الخميس، فبراير ٠١، ٢٠٠٧

تاج من مبرمج حر

وصلني تاج من مبرمج حر مضمونه ان اذكر في حياتك خمس اشياء لا يعرفها احد غيرك ،و في الحقيقه هذا التاج هو اول تاج يصلني علي مدونتي ،وهو بحد ذاته ورطه !!لاني كي اذكر خمس اشياء لا يعرفها احد غيري معناه انها اسرار قديمه يجب افشاؤها الان ،لكن كانت هناك مشكله !!كيف اذكر اشياء يمه لا يعرفهااحد غيري و كيف اعرف انها لا يعرفها غيري ؟في النهايه توكلت علي الله و قررت ان اكتب ما اتذكره و للعجب فقد تذكرت اشياء كثيره لكن ليست كلها مما لا يعرفه غيري لكنها تفي بالمطلوب
--------------------------------------------------------------------------
في الصف الاول الابتدائي
-----------------------
كنت صغير لا احمل مصروفات المدرسه بنفسي فارسل والدي ابن عم لي كي يدفعها و يدخلني فصلي ،لكن بسلامته دخلني فصل 1/1 بدلا من 1/3 الذي انا احد تلاميذه و دفع مصاريفي هناك للابله ثريه و كانت ابلتي اسمها امال ،المهم ان البقاء في 1/1اعجبني و كان اغلبه بنات و قريبه لي اجلستني معها في الدكه مع بنتين اخريين معها و في يوم الابله ثريه انتبهت لوجودي كتلميذ غريب عن الفصل و عرفتها بفصلي و كنت قد بقيت عندها قرابة 3 اسابيع ،و حينما عدت الي فصلي الاساسي طلبت مني الابله امال المصاريف باعتباري لم ادفع فعرفتها انني كنت في الفتره الماضيه في فصل اخر و دفعت هناك فارسلتني كي اخذ منها المصروفات و احضرها لها لكن الابله ثريه نفت ان تكون استلمت مصروفاتي من اي احد فعدت الي الابله امال و قلت لها هي اعطتهم للناظر و ريحت نافوخي منهن
------------------------------------------------------------------------------------------------
في الصف الاول الابتدائي ايضا
----------------------------
كان لي صديق معي في نفس الدكه اسمه باسم صغير الحجم بصوره واضحه و نحيف ،كان ولد لبط،في يوم كان معه قطعة كريستال علي هيئة نجمه و بكلامه و اللبط و صغر عقلي اقنعني ان والده اتاه بها و انها كانت نجمه حقيقيه في السماء فصدقت!!!!!و طبعا بسبب الفضول طلبت ان العب بها معه و طلبتها بعد ذلك لي ،فورفق علي ان اعطيه في مقابلها خمس اقلام رصاص و كان عندي اقلام مستعمله اقل من العدد المطلوب فاكملت العدد و اعطيته و اخذت النجمه و في ظني انني كسبان !!!طبعا معي نجمه من مثلي الان؟؟؟؟
المهم لعبت بالنجمه طول اليوم اقذفها بعيدا في السماء و الصغار من اترابي يجرون معي لالتقاطها بعد ان اقنعتهم انا ايضا باصلها !!!و في احدي مرات القذف لاعلي لم نراها بعدها ابدا و ظن بعضنا انها لم تسقط اصلا علي الارض ،و كنت حزينا اشد الحزن علي فقدان النجمه
--------------------------------------------------------------------------
في الصف الثاني الابتدائي
-----------------------
كان عندنا كتاب اسمه المعلومات و الانشطه في الفصل اخبرني صديق غير مقرب اسمه السيد بان محمد قد سرقه و انا متاكد انه لم يسرقلكن اكتشفت فعلا انه مسروق فاخذت احد اقربائي من التلاميذ و شكلنا فرقة بحث جنائي للبحث عن محمد الحرامي ووجدناه لكنه اكد انه ليس هو بل السيد !!!فذهبنا للسيد الذي اكد انه محمد و ليس هو و بصراحه كنا واثقين فيمن بلغ و هو السيد
و شكنا كان محصورا في محمد،بعد مده شهر من البحث ذهبنا لهما و فتحنا ششنطتيهما ووجدنا علامه في كتاب السيد هي كلمه كتبتها بيدي في الكتاب لازلت اذكر نصها هي كل سنه و انت طيب يا مصطفي و مصطفي هذا هو اخي الاكبر و كنا قد كتبنا جميعا رسالة تهنئه للاخ الاكبر لمناسبه لا اذكرها بناءا علي طلب الابله في الفصل و كان ما كتبته هو دليل اثبات نسب الكتاب لي
