنا
ولا ضباطهم..زي ضباطنا؟؟

شفت بقى

تحيا مصر

yasmina يقول...

يبدو ان حياة الانسان تختلف قيمتها بين شعب واخر

ومعاير العقاب تختلف ايضا

اللهم ارحم سجناؤنا الامنيين
والمعتقلين

^ H@fSS@^ يقول...

عمو عمو ... ممكن اخش السجن ده؟؟

شباب روش طحن يقول...

طب إحنا نروح اليابان ونرتكب أي جريمه هناك عشان نسجن ولا لازم نحصل علي الجنسيه الاول عشان بنفع نروح السجن في اليابان محتاجين المعولمه دي ضروروي


يلا يا جماعه في رحله لسجن اليابان

ذو النون المصري يقول...

اه يا دماغي
ممكن طبعا احجز لك مكان
بس لما احجز لنفسي الاول
تحياتي

ذو النون المصري يقول...

احمد
و مش كده و بس
احتمال لو رحت هناك تلاقيهم بيشتكوا من السجون و مش عاجبهم
تحياتي

ذو النون المصري يقول...

محمد مفيد
من يوم ما اتعلمت متابعة الكتب و مؤلفينها بقيت واخد بالي و مش عارف ايه المكسب من وخدان البال اكتر من شيل الهم
تحياتي

ذو النون المصري يقول...

د/روفي
طبعا كل شيء مختلف من هناك لهنا
سواء الناس او الضباط او المجرمين
لكن اللي جعل الاختلافات دي موجوده هو اختلاف الوعي بيننا و بينهم
هم وعيهم بذاتهم و حقوقهم افضل
تحياتي

ذو النون المصري يقول...

ياسمينا
و الله شفت الصور دي دعيت بالرحمه لكل المساجين بما فيهم اصحاب الزنوب
تحياتي

ذو النون المصري يقول...

حفصه
ممكن طبعا بس استني دورك في الحجز جايز ييجي و جايز ميجيش
تحياتي

ذو النون المصري يقول...

شباب روش طحن
متهيالي لو رحت اليابان علشان تتسجن جايز يعملوا لك جوانتاناموا ياباني
تحياتي

فى القلب يقول...

أرجع خدلك لفه تانيه
انا متاكده
ده فندق مئه نجمه
فى المرييييييخ

Unknown يقول...

أنت متأكد ان ده سجن ؟ يمكن فهمت غلط طب اذا كان ده سجن صحيح انا حاكتب بوست شتيمة فى اليابان و انسبه ليك و بعدين ارفع عليا قضية عشان اروح اتفسح هناك بفالى كتيرررررررررر عايزة اغير جو

ذو النون المصري يقول...

في القلب
و الله سجن و في اليابان
يا قوم اني صادق فيما اقول

ذو النون المصري يقول...

عاليا حليم
فعلا و الله سجن
و انا زيك تمام لما شفته قلت مستحيل
لكنه سجن
و اعملي اللي انتي عوزاه اشتمي اليابان او امريكا علي كيفك

sara يقول...

انت بتتكلم جد !!!!

طب والله انا بحسبه فعلا فندق

دا حتي الفنادق الفايف ستارز هنا مش بالنضافه دي

جتنا نيله في حظنا الهباب

ذو النون المصري يقول...

نون
و الله العظيم سجن
سجن يا ناس صدقوني