الاثنين، يناير ١٢، ٢٠٠٩

من مدرسة بحر البقر الي مدرسة الفاخوره


من شعر صلاح جاهين لاجل تلاميذ مدرسة بحر البقر
كتبها يوم 8 ابريل عام 1970 بعد ان اغارت طائرات العدو علي المدرسة و قتلت فيها اكثر من 30 طفلا و طفله و اصابت اكثر من خمسين
........................
الدرس انتهى لموا الكراريس
بالدم اللى على ورقهم سال
في قصر الامم المتحدة
مسابقة لرسوم الاطفال
ايه رايك في البقع الحمرا
يا ضمير العالم يا عزيزى
دى لطفلة مصرية سمرا
كانت من اشطر تلاميذى
دمها راسم زهرة
راسم راية ثورة
راسم وجه مؤامرة
راسم خلق جبارة
راسم نار
راسم عار
ع الصهيونية والاستعمار
والدنيا اللى عليهم صابرة
وساكتة على فعل الاباليس
الدرس انتهى
لموا الكراريس
ايه رأى رجال الفكر الحر
في الفكرة دى المنقوشة بالدم
من طفل فقير مولود في المر
لكن كان حلو ضحوك الفم
دم الطفل الفلاح
راسم شمس الصباح
راسم شجرة تفاح
في جناين الاصلاح
راسم تمساح
بالف جناح
في دنيا مليانة بالاشباح
لكنها قلبها مرتاح
وساكتة على فعل الاباليس
انتهى الدرس
لموا الكراريس
ايه رايك ياشعب ياعربى
ايه رايك يا شعب الاحرار
دم الاطفال جايلك يحبى
يقول انتقموا من الاشرار
ويسيل ع الاوراق
يتهجى الأسماء
ويطالب الاباء
بالثأر للابناء
ويرسم سيف
يهد الزيف
ويلمع لمعة شمس الصيف
في دنيا فيها النور بقى طيف
وساكتة على فعل الاباليس
الدرس انتهى
لموا الكراريس

......................
تابعوا مدونة فلسفة حياة و فنون جميله
اخر لوحة شرحناها علي فنون جميله
لوحة سنعود للفنان الفلسطيني اسماعيل شموط
......................

هناك ٨ تعليقات:

Soul.o0o.Whisper يقول...

ايه دا ...

كمان أول تعليق !!!

أحمدك يارب

طب أحجز بئا

Soul.o0o.Whisper يقول...

ذو النون المصري

أولا : حضرتك شرفتنى بأول تعليق لك

ثانيا :معلش بئا يا فندم أنت عارف فرق التوقيت و المواصلات و كدا
و بعدين أنت عارف الوضع فى مصر و كدا

فعقبال ما وصلت بئا
ياللا معلش


شفت إجاباتك ،
ماشاء الله ... جميلة
الظاهر حضرتك بتحب التاريخ و العصر الفرعونى اوى

و طبعا لا تعليق على القصيدة


أتمنى أن تتكرر الزيارة





خالص التحية

Unknown يقول...

اختيار موفق
جدا ومعبر
لكن الظاهر ان دا مقدورنا ننضرب نموت نبكى نشجب نندد
ننسى
تنعاد الكرة

فارس عبدالفتاح يقول...

عندي تعليق خاص بيك واريد ان اعرف هل هذا نقل عن خبر ام انك مقتنع بهذا مع اني اعرف الاجابة مسبقاً ولكن اريد التأكد .

انت ذكرت من ضمن كلمات الموضوع عبارة( اغارت طائرات العدو ) .

هل تعتقد ان كلمة - العدو - كانت في هذا الزمان ام انها سارية الى الان .

اي بمعنى هل انت معتقد ان اسرائيل هي عدوا مصر والامة العربية ,

ام تعتقد بان مصر اقامت معاهدت سلام بينها وبين اسرائيل فبالتالي ان كلمة - عدوا - غير واردة في التعبيرات الكلامية والمجازية على اسرائيل .

مع خالص التوفيق

ذو النون المصري يقول...

اول تعليق
تشرفي في اي وقت

ذو النون المصري يقول...

التعليق الثاني
اشكرك جدا علي المرور و التعليق و سعيد بزيارتك و ساكرر الزياره
تحياتي

ذو النون المصري يقول...

نهرا لحب
ربنا لن يغيرنا الا اذا غيرنا ما بانفسنا

ذو النون المصري يقول...

فارس
الاسرائيليين اعداء
و السلام مجرد فرصه لالتقاط الانفاس و بناء الدوله
هكذا اعتقد
لان حرب بمصر وحدها في مواجهة كل الغرب لا تصح