الجمعة، يناير ٠٥، ٢٠٠٧

العلم في خدمة العنصريه

نعلم جميا ان مشاعر العنصريه و التعصب و كراهية الاخر لمجرد انه مختلف ،تنم عن جهل واضح بالاصل الواحد للجنس البشري كله ،و المصير المشترك للبشريه جمعاء.كما نعلم ايضا ان العنصريه قد تكون للاختلاف في الدين او اللغه و العرق او الجنسيات و الحضارات،و ونعرف عن هذه العنصريه انها كانت سببا لكثير من الحروب سواء القوميه او الاهليه بل انها تسببت في حروب عالميه
لكن ..هل نعلم ان العلم و نظرياته قد يكون مطية العنصريه بحيث نراها تستند الي العلم في اثبات صحة فروضها و دعاواها؟الافكار العنصريه التي كان الجهل و قودها تحتال علي العلم و تتطفل علي نظرياته حتي تجد لها مصدر اامن يغذيها و يضمن و جودها...للاسف هذا هو الذي حدث
بداية احب ان اقول ان ساسة الغرب قد ربطوا بنجاح بين مراكز اتخاذ القرار عندهم و بين مراكز البحث العلمي فلا يصدر عندهم قرار عشوائي مثلما يحدث عندنا فقراراتهم كلها كدروسه علميا لانهم ادركوا خطورة العلم،لذلك نجد ان ارضية افكارهم هي نظريات علميه و مذاهب فلسفيه ،اعتنقوها بعد ان فصلوا الدين عن وقيمه عن الحكم

فنظريه مثل اصل الانواع لداروين اسهمت في تشكيل عقول ساسة الغرب لمده طويله من الزمن و لا يزال لها تاثيرها الواضح عليهم حتي الان،فمباديء النظريه و التي كان تطبيقها علي الاحياء حولها اشهر سياسي غربي في القرن الماضي كي تطبق علب البشر حيث ننادت النظريه بان الصراع لاجل البقاء هو القانون الحاكم لعالم الاحياء و البقاء في هذا الصراع للاصلح

نقل هتلر هذا القانون من عالم الاحياء الي عالم البشر و جعل الصراع للبقاء همه و اعتنق فكرة ان جنسه الاري الالماني هو اصلح الاجناس علي الارض و من ثم حاول تسويد جنسه علي باقي الاجناس عن طريق الصراع المسلح فحدثت بسبب ذلك مجازر الحرب العالميه و التي لم تراعي فيها حرمة لانسان لانه من جنس اقل ولا يصلح للبقاء

اعتبر الداروينيون الاجتماعيون ان الصراع بين الافراد علي الموارد المحدوده هو وقود الحركه للنمو و التقدم ،و هذا الصراع يؤدي الي فرز ذوي الصلاحيه للبقاء عن غير ذوي الصلاحيه او ذوي الفرص المحدوده و علي اساس هذا المبدا ظهر مبدا في الاقتصاد (دعه يعمل دعه يمر) لان هذا المبدا سيبرز الافراد الاقوي و يضعهم في مواقع القياده في المجتمع ،و دون النظر لاي مبدا اجتماعي او اخلاقي فان دور الدوله هو التنظيم و الاداره فقط و ليس علي الدوله ان تقدم اي دعم للفقراء لان ذلك ضد عمل الطبيعهو يساعد علي بقاء افراد و جماعات لا تصلح للبقاء و يعوق تطور المجتمع بصوره طبيعيه

و يري العالم سبنسرضرورة عدم تدخل الدوله لتعليم الفقراء او اصلاح احوالهم الاقتصاديه او حتي حمايتهم من الاخطاء المهنيه التي يرتكبها الاطباء في حقهم
لان جهد الطبيعه منصرف للتخلص من الفقراء و تنظيف العالم منهم لخلق مكان للاقوي

