الأحد، فبراير ٠٤، ٢٠٠٧

تاج من حفصوتشا ام مصطفيتش

التدوينه السابقه كانت تاج من كبرمج حر ،و كانتتجربة التذكر اكثر من رائعه لذلك لم اتواني في تكرار التجربه مع تاج جديد من حفصه ام مصطفي و هو لا يدعو للتذكر بقدر ما يدعو للاستبطان الداخلي للنفس بدرجه او باخري ، و التاج الجديد يطلب الاجابه عن بعض الاسئله التي ربما تكون كاشفه عن بعض مكنونات النفس و الشخصيه في لحظتها الانيه و بالرغم من غرابة بعض الاسئله و صعوبتها الا انها ايضا تجربه لا تخلو من متعه
------------------------------------------------------------------------------------------------
ماذا سيحدث لايميلك بعد موتك؟
---------------------------
لا ادري علي وجه الدقه ما سيحدث لكن اعتقد انه لن يحدث اي شيء لاني لا استعمله اصلا لاني منذ ان انفتحت علي عالم التدوين انتهت علاقتي بالانترنت الا من هذا الجانب و هو التدوين و مطالعة مدونات الزملاء،فايميلي سيصبح كالابن الذي فقد منذ زمن طويل و لم يعد يعرفه احد و لا يبحث عنه احد
------------------------------------------------------------------------------------------------
هل اعطيت كلمة المرور او كلمة السر لاحد من قبل؟
--------------------------------------------
لا ،لم اعطها لاي احد علي الاطلاق
------------------------------------------------------------------------------------------------
لو كانت الاجابه نعم ،فما كات طبيعة علاقتك به ؟
-------------------------------------------
لا توجد لاني لم اعطها لاي احد
------------------------------------------------------------------------------------------------
اسمك؟
------
اسمي ليس من النوع المالوف لانه باختصار اسم عائله باكملها ،يعني لو تفتكر مسلسل العمه نور،كان عندها ولد كان اسمه علي ما اذكر عطوه مش عارف مين ابن ام عطوه ،اهو اسمي ممكن يكون من هذا النوع لكنه طبعا مش عطوه لكن ممكن تناديني بذي النون المصري فانا صرت محبا لهذا الاسم و لو غيرت اسمي لغيرته الي ذي النون المصري
------------------------------------------------------------------------------------------------
اسم الدلع المشهور بيه بين اصحابك ؟
---------------------------------
سبق و قلت ان الاسم من النوع الغير مالوف و هو من النوع العائلي ،يعني لا يمكن ان يصرف نحويا او شعبيا الي اسم دلع ،ممكن تطلع منه اسم مكان او زمان او حتي اسم االه ،......لكن اسم دلع اهو ده اللي لا يمكن ابدا
------------------------------------------------------------------------------------------------
عمرك ؟و برجك؟
---------------
انا مولود في اول ايام شهر يونيو الحزين عام الف و تسعمائه و تسعه و سبعون
1/6/1979
يعني اول يونيو القادم يكون عمري 28 سنه كامله
و برجي هو الجوزاء
------------------------------------------------------------------------------------------------
مجالك او مجال دراستك؟
----------------------
انا محب جدا للرسم لهذا دخلت كلية التربيه الفنيه و اعمل حاليا مدرس تربيه فنيه بمرحلة التعليم الاساسي
-----------------------------------------------------------------------------------------------
نوع شخصيتك؟
--------------
صراحه هذا السؤال صعب لاني لا استطيع ان اجزم بسهوله بنوع لشخصيتي ،كما ان تحديد نوع الشخصيه اصلا ليس امرا بسيطا
،لكني اعتقد ان شخصيتي فيها الكثير من التناقضات فيكفي فقط ان تعرف انني احيانا اشعر باني انسان شديد الغموض ليس من السهل علي احد ان يفهمني غامض حتي علي اهلي ،و انني بئر مملوء بالاسرار،و احيانا اعتقد انني في غاية البساطه لا يخفي امري علي اي احد و انني لوح زجاج شفاف لا يخفي شيء ،و انني مهما اخفيت حقيقتي علي الناس فستفتضح صفاتي الحقيقيه ،
------------------------------------------------------------------------------------------------
لسفر بالنسبه لك؟
----------------
بالرغم من قلة تجاربي في السفر فانا اراه متعه واي متعه!!!!هو يجلو النفس و يصقلها بعد تعب طويل حتي ولو كان هذا السفر شاقا يكفي انه تغيير لنمط الحياه التقليدي الممل الذي نحياه كثور ساقية جاهين
------------------------------------------------------------------------------------------------
المود بتاعي؟
------------
صراحه لا ادري معني المود لكن بالاطلاع علي اجابات الاخرين عرفت .انا بصفه عامه هاديء جدا لا اميل للعنف و احب الطبيعه و غزارة الحياه فيها ،،باختصار احب الحياه لكن ليست اي حياه ،احبها مثاليه ،احب ان اعيش في المدينه الفاضله التي تخيلها الكثير من الفلاسفه و كثيرا ما اتخيلها حينما انفرد بنفسي ،،اتخيلها هنا في مصر
