الأحد، يونيو ٢٤، ٢٠٠٧

اقواس

كنت متاكد ان المنهج الذي يفكر به الاصوليون سوف يقودهم الي هذه الفتاوي البهلوانيه من ارضاع الكبير الي شرب البول خالد منتصر/صوت الامه
حين يغيب العقل او يتحجر ، يتلوث الضمير ، فيفقد الانسان اي بوصله تعينه علي تقييم مواقفه ، فيظن نفسه يغرد ، فيما هو بالحقيقة يعوي كما الذئاب كمال غبريال/القاهره
لم يحسم المصريون اي امر من امور حياتهم الجوهريه طوال السبعة الاف عام التي يفخرون بانها عمر حضارتهم العريقه، فما زلنا حتي الان امه تتصارع في رؤسها ظلمات الوثنيه و مصابيح الاستناره و قداسة رسالات السماء و ما زلنا نختار اسهل الحلول و احقر الحلول حين نضع علي اجسادنا ملابس الاسلام و نحتفظ في عقولنا بكل قيم الوثنيه و العنصريه و التعصب الاحمق المريض ابراهيم السايح/القاهره
خبرات الحياه اليوميه في اي مجتمع تؤكد ان الافراط في تناول اي امر يمثل نقصا خطيرا في قناعة الناس و ايمانهم الحقيقي بهذا الامر ،فالرجل الذي يفخر دائما بعلاقاته النسائيه يكون في واقع الامر عاجزا عن اقامة اية علاقه نسائيه سويه و الشخص الذي يتحدث كل يوم و كل ساعه عن الزهد و القناعه يكون في اغلب الاحوال عاجزا عن تحقيق اية طموحات مشروعه او غير مشروعه ماديا او معنويا و الدوله التي تصدع رؤوس مواطنيها بالحديث عن الرياده تكون دائما دوله من دول العالم الثالث او الرابع تعيش علي المعونات و التسهيلات و القروض ابراهيم السايح/القاهره
....................................
مختارات من الصحف قدمها ذو النون المصري
نظرا لظروف صحيه طارئه ابعدتنا عن الاطلاع و التدوين لاربعة ايام لم نتمكن من تحضير بوست كامل كعادتنا و سنعود الي مستوي الاعداد بدءا من البوست القادم انشاء الله لان هذا البوست استعجالي لملء فراغ دام اكثر من اسبوع
..........................................

هناك ٢٠ تعليقًا:

.:.-=- ELGaZaLy-=-.:. يقول...

السلام عليكم كفارة يا صديقى

الف سلامة


------------------------------------

حين يغيب العقل او يتحجر ، يتلوث الضمير ، فيفقد الانسان اي بوصله تعينه علي تقييم مواقفه ، فيظن نفسه يغرد ، فيما هو بالحقيقة يعوي كما الذئاب كمال غبريال/القاهره
--------------------------------

تعرف يا ذو النون انا فرحان جدااا

وبقالى ساعة فاتح الصفحة

لما كتبت الاول العنوان بين الناس باين؟؟

البوست جميل والاعداد جيد وفى انتظار القادم

تحياتى

مـحـمـد مـفـيـد يقول...

عندما اصبحنا نتجه الي كل من هب ودب لاخذ منه العلم
فأصبح هو حالنا
الف سلامه عليك وشفاك الله وعفاك وفي انتظار عودتك الي عرينك سريعاً

حزيــــــــــــــــــن يقول...

زمان قاسم امين الله يلعنه او يغفرله فالله فقط اعلم بنواياه
قال
ان اللذه التى تدفع الانسان الى الاستمرار فى الحياة ليست بحياذة المال او تقلد المناصب ولكن بخلق قوة عامله تجسد افكاره
مش عارف ايه علاقة الكلام دا بالبوست بتاعك
بس البوست بتاعك ثبتنى مبقيتش عارف اكتب ايه
بقالى كتير مش بزورك سامحنى
بس خلاص انا عملت ليك لينك عندى عشان اقدر اتابعك بسهوله
ابقى نورنى
mazaag.blogspot.com

صاحب البوابــة يقول...