الجمله السابقه هي نص كلامه حرفيا

و استغل الغرب نظريات اخري فبحوث قياس القدرات العقليه لم تسلم من التزييف لاغراض عنصريه فقد زور عدد من العلماء نتائج بحوثهم و اثبتوا فيها ان الغربيون اكثر ذكاء من غيرهم و ان فارق الذكاء كبير لصالحهم و لعتبر بعضهم ان الاقل ذكاء اقل حظا من الرقي الاخلاقي و اكثر اقبالا علي مخالفة القانون و ممارسة الجريمه

يبرز العالم جودارد كاحد اهم العلماء الذين استغلوا بحوث الذكاء في خدمة العنصريه فقد قسم المجتمع الي ثلاث فئات حسب درجة ذكاءهم و الفئه الادني تتسم بالانفلات الاخلاقي و عدم التقيد بالقانون و اكثر ميلا للاجرامو دعا الي عزل الاقل ذكاء في مستعمرات خاصه و منعهم من لتناسل

الي هنا و يجب ان نعرف ترتيبنا و مكاننا عند الغربيين اين نحن و من نحن عندهم؟ نحن نقع في الفئه الاقل ذكاء حسب بحوثهم و نحن نقع في الفئه الافقر في العالم ايضا حسب الواقع الذي نحياه

اقل في الذكاء و اشد فقرا اذن فنحن نقع ضمن من لا يستحقون الا العزل و المنع من التناسل لاننا اضعف و نملاء مكانا يستحقه الاقوي بل يرون ان الطبيعه تعمل علي التخلص من امثالنا و كل ما يفعلوه من جرائم في حقنا يرونه هم عمل مع الطبيعه لحياه افضل للبشر

اننا بمعاييرهم لا نصلح للبقاء و دعمنا يعوق عمل الطبيعه في التخلص منا (يعوق عمل الطبيعه في تنظيف العالم منا )حسب لفظ سبنسر

نحن عندهم فئة المنحلين اخلاقيا و الاميل للاجرام و و نمثل عباء علي الطبيعه و عباء علي العالم

اعتقد انه مما سبق اتضح لنا لماذا يقتلوننا دون ان تهتز لهم الضمائر؟و لماذا يحتقروننا و لا يراعون لنا اي مشاعر ؟

لا يراعون لنا اي مقدسات و هنا يمكن ايضا تفسير سبب قتلهم لرئيس دوله عربي دون ان يراعوا حرمة يوم قتله .؟

غريبة هي العنصريه !!!!!!بدلا من ان تختفي في عصر العلم احتالت علي العلم و ركبته و استقوت به و صار و

جودها اشد قوه من اي عصر و زمن مضي!!!!!!!!!!!!!!!؟

كل من امتطي العلم زادت قوته حتي العنصريه زادت قوتها بعد ان اتخذت من العلم مطية لها فماذا ننتظر ؟و ماذا علينا ان نعمل؟الا يجب علينا ان نجعل من العلم مطية للتسامح و المحبه كي تزداد قوة المحبه و التسامح بين الناس؟

هل لو حدث ذلك يحدث بالضروره ان تزيد المحبه بين الناس؟

هل يمكن زيادة المحبه و التسامح بالعلم،او هل يمكن بناء اساس علمي للتسامح و المحبه كما فعلت العنصريه؟

هناك ٣٣ تعليقًا:

.:.-=- ELGaZaLy-=-.:. يقول...

البشر بطبعهم كدة يا ذو النون بيحاربو لمجرد الاختلاف..ممكن الحشرة الخضراء الى هناك دى مش هاتقتلنى بس انا هاقتلها لانها مختلفة مش اكتر

العنصرية هيا العنصرية ملهاش جنسية...

بوست جميل اوى يا ذو النون ربنا معاك ...

ذو النون المصري يقول...

انا سعيد جدا يا استاذ غزالي انك اول من يعلق عندي و سعيد علي متابعتك و اري اننا سنكون اصدقاء في عالم التدوين
انا معك ان البشر يغلب عليهم طابع الخوف من الاخر لانه فقط مختلف عنهم لكن اري انه ليس في طبيعة الخلقه الانسانيه نفسها هذا الطابع ربما الانسان كما انحرف في ميادين عديده في الاخلاق و الالتزام الديني و في حفاظه علي كوكبه الذي يعيش فيه ربما انحرفت اخلاقه هنا ايضا فصار عنصريا
لا اري ان عنصريته طبيعه فيه و في اصل خلقته بل هي انحراف عن الطبيعه الي درجه ان اصبحت هي الطبيعه التي لم نري غيرها و اعتقد ان هناك امل لاصلاح الانسان
لكم مني خالص التحيات

^ H@fSS@^ يقول...