------------------------------------------------------------------------------------------------
وقت فراغك ،،كيف تقضيه؟
------------------------
في الماضي كانت لي هوايه واحده اقضي بها اوقات فراغي دون ملل و هي الرسم ،لكن بعد ان اصبحت القراءه هي الهوايه الاهم صرت اقضي وقتي كله في القراءه ،و بعد دخولي عالم التدوين صرت اقضي وقتي ما بين القراءه و التعليق و التدوين
------------------------------------------------------------------------------------------------
الاكله المفضله؟
---------------
انا لا اناقش امي في الاكل مطلقا و هي تري في ذلك ميزه من مميزاتي ،فهي تطبخ وانا ااكل ما تصنعه دون اي اعتراضات من جانبي لكن هناك من الاطعمه ما افضله علي غيره،مثلا انا احب المكرونه البيشاميل جدا و الباميه و الفول النابت و الفول المدمس بالتقليه و اللحوم و الاسماك طبعا كثير جدا جدا لا اذكره كله
------------------------------------------------------------------------------------------------
الصفات التي اخذتها من ابي و امي؟
--------------------------------
لم ااخذ ايا من صفات ابي او امي ، و اظن انني الوحيد بين افراد البيت من فعل ذلك و لا ادري هل تم ذلك بقصد مني ام ان والدي ووالدتي لم ينتبها لوجودي و تركاني لاخوتي الكبار كمسؤلين عني منذ الصغر فلم تتح لي فرصة اتخاذ اي من صفاتهما و لا صفات ايا من اخوتي ايضا
------------------------------------------------------------------------------------------------
اكثر 6 اشياء احبها و اكثر 6 اشياء اكرهها؟
----------------------------------------
احب اشياء كثيره منها
احب ان اسمع مناغاة طفل رضيع لنفسه حينما يكتشف ان له صوت يمكن ن يسمعه
احب ان اسمع صوت كف لرضيع مع اول حبواته علي الارض
احب ان اشاهد لعب الاطفال اذا كان بلا ازعاج
احب القراءه و الرسم و السفر
احب ركوب الدراجات
احب النزهه في المنطقه الزراعيه التابعه لقريتنا فهي تشبه الغابات في بعض مناطقها من كثرة الشجر فيها
اكره اشياء كثيره منها
اكره سماع صوت بكاء الاطفال
اكره ان اشاهد طفل مشرد او قذر الهيئه
اكره كل من افسدوا ثقافتنا و زوقنا الثقافي مثل سعد الصغير و امثاله
اكره الحكومه و الحزب الوطني كله
اكره تضييع الوقت
اكره التليفزيون المصري في صورته الحاليه
------------------------------------------------------------------------------------------------
الشغل بالنسبه لك؟
-----------------
بالرغم من اني قلت اني احب الرسم و التربيه الفنيه الا اني لا احب العمل بالتدريس رغم اني مدرس تربيه فنيه لاني ببساطه لا اري اي جدوي لتدريس التربيه الفنيه بهذه الصوره العبيطه لذلك العمل يعتبر بالنسبه لي مجرد مصدر رزق لا اكثر و مصدر مضايقه يوميه لي
------------------------------------------------------------------------------------------------
الكمبيوتر والنت بالنسبه لك؟
--------------------------
خلاص !!!!صارت النت و الكمبيوتر هما اهم ادوات منزلي و معهما اقضي معظم الوقت و لم يعد في الامكان الاستغناء عنهما لانهما الان هما وسيلة الاتصال باصحابي المدونين و الذين اعتبرهم اصحابي الحقيقيين لاننا نحمل نفس الاهتمامات و الهموم،و كما يقال الطيور علي اشكاها تقع
------------------------------------------------------------------------------------------------
من سترسل لهم التاج؟
-------------------
هنا الامر صعب لان التاج وصل لكل المدونين تقريبا فلا ادري لمن سارسل التاج لكن اذكر مثلا
بنت مصريه و يارب تكون غير مشغوله
مبرمج حر و هو اول من ارسل لي تاج
زنزانه مش في المود الان فلن تجيب!!!!!!!!!!.؟
حفصه هي صاحبة التاج و اجابت عنه!!!!!!!!!؟
شهروزه خلاص اجابت عنه و هي بدورها ارسلته للجميع!!!!!!!!!!!!!!؟
جرجس مش فاضي !!!!!!!!1111؟
رشا التي تنظر الي الداخل ،ارسلت لها تاج سابق و هذا التاج ارسلته لها شهروزه!!!؟
سوسه المفروسه ؟؟؟ما اظنش لاني اعتقد انها مشغوله جدا!!!!!!!!!!!!!؟.
تواتا ؟اعتقد ان شهروزه سبقتني اليها!!!!!!!!!!!؟
------------------------------------------------------------------------------------------------
من الاخر كده !!!اللي عاوز التاج ده ياخده و يبلغني بانه اخده لاني احترت في الاختيار
------------------------------------------------------------------------------------------------