------------------------------------------------------------------------------------------------
في الصف الخامس الابتدائي
--------------------------------
كنا نكنس الفصول بالتناوب و كنت نجوي ابراهيم تكنس مع اخريات ،فذهبت كالعاده كي اضع حقيبتي في الفصل ،وبعد مشادات اطفال مع الزملاء في الفصل اخذت بيدي نجوي الي الخارج مع الدفع منها والجري مني فاصطدمت في حادث سير مؤلم بتلميذ اسمه عمر فاصبت انفه بنزيف و علامه لازالت موجوده في وجهه للان و اصبت انا بسبب السقوط بكسر في سني الامامي كسرا طوليا و نزيف في الانف ايضا ،و هذه العلامات في وجهي ووجهه لازالت باقيه رغم مرور اكثر من عشرين عاما عليها الان و كلما قابلته اشرت الي انفي فيضحك من قلبه و اضحك من قلبي و اصبحنا صديقين انا و هو
------------------------------------------------------------------------------------------------
في الصف الخامس الابتدائي
-------------------------
كنا ندرس بعض المعلومات عن الوقود كالفحم و غيره و ان الفحم كان اشجارا احترقت و دفنت في الارض فتحولت بمرور الزمن الي صخور تشتعل نارا تسمي الفحم الحجري،و كان لي زميل اسمه محمد نوفل و رامي هلال و اخرون ممن يحبون التجارب وقررنا ان ندفن قطعة خشب محروق في الارض كي نحصل علي فحم حجري،ووجدنا ضالتنا في بميل الزباله في المدرسه ،،،كان فيه خشب دكك قديمه محروق فاخذنا منه قطعه و دفناها بجوار حائط خلف ورش المدرسه و اتفقنا بعد دفن الخشبه ان نخرجها بعد نهاية العام لكننا لم نصبر و اخرجناها بعد حوالي ثلاث اسابيع فقط و في خيالنا اننا فعلا حولناها الي فحم و رغبنا بعد ذلك ان نحفر علي عمق اكبر كان نحفر لثلاث امتار مثلا حتي نحول الخشب الي بترول
لكننا لم نفعل
------------------------------------------------------------------------------------------------
الان انتهيت من تذكر خمس اشياء و في الحقيقه كانت الايام الماضيه ذهني فيها مشغول بشده لاني حاولت ان اتذكر الكثير و فعلا تذكرت اشياء اخري ،و انا سعيد جدا بهذه التجربه مع اول تاج ياتيني علي المدونه
هناك كثيرين يجب ان يشاركوا في هذه التجربه و ينشطوا اذهانهم و يبحثوا في مخازن الذاكره القديمه التي عشش فيها عنكبوت الزمن ،لانها يجب ان تنظف من ان لاخر و هذه فرصة نظافه جيده من مميزاتها انها نظافه لمره واحده لان ما سنتذكره لن ننساه بعد اليوم ابدا لانه سيصبح مسجلا في العالم الجديد عالم الفضاء المعلوماتي،صحيح الدنيا صارت غريبه جدا
من سارسل لهم هذا التاج؟
اولا /حفصه ام مصطفي
لانها اولا من اصدقاء مدونتي بخلاف انها ارسلت لي ثاني تاج في حياتي التدوينيه و لم اجب عنه بعد
ثانيا/راندا صاحبة الزنزانه
اكيد عندها زكريات جيده عن حياتها ممكن تمتعنا و قراء مدونتها بها
ثالثا/رشا التي تنظر الي الداخل
نظراتها للداخل وحدها كفيله بان تعطينا رؤيه عن ذواتنا لانها تتحدث عن الانسان و همومه بصوره عامه في اطار الصوره الخاصه
رابعا/توتا المفكره المتامله
لانها بتاملاتها قد تنفعنا و تفيدنا من ذكرياتها الخاصه
خامسا/مزمز صاحب كهف النشوه
فربما يخرج من كهفه ما ننتشي به معه
------------------------------------------------------------------------------------------------
و اخيرا فانا كنت سعيد جدا بهذه الجوله في ثنايا الذاكره و اسعدني انني كنت احتفظ بالكثير من ذكرياتي و سعيد اكثر
بانني قد حفظتها للابد

هناك ٣٤ تعليقًا:

غير معرف يقول...