ذو النون
وحياتك عندي و غلاوتي عليك
ابقى اصبر على كل مقالة شوية بس
انت ما شاء الله بتكتب و تعلق على مواضيع كبيرة
بقرالك و اقول خليني امخمخ شوية و ارجع اقرا تاني ابص الاقيك كتبت اللي بعده

حبه حبه يا ملاواني
عقلي ميستوعبش الحاجات الخطيرة اللي بتتكلم عليها
تحياتي
و اسفه على الكلام مقدما اذا زعلك

Tamer Nabil Moussa يقول...

العلم والابحاث العلمية هى سبب تقدم اى دولة

لان لايوجد امر الا مبنى عن دراسة

وليس عشوائى مثل البعض

تحياتى

ذو النون المصري يقول...

حفصوتشا ام مصطفي
اطلاقا للا زعل بيننا ابدا خلاص العلاقات الفكريه التي بيننا تمحو اي زعل مقدما
بالنسبه للكتابه هي فكره اذاات ادونها سريعا قبل ان تذهب لاني جربت فلقيت ان افكاري بتهرب اذا صبرت عليها و اذا كتبتها في ورق باطمن و اكسل ادونها
و اشكرك علي الزياره و علي كلمك الحسن

ذو النون المصري يقول...

الاستاذ تامر
فعلا يا اخي الابحاث هي سر التقدم في اي ميدان حتي الدعاره بتتقدم بالعلم الدعاره بتستخدم النت اكثر من الدعوه الي الله تخيل !!!!!!!!!!!!!اه والله ده حقيقي
فما اقصده في كلامي ان العنصريه و الكراهيه هي ايضا دعمت نفسها بالعلم و صارت اقوي واكثر اقناعا من ذي قبل
و ارغب في استيضاح شيء هام و هو هل يمكن ان ندعم التسامح و المحبه بالعلم و الابحاث العلميه ايضا ام لا
لك تحياتي و سعيد جدا بزيارتك

^ H@fSS@^ يقول...

هههههه
بتكسل تدونها حتى بعد ما بتنشرها
طيب

اعرف بقى اني متابعاك كويس لكن سامحني اني مش بعلق
اصراحة علمك يفوق علمي لذلك حكتفي بالتعلم منك
و شكرا

بالنسبة لمدوناتي
انا بكتب في الناس والعالم و اللليلة الكبيرة
صوتها انا مشتركة فيها لكن مش بكتب للاسف و معملتش فيها اي شئ للان

سيلامو عليكوا

صحيح خد بالك للاسف مشغلة الرقابة على المدونات لاني بديت اتلقى تعليقات قليلة ادب شوية
فل

^ H@fSS@^ يقول...

هههههه
بتكسل تدونها حتى بعد ما بتنشرها
طيب

اعرف بقى اني متابعاك كويس لكن سامحني اني مش بعلق
اصراحة علمك يفوق علمي لذلك حكتفي بالتعلم منك
و شكرا

بالنسبة لمدوناتي
انا بكتب في الناس والعالم و اللليلة الكبيرة
صوتها انا مشتركة فيها لكن مش بكتب للاسف و معملتش فيها اي شئ للان

سيلامو عليكوا

صحيح خد بالك للاسف مشغلة الرقابة على المدونات لاني بديت اتلقى تعليقات قليلة ادب شوية
فل

^ H@fSS@^ يقول...

فلذلك لما تعلق و متلاقيش حاجة بانت متقلقش

شفت اخرة التكنو عولمة!!؟؟ ده بقية التعليق بتاعي لاني فجاة لقيت التعليق انطبع لوحده عز ما كنت بكتب

ههههه
سلام

mariam يقول...