هناك ٦٠ تعليقًا:

^ H@fSS@^ يقول...

اقفل المحضر في تاريخه و وقته و وقع المذكور اعلاه ذوالنون على الاقوال و اكد انها لم تؤخذ بالقوة و انه اجاب
بمحض ارادته و دونما اللجوء للتعذيب او القهر او الاهانة
تمت


ايه يا ابني
هو انا بعتالك محضر و ساتجواب
انا بعتاهولك حاجة كده لزوم الفرفشة
خضيتني والله

و بعدين اسمك انت مش راضي تلمح عنه ليه
؟؟
خطير و مهم اوي حضرتك
طيب انا حكلف البت شهروزة بحكم قربها
منك انها تجيب اثرك و نعرف اسمك و ساعتها حاعمل بلوج مخصوص اشهر بيك
و على شهروزة
نياهاهاااا

غير معرف يقول...

يا لهووووووى
هو اسمك سر حربى للدرجة دى؟؟
اوعى يكون مخيمر
ولا بسطاويسى

والله أزعل


=======
بس تعرف طلعت حاجات كتير شركة بينا تقريبا انا وانت وزنزانة وحفصة
لكن مقريتش لسة تيجان عند رجالة تانيين علشان أحكم

بس بجد بقيت مبسوطة جدا جدا لما لقيتنا نشبة بعض كتير كدة
معقول دة كان يحصل فى العالم الحقيقى؟؟؟؟؟؟؟؟؟؟؟؟؟

مستحيل

اسمع
انت طلعت بلدياتى
ومش حادى البنت حفصة أطرك ولا حاجة
أحسن تعمللك عمل يخويا يخطفك مننا
واحنا عاوزينك
آآآآة
أنا مأستغناش عن بلديااتى أومال

حفصوصتشى حبيبتشى
هاتى ودنك كدة
حأضحك على ذو النون
وأخطف منه منديله ولا فردة شوراب من بتوعه
واجيبهملك اعرفلنا اسمه اية
خليتنى حأموووت وأعرفه

تحياااتشى يا اسمك اية

نياااهااااهاااااااا

أحمد يقول...

كده بقى هاتريك
نفس التاج لتالت مره فى يومين
بس عموما
هجاوب على التاج دلوقتى إن شاء الله

L M A R يقول...

مساء الخير عزيزي


بصراحة تحفة موضوع التاج دا
واعترافاتك جميلة
ههه


تحياتى
.العَبدِالرَحَمن

غير معرف يقول...

اللة اللة عليك يازو النون وعلى اعترافاتك اية الحلاوة دى واية البساطة دى بصراحة اسلوبك عجبنى اوى ومكنتش متوقعة انك تجاوب بالصراحة دى

غير معرف يقول...

اولا احب ابدى اعجابى بمدونتك الرائعة دى وثانيا احب احيك على اسلوبك وصراحتك بارك اللة فيك ودى اول زيارة لى فى مدونتك وان شاء اللة مش الاخيرة

غير معرف يقول...

اولا احب ابدى اعجابى بمدونتك الرائعة دى وثانيا احب احيك على اسلوبك وصراحتك بارك اللة فيك ودى اول زيارة لى فى مدونتك وان شاء اللة مش الاخيرة

غير معرف يقول...