دخلت في دهاليز ذكرياتك الجميلة البريئة
و اللي استمتعت بيه اكتر اسلوبك في السرد

:)

تحياتي

tota يقول...

ذو النون الجميل
ليس كل من يملك ان يحفر فى ذاكرته ليعيد منها ما نساه عبر سنين عمره
ومن يملك ذلك ويستطيع فى نفس ذات الوقت ان يذكره باسلوب شيق وجميل كما فعلت فجعلتنا نشعر معك بمتعة ما كنت تشعر به هم قلة
اشكرك على التاج واظن انى احتاج لوقت طويل لكى اخرج ما فى الاعماق ولو انه صعب جدا
لكن اعدك انى سوف احاول

تحياتى

أحمد يقول...

كعادتك دائما
بأسلوبك الممتع فى الكتابه العاشق للدقه

تحياتى لك يا ذا النون

^ H@fSS@^ يقول...

يخيبك يا ذوالنون
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

بقى كونت جماعة بحث و تحري
و برضو قعدتوا شهر مش عارفين مين اللي اخد الكتاب

يا خي موتني من الضحك

و بعدين ذكرياتك كلها على بعضها تجنن

روح يا شيخ ضحكتني

و شكرا على تمريرك التاج ليا
و ان شاء الله حرد عليه في اقرب فرصة

abourrisha يقول...

ذو النون ...

لقد لعبت معك بالنجمة وحزنت لفقدها واشتركت مع فريق البحث وحفرت في الأرض بحثا عن الفحم الحجري

ما أجمل الذكريات وما أجمل الطفولة

شكرا أيها الصديق

L M A R يقول...

ماشاء الله ياذوالنون
زاكرتك جميلة


تحياتى
.العَبدِالرَحَمن

kaed يقول...

على فكرة أنا فكرة الفحم دى عدت عليا بس معملتهاش زيك الظاهر إن إحنا كنا أطفال أذكياءجدا

ذو النون المصري يقول...

ebitaph
اشكرك علي كلامك الجميل و علي زيارتك الطيبه و لتي اعتقد انها الاولي و يارب دايما انشاء الله

ذو النون المصري يقول...

توتا
اشكرك اولا علي اطرائك و مديحك لي
وثانيا علي قبولك التاج مني و انا سعيد جدا ان ذكرياتي اعجبتك
تحياتي

ذو النون المصري يقول...

مبرمج حر
يا سيدي هذا بعض ما عندكم
اشكرك جدا علي التاج و علي الزياره
تحياتي

ذو النون المصري يقول...

حفصه ام مصطفي
ايوه و الله قرابة شهر نبحث عن الكتاب و من اخذه و كانت عمليه غبيه فعلا
لكن نعمل ايه !!!كنا صغار
انا سعيد جدا ان ذكرياتي اضحكتك و اعجبتك
و سعيد اكثر انك قبلتي التاج
ارجو ان تتذكري جيدا ما يمكن ان يمثل ايام و ذكريات سعيده لكي و للقراء
تحياتي

ذو النون المصري يقول...

الجبرتي/ابو ريشه
انا في غاية السعاده ان ذكرياتي اثارت كل هذا الشجن و الشوق الي ايام الطفوله عندك و ارجو ان تكون كتاباتي مما يحوز اعجابك دائما و اشكرك علي الزياره
تحياتي

ذو النون المصري يقول...

العبد الرحمن
شرفتني جدا زيارتك لي و ان ذكرياتي اعجبتك و ارجو ان تكون مدونتي من المدونات المفضله عندك
تحياتي

ذو النون المصري يقول...

قائد
فعلا كنا اطفال اذكياء جدا و كنا محبين للعلم جدا لكن نظامنا التعليمي قتل فينا حب العلم و المعرفه للاسف الشديد
سمعت ان اطفال مصر حتي سن الخامسه هم الاذكي في العالم لكن بعد انضمامهم للنظام التعليمي يبداوا في الانحدار
لك تحياتي و شكرا جدا علي الزياره

-_- يقول...

حلوة اوي فكرة التاج دي .. اسجل اعجابي بالمدونة

ذو النون المصري يقول...

شارم
اشكرك علي مرورك علي مدونتي و سعيد انها اعجبتك

غير معرف يقول...