بوست جميل

لكننا ننتظر المزيد منك

تحياتي اخي

فن الحياة يقول...

اقواس هامة جدا اخي الكريم .. شكرا جزيلا لك :) (Y)

^ H@fSS@^ يقول...

الف سلامة عليك يا ذو النون
ان شاء الله تكون عدت بخير
يا سيدي كل بوستاتك بغض النظر عن طولها او قصرها فهي تستحق القراءة و فعلا بنستفيد منها

عن نفسي البوست ده جامد جدا
صحيح اقواس زي ما انت سميته لكن مركز و يحوي على اهم اسباب ضعفنا

تحياتي

ذو النون المصري يقول...

الغزالي
انا كمان سعيد جدا
تعرف اني بخاف من الانفلونزا موت
لانها بتجيب الدماغ مع الاعصاب مع العظام مع كل البني ادم و ترميه في الارض
رغم انها لا تري الا بالميكروسكوب الاليكتروني
تحياتي

ذو النون المصري يقول...

محمد مفيد
هي دي مشكلتنا اننا نلجا لمن لا يعرف
اشكرك علي مرورك الكريم
تحياتي

ذو النون المصري يقول...

حزين
قاسم امين و الله مظلوم ظلم بين
لانه مفكرش في اي حاجه بتحصل الان
اما كلامك فالعلاقه واضحه
هنا بيحدد صنفاللذه في خلق قوة عمل تعينه علي تحقيق افكاره و عندي كلام عن غياب العقل و كونه سبب في العجز عن تحديد الوجهه و الفكره
اشكرك جدا
تحياتي

ذو النون المصري يقول...

صاحب البوابه
انا قادم ببوست مميز قريبا انشاء الله
تحياتي

ذو النون المصري يقول...

فن الحياه
عنوان مدونه ممتاز جدا
لان الحياه فعلا فن
اشكرك جدا لمرورك و تعليقك
تحياتي

ذو النون المصري يقول...

speachless
يا بنتي انتي دوختيني
انا كل يومين بشوف نيو لوك جديد انتي عاملاه
ثبتي علي اسم و كفايه تنطيط
مش حفصوتشا كان كويس؟؟؟؟؟؟؟؟
و للا الواد مصطفيتش!!!!!!!!مممممممممم اللا بالحق هو اسمه ايه دلوقت؟
ههههههههه
اصله اكيد اتغير
واد ابن امه بجد
تحياتي

^ H@fSS@^ يقول...

اهو هو ده الاسم الجديد
ههههههههههههههه

غير معرف يقول...

البوست جميل جدا جدا فعلاا تحيات كبيره جدا علي مجهودك الكبير ده
تبقي انتا ابن بلدي ومعرفش انك تعبان علي العموم الف سلامه عليك انا كمان والله مش قادر
ابقي كلميني علي الاميل ضروري

ذو النون المصري يقول...

فنكوشه متفنكشه
و الله انا ما عارف انتي رايحه في اساميكي دي لحد فين
لكن اهو اسم كويس بس احنا كده هنتوه فيكي و منعرفكيش غير بالصوره
يعني لو بتغيري الصوره هنتوه بجد

ذو النون المصري يقول...

فارس
انا سعيد بزيارتك و اشكرك علي الاطمئنان و انا الان بخير و الحمد لله
تحياتي

-_- يقول...

سلامتك يا باشا

^ H@fSS@^ يقول...

لا خلاص رجعت حفصة تاني اصلي تعبت من ازدواجية الشخصيات دي

ذو النون المصري يقول...

شارم
الله يسلمك
تشكر
تحياتي

ذو النون المصري يقول...

حفصه
ايوه كده
اثبتي بقي علي الاسم علشان منتعبش من الاسامي اليامه دي