سلام عليكم الاول وبعدين انا نفسى اعرف اسمك وهاموت واعرفة هو وحش اوى للدرجة دى بس مش مشكلة الاسم المهم الفكر والكلام بصراحة اعترافاتك حلوة اوى وانت كمان صريح اوى على العموم مدونتك رائعة واسلوبك كمان سهل بس بردة نفسى اعرف اسمك سلالالالالالالالالالامويارب يمون اسمك حلو

غير معرف يقول...

اية الحلاوة دى اية الاعترافات الصريحة دى رفعت راسنا يابنى بس اسمك مش وحش اوى للدرجة دى هو وحش اة بس مش اوى
تحياتى ويارب الى الامام

غير معرف يقول...

اية الحلاوة دى اية الاعترافات الصريحة دى رفعت راسنا يابنى بس اسمك مش وحش اوى للدرجة دى هو وحش اة بس مش اوى
تحياتى ويارب الى الامام

غير معرف يقول...

اية الحلاوة دى اية الاعترافات الصريحة دى رفعت راسنا يابنى بس اسمك مش وحش اوى للدرجة دى هو وحش اة بس مش اوى
تحياتى ويارب الى الامام

أحمد يقول...

تمت الأجابه بسلام على التاج

samvet يقول...

انا مصمم اعرف اسمك بقة قول واعترف؟
بص قولى ومش هقول لحد

قول سرك ف بير
تحياتى استمعت بقراءة تاجك

zenzana يقول...

ذو النون يا شهروزة يا جماعة انا عملت التاج بتاع ذو النون
شهروزة ممكن اسرق حاجة بدل الشراب
او المنديل؟
بس انا مكسوفة اقول
عسان عيب
ممكن
اخد
الجلابية
اعمل عليها انا عمل
انا مش عارفة استعمل البتاع دا اللي علي يمين المدونة
صعيدية معلش
بقولك انت شبهب شوية يا ذو النون متعرفش اني من المفترض ابقي مدرسة تاريخ
بس متقطش اكتر من يومين
طفشط وسبت العيال
بما اني كنت اوزعا والعيال اطول مني

^ H@fSS@^ يقول...

ايه ده !!!؟
هو فيه ذو النون المصري بالعربي و ذي النون المصري بالانجليزي!!!؟؟
بتفكروني بقصص الف ليلة و ليلة و بالذات بقصة عبدالله البحري و عبدالله البري

يعني انت يا ذو النون المصري بالعربي اللي عامل المدونة للاخ التاني و مع ذلك اخترت اسم زي اسمك ؟؟؟
طيب كنت اخترت اسم زي مثلا شمهورش او ذو القرنين او كده يعني
على العموم حصل خير

الاخ ذي النون المصري بالانجليزي
معلش اسمح لي يا اخي
متعاتبتش على الاخ ذوالنون المصري بالعربي
ساعات الواحد بتكون الاسماء قدام عنيه و برضو بينسى و على العموم هو ذكر ان اللي يحب يرد على الاسئلة يتفضل و خليني اقلك على حاجة عشان متكونش معتمد على حد في التدوين
محدش فينا دخل التدوين في البداية وكان عارف اشخاص تانيين
انا عن نفسي اتعرفت على امي هنا و مكنتش اعرفها
و كله بيجي خطوة خطوة
فانت مثلا لما تخش تعلق عند ذو النون المصري بالعربي حتبص تلاقي مدونيين تانيين معلقين
انت بقى روح عندهم
اقرا
عجبك الحال علق
معجبكش متعلقش
و حتبص تلاقي مرة على مرة اتعرفت على ناس و اكتشتف ناس و هكذا دواليك او دواليا
و عن نفسي حستنى لما حضرتك تجاوب على الاسئلة و اجي اشوف ردودك ايه و لك عندي زيارة
و انا زيارتي بركة يعني اخش البلوج من هنا يتملي زوار و معلقين من هنا
بس

تحياتي
ta7iyati

^ H@fSS@^ يقول...

احب اضيف حاجة تانيةيا اخ زي النون المصري بالانجليزي
حضرتك مانه التعليقات من اصله عندك
طيب ازاي متوقع انك تتعرف على مدونيين تانيين و انت مش مديهم فرصة للتعليق و فتح المناقشات؟؟؟
يا ريت لو حضرتك تحل المشكلة دي عشان نعرف نعلق عندك

سلام

zenzana يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
ذو النون بالعربي او العنجليزي
حفصة انا مسخسخخخخخخخخخخخة
ذو النون ضاقت بيك مش لاقي اسامي؟
انت لسه بتقع مننا ف الترعة طب هسيبك تغرق

غير معرف يقول...