بما اني استندلت و مردتش ع التاج
فأنا عندي حكايات مدرسية تموت
لكن لو بتسأل ع الاسرار اللى محدش يعرفها عني؟ في سر ابويا مستعد يدفع اللي باقي من عمره ويعرفه
يلا بقي بما انه مش متابع مدونات وميعرفش اني عندي زنزانة هقولكم الفضيحة
ابويا نفسه يعرف ازاي طلعت جواز سفر و انا تحت السن القانوني ومن غير موافقة ولي الامر
ههههههه بما اني كان نفسي اسافر، جات الفرصة اني اسافر لدولة عربية وانا عندي 18سنة، امي رفضت خصوصا ان الدولة كانت العراق (نعم يا ختى ملقيتش غير العراق؟ )تلاكيك اشتري استمارات جواز السفر مرتين وتتقطع وتترمي في خلقتي من امي واخويا الكبير
في المرة التالتة قلت اشغل الطاسة لطشط بطاقة ابويا الشخصية القديمة و ضربت امضته بالموافقة تمام؟
روحت علي مجمع التحرير قدمت الطلب وبعدين قالوا لي ادخليمع بابا عند البيه الظبوط الكبير عشان يلطع ختم النسر، دخلت لوحدي لان مفيش بابا ولا ماما، فالبيه الظبوط كان زي الشربات، قالي ايه دا انتى رايحة رحلة؟
انا ابتسمت وعملت عبده الاهطل وقلت ايوة يا عمو ههههههه
قالي بابا فين؟ تنحت راح رمي عينه عند الباب بتاع الاوضة لاقي ايه؟ عمو تاني ابتسموا لبعض، الظبوط افتكر انه بابا و هوب لطع لي الختم ابو نسر وعصفورة هههههه
وطوالي ع الشباك رجعت الطلب وتاني يوم اخدت الباسبور
ههههه ابويا بقي نفسه يعرف اوعي تروح تسيح
مش عرفة اعلق باليوزر نيم بتاعي

زنزانة

ذو النون المصري يقول...

يخرب عقلك يا زنزانه انتي طلعتي قادره للدرجه دي؟
تطلعي باسبور من ورا الوالد و العيله و في سن 18 سنه و كمان علشان تسافري العراق!!!!!!!!!!!؟
انا فعلا معجب بنشاطك و جراتك و اصرارك علي فعل ما تفكري فيه
فعلا انتي بنت مصريه بجد و علي فكره النمط بتاعك ده انا معجب بيه بشده
و الله برافو عليكي
اهو كده الواحد لازم يتنازل شويه عن اهله و يعيش كما يحب و يجرب و يغلط
كده نتعلم صح
لكي مني خالص التحيات و التقدير

غير معرف يقول...

طب امتي يا فالح هطلع باسبور وتسيب مامتك وتنزل القاهرة ؟ ليك عليا اول ما تقرر لاعزمك على مقادم غنم عند العهد الجديد في الحسين، يا ريت بسرعة قبل ما اشحت على نهاية الاسبوع.

بمناسبة السفر اقولك موقف تاني بس دا مش سر، انا سافرت ما بين المانيا والنمسا مرتين من غير تصريح الاقامة حتى لما اتقبض عليا سبت الظابط الخيبة وسافرت زي ما انا عاوزة
ههههههههه

زنزانة

علا من غزة يقول...



السلام عليكم

على فكرة دي مش اول زيارة ليا وقرأت لك تعليقات كتير في اماكن تانيى لكن تستحق عليها الاشادة

ما احلانا لما كنا اطفال ,, على طول يتدحك علينا وكنا مصدقين ان الدنيا حلوة ما فيهاش غير الالعاب والشوكولاتة

عجبتني حكاية النجمة ,, انا لو مكانك كنت افتكرت زيك كدة ان النجمة من كتر ما اتلعب فيها حبت تسترجع مكانها الاصلي فوووق ,, بعيدا عن ايدين شوية عيال مش عارفين قيمتها :p تحياتي من غزة

^ H@fSS@^ يقول...

يا خرابي عليكي يا زنزانتي
جواز سفر حتة واحدة؟؟؟

بصي هو انا زورت تواقيع بس كانت لتصريح دخول عربية للجامعة
موافقة ولي امر على رحلة اتلغت اصلا
او توقيع ولي الامر انه شاف الشهادة و عرف اني ساقطة في الفيزياءكده يعني
حاجات بسيطة
بس العيب مش عليكي العيب على الظابط
بس شكلنا احنا الاتنين اجرام من يومنا
ولا المتحانات
يا لهوويييييييييي على اللي كان بيحصل
انا خلي كل ده و ان ابجاوب على تاج ذو النون نفسه

سلام

ذو النون المصري يقول...