فعلا حاجة غريبه اننا نرفض الآخر لمجرد انه مختلف
يعنى مش عارفه دى عنصريه
و لا احنا اساسا لم نتعود على ثقافة الاختلاف
و الموضوع دة انتشر قوى دلوقتى
مش عارفه ليه
اتمنى ان العلم يزيل التعصب
موضوع حلو قوى
تحياتى

ذو النون المصري يقول...

حفصوتشا ام مصطفي
انا فعلا ممكن اكتب علي الورق لكن اكسل اسجل في المدونه و مفيش مشكله من عدم التعليق اطلاقا لكن كما تعلمين احب فقط ان اتاكد من فاعلية كلامي و ما اقوله من خلال اراء الزملاء
اما عن مدوناتك انا فعلا قلقت لما لقيت انك لا تكتبي في المدونه لمده طويله و دخلت لقيتك بالصدفه في مدونه غيرها
لكن هازورك فيها ايضا
وانا سعيد جدا انك بتتعلمي مني شيء احنا كلنا طبعا بنتعلم من بعض و هذا شيء مهم في العالم الخيالي الذي نحيا جميعا فيه و هي من مميزات هذا العالم
لكي تحياتي و سعدت جدا بالزياره

ذو النون المصري يقول...

مني
انا سعيد جدا بزيارتكم لمدونتي
وفعلا ما قلتي هذا الامر انتشر جدا في عصرنا لكن بسبب سيادة نوع من الثقافه الغريبه عنا في مجتمعاتنا و للاسف انتشرت في العالم كله تقريبا
دائما و للاسف الشر بيحول ادوات الخير الي ادوات شر شوفي البحث العلمي في مجال صناعة الدواء بيكلف كام و السلاح بيكلف كام؟
اعلام فيه مشكله كبيره فعلا ليه هذا النوع من الثقافه هو السائد لماذا نحشد لبعضنا كل هذه الجيوش و نتترس بكل هذا السلاح؟
فعلا مشكله

hosnysoliman يقول...

الاخ العزيز..العنصرية مرض مثلها كمثل الامراض الى تصيب البشرية مثل الايدز والفلونزا الطيور وغيرها من الامراض ذلك بخلاف الامراض المتوطنة التى تصيب اوطان دون اخرى و مرض العنصرية وكاى الامراض لا يصيب الا الضعفاء اصحاب المقاومة الضعيفة..فالانانية وحب الذات وكره الاخر ورفض منهج الخالق..كلها ميكروبات مرض العنصرية..ولكن منهج الخالق هو الغالب..وغالبا ما ينقلب السحر على الساحر..الدول الاستعمارية العنصرية من قديم الازل..منذ ثورة العبيد بزعامة سبرتكوس وانتهاءبالسود الامريكان و مهاجرى شمال افريقيا الى

أحمد يقول...

أحنا كده أتكلمنا عن مشكلتهم
مشكلتنا أحنا أننا أقل ذكاء و أكثرفقراً
طيب و ليه أحنا أقل ذكاء وأكثر فقراً
طب ليييييه
لماذا لا نكون أكثر ذكاءاً و أكثر غنى؟
فى الأجابة يكمن حل المعضلة
أصل انا مينفعش أقوول لبلطجى عالمى بيقتل فى يوم العيد أنت بلطجى
هو بلطجى و معترف بكده و احنا السبب فى كده لو احنا مش أشد ذكاء أو أكثر غنى مكنش أستهان بينا للدرجة دى .. من الأخر هى أمريكا و الدول الغربية بلطجية و مؤمنين بكل النظريات دى بس أحنا السبب لأن أحنا أقل ذكاء و أكثر فقراً والحكومات العربية ليها طبعاً نصيب الأسد فى حتة الأقل ذكاءاً و الأكثر فقراً دى
طيب سيبك من الحكومة أنا كفرد أعمل أيه عشان أقوول لنفسى أنا عملت اللى عليا عشان مانكونش أقل ذكاءً و أكثر فقراً ?
هو ده السؤال
أجابة السؤال ده محتاجة كتاب
بس أكييد هنبدأ بالأقتصاد , لازم انا كشخص أبدأ أحسن اقتصادى الشخصى ولازم سقف أحلامى يبقى عالى أووى و لازم مانخفش أبداُ من منافسة سلع الغرب .. و الله الكلام ده ماهو هجص أصل معظم الفكرة فى الأقتصاد .. أقتصادك قوى هتستحمل أكتر و هترد أقوى ولو هما محتاجينا ولو فى ابرة خياطة نصنعها ليهم هيحترمونا هيحترمونا ومثال الصين ليس ببعيد أن عارف أن الكلام ده بعيد عن واقعنا الأليم بس من أمتى الحياة كانت حلوة و عدونا كنا كده زمان ووصل بالتدريج للمرحلة اللى هو فيها.