مش عارفة ليه كان دايما عندي احساس انك مدرس لغة عربية
:) يمكن لاني باحب اسلوبك في السرد و لغتك ماشاء الله

بس فعلا كل مواليد برج الجوزاء لازم يكون ليهم علاقة بالفن
و اهو..الرسم و القراءة ماشاء الله

كالعادة ..احييك علي اسلوبك ماشاء الله
:)

تحياتي

غير معرف يقول...

هههههههههههههه
انجليزى دة يا مرسى؟؟

هى دى نتيجة العولمة وأخطارها
الراجل نسى اسمه بالعربى وكتبه بالعنجليزى

منه لله التدوين
بيلحس المخ فعلاااا

بقا يا ربى مش قادرين على نون واحد ووبالعربى

ينط لنا نون تانى وبالانجليزى؟؟
ومتحفظ كمان وبيقول أخى الفاضل وأبجدهوز؟؟؟

لاء ماليكش حق
خللى البساط احمدى
خد راحتك



ذو النون بالعربى بتاعنا
مش واخد بالك من حاجة؟؟
حصل احتلال للتعليقات من المدعوة حفصوتشا والزنزانة ولحقت بهم شهروزة؟؟؟؟؟؟؟

عليك العوض يا ابنى

غير معرف يقول...

حفصه ام مصطفي
الاعترافات دي كانت محضر في الشرطه التدوينيه و ياريت تتكرر لاني بحب افتكر زكرياتي القديمه و بحب اجلس علي كرسي الاعتراف او سرير الطبيب النفسي اللي هو انتم طبعا
انا كنت سعيد بالفضفضه و سعيد اكتر انها اسعدتكم
خالص تحياتي

ذو النون المصري يقول...

شهروزه الغاليه بلديتي
اسمي مش سر حربي و لا حاجه و كمان ابشرك بشاره ساره جدا جدا جدا
اسمي مهوش مخيمر و لا بسطويسي هو احسن من كدا شويه و الحمد لله هو بس اسم عمي و فيه حاجات كتير بيننا نحن المدونين عامة اعتقد انها متشابهه لان لجوءنا للتدوين اعتقد انه كان لاسباب نفسيه و فكريه متشابهه لذلك من السهل ان تجدي تشابهات اخري
لكي تحياتي

ذو النون المصري يقول...

مبرمج حر
يللا يا عم جاوب انا في انتظار القراءه و المتعه بحكاياتك لاني قريت بالطبع حكاياتك السريه في التاج الاول
لك تحياتي

ذو النون المصري يقول...

العبد الرحمن
انا مسرور جدا بزيارتك
لك مني خالص الود والتقدير و المحبه

ذو النون المصري يقول...

مجهول 1
اشكرك علي زيارتك و ياريت متكونش الاخيره
لك تحياتي

ذو النون المصري يقول...

زائر 2 3
بلاش مجهول دي
انا سعيد بوجودك و اعجابك بمدونتي و ارجو ان لا تكون هذه الزياره الاخيره لك
تقبل تحياتي

ذو النون المصري يقول...

زائر 4 انا اسمي مهوش مشكله للدرجه دي انا بس اسلوبي يبدو انه كبر الحكايه لكن كما قلت الاسم مش مهم
سعدت بزيارتك و تقبل تحياتي

ذو النون المصري يقول...

مني
ابقي اضغطي مره واحده بس علي الببليش لانه مهوش جرس
متشكر علي مشاركتك في التعليقات و تابعي مدونتي تجدي ما يسرك دائما ان شاء الله
تقبلي تحياتي

ذو النون المصري يقول...

مبرمج حر
خلاص يا سيدي هارد علي التعليقات و ازورك فورا
لك تحياتي

ذو النون المصري يقول...

منصوراوي
خليها ذو النون المصري و خلاص
متابع مدونتك و بعلق علي موضوعاتك و سعيد جدا بها و بزيارتك
تقبل تحياتي

ذو النون المصري يقول...

زنزانه
يا بنتي انا مينفعش معايا الحركات بتاعتك انتي و حفصه و شهروزه دي
انا يتعملي عمل؟
قال يعملوالي عمل قال؟؟؟؟ههههه عمل مين دا ياماما؟دا و لا اي جني يعرف يفكر بس انه يعمل حاجه زي دي معايا
الجن الازرق بس هوا اللي ممكن يديكوا نتيجه ايجابيه
بقول ممكن يعني مش اكيد
و انا فعلا باستغرب !!!انتي اشتغلتي مدرسه ؟؟؟؟؟؟؟؟و كمان تاريخ؟؟؟؟؟؟
و كان فين العمل اوعي يكون في الصعيد
انا العيال اللي بدرس لهم مش عاديين زي اللي في اي مدرسه لا انا بدرس لتلاميذ بريين لسه متمش استئناسهم
ههههههههههههههه
قال يومين قال
و عاوزه تعملي لي عمل!!!!!!!!!؟
ههههههههههههه

ذو النون المصري يقول...

