الأربعاء، يوليو 23، 2008

عيد الثوره

في مثل هذا اليوم من كل عام نحتفل بعيد الثوره .لكن اشعر بانه في كل عام يتجدد تاتي هذه المناسبه و كانها تصير الي لون باهت عديم الوضوح.فالناس لم تعد تهتم بها الا انها يوم عطله من العمل فقط لا غير.فامس قلت لوالدي ان غدا يوم عيد الثوره فقال ابي:يعني عطله من العمل غدا؟؟؟؟بينما لم تعلق امي اي تعليق و لم تلتفت الي كلامي اصلا رغم ان هذه المناسبه كانت مهمه جدا لهما منذ سنوات فكانت امي تحتفل به في المطبخ باعداد طعام خاص مثل طعام اي عيد من الاعياد
ايضا قابلت زميل مثقف و فكاهي في المسجد يوم 22 يوليو ؛اي امس،و قلت له ان عيد الثورة غدا.فقال تعرف ما هي اهم انجازات الثوره،فقلت له ساخرا :اكيد ستقول انها جعلت يوم اجازه في ذكراها.فقال لي:لا ،بل افضل انجاز للثوره هو انها جعلت حسين رياض بعدما اصابه الشلل و الخرس يعود للحركة و النطق و صرخ قائلا تحيا مصر
صراحه حزنت جدا للمظاهر المتناقصه للاحتفال رغم اني لست من المعجبين بناصر لكن اليوم اعتبره يوم مختلف في تاريخنا علي الاقل فلابد ان يختلف علي الاقل في وسائل الاعلام و التي تجاهلته هذا العام بدورها و لم تعرض حتي فيلم كل عام المعرف "رد قلبي"
بهذه المناسبه اعرض سليد فيه عدد كبير من الصور الخاصه بهذه الفتره و هي من مصادر متعدده سواء مواقع او مدونات
و بالمناسبه فهذا اليوم ايضا يوافق مرور سنه كامله علي مدونتي فنون جميله و ساحتفل بها في البوست القادم

هناك 6 تعليقات:

نيران يقول...

نحتفل؟؟
بإيه والنبي؟
دا حتى الأجازة ياخدوها احسن عشان بتخلي الواحد يفكر، ولما يفكر في احتمال انه يفهم، و لو فهم في حل من اتنين، يا يروح السجن عشان فهم، يا يروح السجن عشان حاول يفهم؟

طب انا ليا عندك سؤال
عدد، و خلي بالك من عدد دي
عدد نتائج ثورة تلاتة و عشرين يوليو؟

ها قول، ما عندك صوابع تعدد عليها،نسلفك يا باشا

مش هادخل في ترهات التاريخ اللي والنعمة باعتبره مزيف، و نقول الحصول على حكم الشعب من الشعب، و القضاء على الطغيان، و ان كل الناس تبقى معاها فلوس مش بس الرأسماليين

تؤتؤ هاقولك دي الأوتار اللي لعبت بيها الثورة على الشعب اللي كان طهقان زهقان متضايق زي حالاتنا كدا بالضبط.

نرجع نقول السؤال.. عدد نتائج الثورة
اقولك بسهولة
اللي احنا فيه.
بابا حسني
و ابنه جيمي
و عمو عز
و عمو نضيف
و الفلوس برة
و الخراب جوة
و الديموقراطية بح بح
و الحرية يع يع

مش هي دي الصورة، ولا ايه الكلام؟

* اسفة لأني دخلت عرض في الموضوع، بس بجد
انا ضد الثورة

و يحيا الملك

.:.-=- ELGaZaLy-=-.:. يقول...

:اكيد ستقول انها جعلت يوم اجازه في ذكراها.فقال لي:لا ،بل افضل انجاز للثوره هو انها جعلت حسين رياض بعدما اصابه الشلل و الخرس يعود للحركة و النطق و صرخ قائلا تحيا مصر
-----------------------------------عادى يا ذو النون اية فى الحياة اصلا بقى بيتعمل صح!!!

هاشوف الصور واقولك رايي

نونو يقول...

السلام عليكم
كل عام وحضرتك بخير
بس تفتكر تننا دلوقتي افضل من ايام الثورة وحتى قبل الثورة؟؟؟؟؟
الاحتلال من وجهة نظري والاقطاع موجود بس بيقولولنا مش موجود
تحياتي

ذو النون المصري يقول...

نيران
انا قلت في البدايه انني مش من محبي او مؤيدي ناصر
لكن بالرغم من كل شيء فاعتقد ان الثوره لها انجازات و ان كانت اخفاقاتها اكثر بكثير
تحياتي

ذو النون المصري يقول...

الغزالي
قليل من الصح في الطريق الان
و الاكثير من الخطا
الخطا هو الغالب
لكن نعيش ازاي
انا فعلا باحتار مما اراه

ذو النون المصري يقول...

نونو
للاسف ايام الملك افضل من الان
تحياتي