أنا عايز أكمل بس كده هاطول عليك

تحياتى ليك يا ذو النون المصري و تحياتى لمواضيعك المهمة جدا جدا و لأسلوب تناولك الأكثر من رائع

^ H@fSS@^ يقول...

عزيزي ذوالنون

العلم عمره ما حيؤدي لكثر المحبة ذلك ان العلم شي بحت و محدد و مقنن و لا يتغير
و المحبة غير كده تماما
المحبة مشاعر مالهاش حدود و لا ليها حسابات و متغيرة جدا بتغير الموقف
ده شئ

الشئ التاني
الغرب ليه مليون حق انهم يشوفونا ان احنا همج و غير بشريين و كل الصفات السلبية
لكن مش لسبب نظرية داروين
احنا السبب في اللي احنا فيه دلوقتي
و اذا هما شايفين انهم اولى مننا في الحياة و لذلك يجب القضاء علينا
بس حفكرك بما يسمى فتوحات اسلامية و هي حاجة ما اراد الله بها من سلطان
و تمت بكل وحشية و اهدار حق الغير و حرية تفكيره و اعتناقه لعقيده كما يشاء فطبيعي انهم يشوفونا بالصورة دي الاسلام انتشر في جنوب اسيا و بقاع مختلفة بطرق سلمية جدا و الاهم انهم فضلوا على ايمانهم
لكن ماذا استفدنا من غزو اوروبا؟؟
لا شي غير حب البكاء على الاطلال التلذذ بتعذيب النفس؟؟!!؟؟؟؟
******************************
توضيح لموضوع ذكرى انتفاضة ال1977
كنت قريت عليه عند الصديق المدون سرديات سردية
و شفت تعليقاتكوا
طبعا اهانة الشعب في اي زمن لا تغتفر لكن احب اقولك اللي اعرفه
ممكن تكون حصلت مظاهرات و غيره لكن المشكلة تكمن في قيامها
يعني من تلاتين سنة هل يعقل انك تلاقي نفس اللوحات و اليفط اللي كانت مرفوعةتكون نفسها في كل مكان سواء في القاهرة او المحافظات التانية؟؟
طبعا ماكنش فيه انترنت و لا فاكسات و لا غيره
طيب ازاي تطابقت اللوحات مع بعضها و بنفس الخط؟؟
يعني ده يحسسك بشئ ان الموضوع كان فيه توضيب و مستنيين اشارة معينة
الكلام ده ممكن يكون غلط و ممكن يكون صح لكن حبيت اقدملك وجهة نظر تانية
بالنسبة لي الاخ سردية اعتمد على حسنين هيكل و الراجل ده للاسف لا اثق باي من اراءه لانه دائم التغيير لولائه و دائم التمايع في اراءه

شكرا و عذرا للاطاله

سلام
ابقى تعالى
اهو تضحك شوية

tota يقول...