ذي النون المصري الانجليزي
يا سيدي انا والله نسيك تماما اثناء اعدادي للتاج لكن انا قلت التاج للجميع
اما عن الاندماج هذا يتم بالمشاركه في مجتمع المدونين لا بالاشراك من طرف اخر
حلوه الاشراك دي
ههههههههههههه
هل هي توجب قيام الحد ام ماذا؟
هههههههههههه

ذو النون المصري يقول...

حفصه
انا كنت عامل البلوج ده لنفسي في الاول لكنه ضاع مني و لما طلب الزميل العزيز مدونه مني كنت استرجعتها مره اخري فاعطيتها له لكن بلا اعادة اعدادات فظلت محتفظه بالاسم القديم دون درايه مني لكن هنصلح الحال قريبا و هيكون اسمها ابن الازهر
بالنسبه للتعليقات يا عم ازهري حفصه وضحت لك الامر كله
هههههههههههه
بتقول لك انها عرفت امها هنا
هههههههههههههههه
سلام

ذو النون المصري يقول...

حفصه تاني
شفتي اهو نفس الغلط اللي نبهتيني اليه هو نفسه في المدونه القديمه
فاكره لما قولتيلي في الكومينت رقم تمانيه او تسعه اكيد انت عاملها يس خليها نووو
اكيد هي دي نفس المشكله
لانها ببساطه انتاج نفس العقل
خلاص هصلح المشكله قريبا

ذو النون المصري يقول...

زنزانه
انا يا ستي لسه بقع في الترعه و باغرق في شبر ميه و مقدرش اعيش في المتاهات التدوينيه دي من غير دعم
هما رفعوا الدعم اه
بس احنا زملاء يعني لازم يكون عندكم
دعم
هههههههههههههههههههه

ذو النون المصري يقول...

epitaph
انا سعيد جدا بكلامك انا مدرس تربيه فنيه و الاسم الشعبي لوظيفتي مدرس رسم
لكن بحب القراءه في الادب جدا جدا جدا
هي واحده من متع الدنيا بالنسبه لي
تقبلي تحياتي

ذو النون المصري يقول...

شهروزه بلدياتي
اهو اتنين واحد عربي وواحد انجليزي بينفعوا وقت الزنقه
الانجليزي ممكن اطلع بيه جواز سفر لبلاد العم سام و التاني اسيبه هنا
هتجوز بنت اجنبيه بواحد و التاني اتجوز بيه مصريه مش ينفعوا برضه في الحاجات دي
طب مينفعش اتجوز بنت من جنوب شق اسيا بيهم الاتنين
انا بحب بتوع شرق اسيا
ها
قوليلي الله يخليكي
ينفع و للا لا

ذو النون المصري يقول...

الرد الاول مني
لاني نسيت اكتب الاسم و الباس وورد
هذا للعلم
للجميع تحياتي

hosnysoliman يقول...

الاخ العزيز ذو النون..واضح انك راجل بس جواك طفل جميل ودى احلى حاجه فيك..انتى على فكره اكبر منى بيوم..انا مواليد 2/ 6

^ H@fSS@^ يقول...

يبقى اسمك السيد او البلتاجي او فتح الباب
و ممكن كمان

الحسيني او زينهم
او عوكل

مدبولي طيب؟؟
ايه رايك في يونس
من زو النون يعني

طيب نوح؟؟
الخولي فرج الله؟؟؟
مسعد ابو الحسن؟؟
جمعة ؟؟
طيب سبت و لا حد؟؟
حغنيلك زي المرحوم مدبولي في فلم مش عارفة اسمه ايه لما قعد يغني للحصان يقله تبسم،و النبي تبسم
انا بقى حقلك تكلم و النبي تكلم
و لا اقلك بلاش احلفك بالنبي لحسن متكونش فعلا تقدر تقول اسمك و النبي يزعل منك
بلاش حلفتك النبي
بس وحياة العيش و الحلاوة و اعياد ميلاد مدوناتنا التوائم باللات و العزى مش عزة خد بالك
قول اسمك قووووووووول


اخر تخمين
متقال؟؟

غير معرف يقول...