زنزانه
انا والله لولا انشغالي هنا في كفر الشيخ بعملي و بعد المسافه لكنت اجي القاهره باستمرار لاني فعلا نفسي اقابلكم كلكم و مش محتاج بسبور من امي لا انا محتاجه من ابويا
ههههههههههههههه
المهم المقادم الغنميه دي !!هما لسه بيعملوها؟
انا فكرتها خلاص خلصت
----------------------------------
و كمان سفر من المانيا للنمسا!!!؟
انا قلت عليكي قادره
يا بختك
فعلا انت فيكي اشياء ناقصه عندي كتير
كان نفسي اكون متعود علي الغربه و السفر و الاعتماد علي النفس في الداخل و الخارج
لكن للاسف التربيه الفلاحي بتربط الفرد فينا بالارض و الاهل بصوره جعلت الفلاح نفسه يجني علي ارضه الزراعيه و يبنيها لمجرد ان يبقي مع افراد العائله الكبيره في نفس موطن ميلاده
و دي مشكله كبيره
لكي خالص التحيات

ذو النون المصري يقول...

3ola
و عليكم السلام و رحمة الله و بركاته
انا سعيد جدا بزيارتك و فرحان جدا بان مدونتي اعجبتك و اشكرك علي اطرائك و مديحك لمدونتي
و يارب تكون حياة الطفوله ببرائتها هي الادوم و الاكثر بقاءا
لكي مني خالص التحيات و الاماني الطيبه

ذو النون المصري يقول...

حفصه ام مصطفي
يا حفصه ما تستغربيش كل ده من زنزانه
هو فيه حد قادر في معارفنا غيرها؟
يا بنتي دي واصله
جربي كده في امريكا و اعملي زييها كده ورينا شطارتك

غير معرف يقول...

اية دا اية الحلاوة دى اية الزكريات الحلوة دى منك للة يابنى فكرتنى بالذى مضى على وكمان اسلوبك حلو اوى فى سردها

غير معرف يقول...

يا ذو النون يا حبيبي ممكن تكون التربية الفلاحي صعبة لكن مش اصعب من تربية صعيدية لبنت مش راجل زيك
متتلككش ببعد المسافة دي كلها خبطة يوم ممكن نرتب لك خميس وجمعة مش هتكون ازمة صدقني.
يا بني حفصة جايية ان شاء الله قريب
ايه مش عاوز تشوفنا؟
علي فكرة اخر مرة اتجمعنا كلنا انت عارف انا فكرت فيك انت وحفصة، بعدها حفصة قالت انها جاية زيارة عشان خاطرنا، سامع؟ من امريكا عشان خاطرنا وانت اللي ف كفر المحافظ بتقول بعيد، طب يا حبيبي استني اجيب العيال ف توك توك العاصمة وانزل كفر الشيخ ادور عليك، هعملك فضيحة، واديك جربت يعني عارف اني تلات تربع مخي ضارب
المهم انا مش عارفة ابعتلك اميل ازاي؟ حلها يا فالح

مش عارفة اكتب اسمي عندك
زنزانة

ذو النون المصري يقول...

مني
شكرا علي الزياره
و يارب دايما

ذو النون المصري يقول...

زنزانه العزيزه
انا فرحان جدا انكم فكرتوا فينا في اجتماعكم لاخير و نفسي فعلا من كل قلبي اني اشوفكم كلكم طبعا
ياريت و الله
ان كنتم هتتجمعوا قريب قولولي و نرتب ميعاد مع بعض انا فعلا نفسي اشوفكم كلكم
الايميل بتاعي nile_egypt11
التاني
ekhen_aatoon
يارب نتقابل

zenzana يقول...

ذو النون انت علي هوت ميل ولا يا هو ولا ايه بالظبط؟
انا بس اللي فكرت فيك يا اخي
هههههههههه
خلاص اختار اي يوم خميس وانا هلقم العيال كلهم

ذو النون المصري يقول...

راندا اشكرك مره تانيه انا علي الياهو

ekraammalik يقول...

لماذا تركت النجمة تضيع؟؟؟

ذو النون المصري يقول...

اكرام ميلك
النجمه ضاعت غصب عني

ekraammalik يقول...

اكرام مالك وليس ميلك

ذو النون المصري يقول...

اكرام مالك
متاسف جدا
لم انتبه
تحياتي