العزيز ذو النون

فكرة البوست مؤرقة جدا
فكرة ان تكون فى غابة البقاء فيها للاقوى وبفكر اكثر تحضرا الاقوى الاصلح

ان تتحول الارض الى غابة يتصارع فيها البشر وينتهى بالضعيف الفقير الحال ان يباح ويستباح فهكذا عالم الحيوان
ولان الله جل وعلى ميز الانسان بعقله
فما ظنى باصحاب هذه الفكرة والمتشدقون بها والمطبقون لها الا بانهم من اصول تبعد عن البشر والانسانية اميال ويحتاجون لسنوات برغم ادعاء الذكاء لكى يتوصولوا لمعنى الانسانية

هذا ولنعود بنظرة شاملة ناحية الجانب الضعيف من العالم المستمتعون بضعفهم وجهلهم ويرفضون القوة والعلم
كنت فاكر بالامس ماذا لو كانت الشعوب تتطبق الفكرة الاسلامية فى الزكاه وزكاه المال والصدقة
ماذا لو كلن اصحاب الملايين كان هناك جزء من اموالهم للسائل والمحروم ترى كيف ستعتدل كفة الميزان على المستوى الداخلى وماذا لو تم تطبيق هذا المبدأ على المستوى العالمى كيف ستكون الكفة العالمية وهل هناك شق ارضى سوف يقسم الار

tota يقول...

اسفة على انفصال التعليق ولم استطع تداركه او حتى حذفه للتعديل فانت تمنع الحذف ولو للخطأ

كنت اقصد انه لا فاصل فى الارض فالكرة الارضية تحمل كل الاجناس ولا سلطة لاحدهم ان يقوم بدور الله على الارض يحى من يريد ويبيد من يريد لمجرد امتلاكه للقوة

الغرور الانسانى وصل الى مدى مفزع وخطير وهو بداية النهاية فى اغلب الظن

تحياتى على نقل هذه الفكرة التى تبدو ليست بعيدة لكننا نتعمد عدم التفكير فيها من هذا المنطلق لصعوبة تكذيب الاحساس بالانسانية

ذو النون المصري يقول...

استاذي العزيز /حسني سليمان
فعلا الاخلاق منها السيء و الحسن و الاخلاق الرزيله لا تصيب الا الضعفاء الزين لم تقوي مناعتهم الفكريه لصد هذه الافكار
فالحل اذن ان نقوي اجهزة المناعه الفكريه للانسان الضعيف كي نحافظ علي الحد الادني من السماحه و تقبل الاخرين
اشكرك علي الزياره
تقبل تحياتي

ذو النون المصري يقول...

مبرمج حر
اشكرك مقدما علي رايك و علي زيارتك الكريمه
انت طرحت الموضوع من جانب اخر و هو نحن ،انا تحدثت فعلا عن هم ،،،هم عنصريون و يستغلون نظريات العلم في تثبيت اركان هذه العنصريه ،،اما انت فاخذته من جانب لماذا نحن و ليس هم هكذا ؟اي اقل ذكاء و اكثر فقرا ،،فعلا السؤال في محله
لماذا نبدو علي هذه الصوره اقاتمه ؟اما من امكانيه لتحسين هذه الصوره؟ فعلا كما يقال في المثل من له ظهر مينضربش علي بطنه
الظهر هنا اللي يخلي الل يحترمك الان هو المال و هو لا ياتي الا بالذطاء اذن فمشكلتنا هي اننا الاقل في الذكاء و الثروه
اذن فنحن شركاء في هذه المشكله بان صيرنا انفسنا موضع لعنصريتهم اي ليست الجريمه جريمتهم وحدهم بل هي مشتركه

ذو النون المصري يقول...

العزيزه جدا حفصه ام مصطفي
انا فعلا عارف طبعا ان العلم شيء متعلق بالماده و ليس له فيما يبدو انا علاقه بالمشاعر لكن فيه معلومات اخري بتقول ان المشاعر ليست معزوله تماما عن العقل لان فيه في العقل جزء بيسموه علميا (الاميجدالا)و بيعتقد العلماء انها مصدر اي بواعث عاطفيه و هي مخزن الزاكره الوجدانيه للانسان فعلي هذا الاساس اعتقد ان الافكار يمكن ان تغير المشاعر و اعتقد ان الغرب نفسه فهم هذا الامر علي هذه الصوره فهم يغيرون المشاعر ضدنا بالاعلام لانه بالكلام يؤثر في المشاعر
----------------------------------

ذو النون المصري يقول...