هو ينفع انك تتجوز مزة اسيوية
بس روح طلع جواز سفر اسيوى
عنية ضيقة ووشه أصفر وشعره سايح ونايح على عينه كدة


وسمى نفسك
ذو النون يون تشاو تينج

واتكل على الله وافتحها منظمة أمم متحدة

نيااهاااهااااااا

zenzana يقول...

يا جماعة انتوا مهتمين ليه بالاسم المسألة سيان، بخيت او عديلة مش مهم
علي فكرة يا حفصة شكلك كدة محضرة له عروسة عشان كدة مصرة انك تعرفي

ذو النون الجواز غلي يا بابا اليومين دول، يعني متفتحهاش ع البحري والنبي، ثم انت زي القرع تمد لبره عندك كام مزة في المدونة دلوقتي؟
وكلهم ما شاء الله هو دا الدعم بين المدونيين؟
ولا هي عقدة خواجة؟
انت تلاقي اخرك ماسكة ايد و شايفة القمر يا ليلي
وتلاقي اسمك سبع الرجال
لكن انا هسميك مستر اكس

ذو النون المصري يقول...

الفنان الكبير الاستاذ /حسني سليمان
انا مبسوط جدا برايك و سعيد جدا بيه
و حلوه حكاية اني اكبر منك بيومين
ههههههه
ظريفه و دمها خفيف
لك تحياتي

ذو النون المصري يقول...

حفصه
السيد و فتح الباب و زينهم ز الخولي فرج الله
يا خبر دماغك راحت لبعيد قوي قوي
اسمي اخف من دول لكنه لا يحمل معني واضح
و كمان متقال
لا لا لا
مش كده خالص

ذو النون المصري يقول...

شهروزه
ذو النون يون تشاو تينج
دي اخر نكته تطلع في اسمي لحد الان
يعني مش كفايه الاسم الاساسي لا عاوزه تطلعي في اسمي الجديد كمان نكت
هههههههههههههههههه
و جواز السفر ابو عيون ضيقه ده يطلع ازاي ؟هنا المشكله
المشكله التانيه اني مش هلاقي واحده اسيويه ترضي و اجيبها اصلا منين
لو عندك مزه ياباني او صيني او تايواني او حتي هندي انا موافق
بس هاتيها

ذو النون المصري يقول...

زنزانه
انا اخرتي اقل من مسكة ايد و الله
انتي لو تعرفي اللي بيحصل لما اشوف البنت اياها او لما كلمتها اول مره
اههههههههههههههه
يا لهويييييييييييييي
او لما اشوف واحده حلوه و خلاص حتي لو ما اعرفهاش
ممممممممممممممممممممممممم
سلام يا اختي لا اقر و اعترف انا مش ناقص اعترافات
لما يكون عندكم تاج جديد ابعتوه و انا اقر و اتكلم براحتي
اما مستر اكس ماشي
بس ذو النون احسن

ذو النون المصري يقول...

الجميع
ياريت تعرفوني ايه اصل المشكله دي؟
انا من تلات ارع ايام مش عارف ادخل المدونه
الاسم و الباسوورد فاكرهم لكن المدونه مبتفتحش مش عارف ليه
ياريت من مر بهذه التجربه يبلغني هو عمل ايه

^ H@fSS@^ يقول...

بص يا زوالنون يا خويا
انا اقلك تعمل ايه
ان امن شهر لما حصل معايا اللي حصل
و جيت اشتكي للبلوجر اني مش عارفة ادخل قامو بعتولي كلمة سر جديدة
استخدمتها
حلو اوي
و هوب اسكالوب
بلوجي طااااااااااااااار
فانت قبل ما تعمل معاهم اي خطوة
امسك دلوقتي كل مقالاتك و افتح عليها واحد واحد و احفظها في المفضلات اللي هي الفافوريت يعني و احتفظ بيهم كرابط
و بعددين ابقى اعمشي معاهم خطوة خطوة بحيث اذا اتمسحت بلوجك القديم يبقى عندك روابط للحاجات القديمة و تعرف تنشرها تاني وميحصلكش زي اللي حصل لي

الحل التاني و البسيط انك تستعين بالحاج جرجس و تتفاهمو مع بعض و ممكن تبقى تديله كلمة السر بتاعتك و هو يكحرطلك الموضوع كله

و حظ سعيد مع الدعء لمدونتكم بالبقاء

سلام

frozen love يقول...

تاج البلوجات كلهااا...بجد عجبني جدا...واجاباتك حلوة قوي

ذو النون المصري يقول...

حفصه
خلاص البلوج اتفتح الظاهر ان التحميل كان ضعيف الحمد لله

ذو النون المصري يقول...

frozen love
اشكرك جدا علي زيارتك
و اتمني لك كل التوفيق
لك مني خالص التحيات

غير معرف يقول...

روح يا شيخ
أدعى عليك باية؟؟
بقا بتسألنى على عروسة تصنيع الخارج؟؟
وأنا هنا اهوو
بلديااتك يا مفترى؟؟؟؟؟؟

ضحكت علينا راندااا
وهى بس يا دوب بتقولك المدونة مليانة مزز
أوماااال لما تعرف انى بلدياتك وبتسألنى كماااان على مززة

روح
منك للى فوق

أعاااااااااااااااا

مُزمُز يقول...

ههههه

أولا التاج اللي فات عجبني جدااااااا وخصوصا حكاية النجمة دي
هههه
بجد حكاية موحية جدا جدا جدا
تصدق تنفع تستغل في أي عمل فني
هههه

ثانيا ليه الإجابات الرسمية دي؟

يعني زي ما حفصة بتقول كده الموضوع ده معمول للهرتلة بس مش أكتر مع إنه برضه مفيد

عموما شكرا على إنك افتكرتني التاج اللي فات مع إني كنت عملته زي ما انت عارف

صحيح

إنت كنت سألتني عن لينكات للوحات الفنية وكده

مبدأيا كده خد الموقع ده وأنا عندي عموما أكتر من تلاتين لينك كلهم للفن التشكيلي لو حبيت

www.abcgallery.com


أي خدمة
مع السلامة

hosnysoliman يقول...

الاخ الحبيب ذو النون..واضح انك عامل ضجه باسمك ..كده كويس بس انا مش مصدق ان مفيش ولا واحد فيهم يعرف اسمك..انا كنت فاكر ان كلهم عارفين اسمك زي ما تخفش مش حاقول لحد..على فكره انا علقت على البلوج ده بس مش عارف راح فين؟
وكمان انا الحقيقه عجبنى اسلوبك فى الرد على اسئلة التاجين واضح خفة دمك بالاضافة الى انى اكشفت انك رجل جواه قلب طفل ده مدح طبعا مش ذم..اخيرا انت فين باقالك مده مقاطع البلوج بتاعى وحشنى تعليقك..

ذو النون المصري يقول...

شهروزه
انا لسه مش عارف اعمل ايه في المزز دول كلهم
انا كنت عاوز واحده بس
و شرطها تكون من جنوب شرق اسيا
و بلدياتنا هنعزمهم علي الفرح و مش هنعزم حد غيرهم
ايه رايك بقا

ذو النون المصري يقول...

مزمز
انا حكاية النجمه دي فعلا هي واحده من اهم الحاجات اللي باحبها في حياتي
اللينك انا سعيد جدا بانك ارسلته لي و اشكرك انك لسه فاكرني
لك تحياتي و شكري

ذو النون المصري يقول...

استاذي الفنان الكبير /حسني سليمان
انا رديت علي تعليق حضرتك الاولاني و هو مراحش بعيد ولا حاجه هو موجود
بالنسبه لكلماتك عني انا سعيد جدا برايك
اما عن غيابي عن التعليق علي اللوحات فانا متضرر جدا من غيابي و حزنت ان فيه بوست فاتني لكن و الله انا في غاية الانشغال
و البلوج بتاعي عامل مشاكل مش قادر احلها حاليا
انهارده هيكون التعليق صعب لكن وعد في الصباح اكون كاتب تعليقات علي اللوحات كلها باذن الله
و يارب ميكون فيه اي غيبه تانيه
لك مني خالص التحيات و التقدير

ذو النون المصري يقول...

blogs 4 arab
انشاء الله اكون عندك قريبا في مدونتك و مبروك علي المدونه
و اشكرك علي دعوتك الكريمه

ذو النون المصري يقول...

علي فكره يا جماعه للي لسه ميعرفش اسمي انا اسمي الشناوي محمد
هذا للعلم لان اسمي و عدم افصاحي به عمل هليله و كبر الموضوع من غير قصدي

القيصر يقول...

يا استاذ شناوى اسمك مفيهوش عيب يعنى علشان مش تقوله بس المهم ان انت عملك رائع جدا فى مدونتك ونتنمنى تشريفكم وزيارتكم لمدونتى
وشكرا
القيصر/

ذو النون المصري يقول...

القيصر
اشكرك و ان شاء المولي هزورك في مدونتك قريبا
لك مني خالص التحيات