حفصه مره اخري
انا موضوع الانتفاضه هذا للاسف كغيري من الناس لا ادري عنه اي شيء فشكرا علي التوضيح لانه فعلا كانت هذه الفتره تمر فيها مصر بمخاض عسير جدا كادت تموت فيه و لاسف لازلنا نعاني منه للان
فيه كلام كثير سمعته ان مدبري هذه الاحداث شيوعيون او اخوان لكن لا ادري اين الحقيقه لان كل شيء تاه مننا
اما بالنسبه لهيكل فاعتقد انه كاتب كبير و انت طبعا موافقاني علي كده لكن برضه لا يخلو كلامه للاسف من تحيز واضح لناصر و مضاد لسادات في كثير من لاحيان
لكي تحياتي
انا جاي بعد ما اخلص ردود علي التعليقات هنا

ذو النون المصري يقول...

العزيزه توتا
انا سعيد جدا بهذه الزياره و اقول انك اثرتي نقطه كان تحدث فيها او قريب منها مبرمج حر
هي المتلذذون بضعفهم لماذا لا يسعون للقوه فعلا هي من اهم مشكلات مجتمعاتنا الحاليه و للاسف لا تجد من يحملها كقضيه قوميه يسعي بها كي تتحقق
الزكاه في اي بلد يمكن ان تحل جزء كبير من مشاكل الفقراء لكن للاسف الزكاه التي تجمع هي نفسها لا تستخدم الاستخدام الصحيح
انا كنت كتبت بوست سابق بعنوان سلوكيات لجنة زكاه و كانت استعمالات الزكاه فيها مسخره
لا فقراء و لا يحزنون
المهم :فالكره الارضيه تحمل الكل ولا فارق بيننا لكن هناك من صنعوا هذا الفارق كي يحيوا وحدهم و هم من يجب الاخذ علي ايديهم و مقاومتهم و افكارهم

zenzana يقول...

يا ذو النون يا حبيبي، العلم ف الراس مش ف الكراس
هيكل ايه يا حاج دا واحد كل شهود العيان اللى بيستشهد بيهم، ماتوا!!

^ H@fSS@^ يقول...

كاتب كبير على روحه يا خويا
ده سخص الكل اتفق انه خاين لاي نظام اشتغل معاه بما فيهم نظام ناصر نفسه
يعني متامر و اهبل

كلمة اخيرة
العلم لا يكيل بالبتنجان

^ H@fSS@^ يقول...

صحيح
بما انك برج الجدي
فحقلك كل سنة و انت طيب يا ذو النون مؤكد عيدميلادك يا اما عدى او حيجي في الفترة دي

يلا يا سيدي
كل سنة و انت طيب

ذو النون المصري يقول...

زنزانه العزيزه جدا
العلم يا ستي في الراس و في الكراس هذه هي اخر الاراء التي اجمع عليها علماء الامه الاسلاميه و مجامع البحوث و المراكز القوميه للبحوث المتخصصه و قد افتي اخرون بغير ذلك منهم الحاج جرجس و رايه ان العلم في الراس ايضا لكن خالفه في الراي اخر من علماء مذهبه و الراجح عندنا انه في الراس و في الكراس
و الله تعالي اعلي و اعلم
-----------------------------------
ايه رايك في الفتوي العاليه دي؟
-----------------------------------

ذو النون المصري يقول...

حفصه العزيزه
كبير علي روحه او روحنا احنا خلاص ملناش دعوه و الكل ماتو زي ما قولتي لكن الراجل عنده كما قال عنه البعض هوس بالوثيقه و البعض قال ان وثائقه ليست كل الموجود و فيه وثائق تناقضها و مكمله لها
المهم ما علينا
-----------------------------------بالمناسبه انا من برج الجوزاء لاني مواليد
1/6/1979

^ H@fSS@^ يقول...

طيب لما انت الجوزاء ابقى روح يا شاطر صلح تاريخ ميلادك في البروفايل بتاعك
تلاقيك حاطط ستة واحد و عشان كده مطلعك برج الجدي
انا الحق عليا

غير معرف يقول...

عزيزى ذو النون
أعتقد ان حصل خلط عندك شوية أو انا اللى وصلتلى المعلومة مش مظبوطة
نظرية البقا للأقوى والأصلح دى نظرية نيتشة
مش داروين
داروين 99%من نظريته عنصرى بمعنى انه يؤيد الجنس الآرى على كل الأجناس وانها السائدة والجينات القوية وجينات الذكاء وجينات التأقلم والكلام البطيخ دة من تأليف واخراج داروين

عمنا نيتشة
هو صاحب النظرية اللى قلبت موازين العالم وبقت قانون الغاب المستخدم دلوقتى
البقاء للأقوى والأصلح
والفناء للأضعف
وحاول يطبقها على نظرية انقراض الديناصورات بس ممشيتش مع الديناصورات
رغم ان الغرب حاول يقيفها كويس علشان تناسب مبدأ حياتهم

حأقولك حاجة بقا أنا لاحظتها فى مربع من أصحاب النظريات ولفت نظرى جدا جدا جدا

المربع تتكون اضلاعه من
داروين ..نظرية اصل الانواع
نيتشة..نظرية شريعة الغاب
فرويد..محركات الانسان الجنسية
اينشتين..نظرية النسبية

لقيت ان الأربعة دول وبكل فخر
يهود

راجع معايا بروتوكلات حكماء صهيون وبعيدا عن نظرية المؤامرة علشان محدش يقوللى انى بافكر فيها

اربط بقا بخيط واحد النظريات الاربعة وقوللى الحاصل النهائى لما يتطبق على الدول اللى زينا حيبقا اية

تحياتى

ذو النون المصري يقول...

حفصه هانم ام مصطفي
انا كاتب التاريخ اليوم ثم الشهر ثم السنه و لا ادري ان التاريخ يبدا بالشهر فشكرا علي التنبيه

ذو النون المصري يقول...

العزيزه جدا شهروزه نياههههههههههههها
انا سعيد جدا بزيارتك الكريمه و ايضا علي التعليق انا سعيد بالفكره و هي دراسة الاربع شخصيات و الكتابه عنها انا فعلا ناوي و بفكر في عمل بوست عنهم و ربنا يسهل لانه اكيه هيكون صعب و هياخد وقت
لكي خالص التحيات

^ H@fSS@^ يقول...

شهروزتي
انا بؤمن بنظرية المؤامرة لكن المرة دي اختلف كليلا معاكي
لسبب بسيط
ان احنا دلوقتي صنفنا نيتشه و اينشتين و غيرهم على اساس الدين و بكده بقينا عنصريين
لان نيتشه ده ليه اراء مهمة و كويسة تانية ده شي و لان اينشتين برضو قدم نظريات مهمة جدا للانسانية
لازم نفرق بين اليهودي والصهيوني
و مثلا خدي عندك نعوم تشومسكي
يهودي لكنه احق من الحق جدا و مناصر للعرب بشكل صريح و رافض لعنصريات تانية كتيرة
و برضو استفدنا من علمه
ممكن طبعا تكون فيه عيوب لنظرياتهم او شئ من التحيز لكن
العلماء العرب برضو في وقت من الاوقات كانت عندهم نفس النظرة المتكلفة دي

بس كده

ذو النون المصري يقول...

حفصه هانم ام مصطفي
سليم
النظريات ممكن توضع لهدف علمي لكن السياسه ممكن تحور استخدامها الي اغراض اخري غير علميه
فكلام اينشتين مثلا عن النسبيه كان يخص ميدان علوم الطبيعه لكن حورها الفلاسفه و رجال السياسه كي تكون في ميدان الاخلاق ايضا فصارت الاخلاق نسبيه هي الاخري
اي الخير ليس قيمه ثابته بل هو متغير اي الخير اليوم غير الخير غدا و الخير عندي غير الخير عندك و هكذا صار ما يحقق المصلحه هو الخير و ما لا يحقق المصلحه شر فموت شخص مثلي و الاف مني ليس شرا بل هو خير لانه في طريق تحقيق المصلحه
باختصار هذه النظريات اصحابها وضعوها لاهداف علميه لكن دخلت ميادين اخري و اثرت فيها