الأحد، أكتوبر 26، 2008

اول نكته بعد الزواج


انا و هي
انا:تزعلي لو اتجوزت عليكي؟
هي:بتسال ليه السؤال ده؟
انا:لاني بفكر فعلا في الزواج مره تانيه
هي:انا موافقه بس بشرط
انا:ايه الشرط؟
هي:لما تيجوا تناموا انت و هي انام انا في النص بينكم انتم الاتنين
ههههههههههههههههههه
................................
تابعوا مدونتنا فنون جميله و فلسفة حياة
..................

هناك 22 تعليقًا:

بنت القمر يقول...

اعوذ بالله من اولها غلاسه:))

Zianour يقول...

هههههه
طب ده سؤال يعني ؟؟ وانتوا لسه مفيش اسبوع
!!!
امال هتقول لها ايه على الاربعين؟؟؟

الف مبروك واسعدكم الله وحماكم من العين

السنونو يقول...

عرفت ليه الستات بتنكد على الرجالة
علشان يتوبوهم عن مجرد التفكير فى تكرار التجربة :))))))))
ألف مبروك وربنا يهنيكم

انا حره يقول...

هههههههه دا بس عشان لسه فالاول

كويس انها مقالتش جرب بس كدا وانا اقطعكم حتت واعبيكم فى اكياس

بس اصبر اكيد هتقولها بعد شويه

الف مبروك وربنا يسعدكو

A.SAMIR يقول...

الظاهر ان كلهن قطعية واحدة
ربنا يكون في عوننا

ضد التيار يقول...

هو دا الرفض المستتر ((:

عاشــــــ النقاب ـقــــة"نونو" يقول...

ههههههههههههههه
دة بس في الاول
هتوب بعد كدة وهي انا عارفة هتوبك عن العملة دي تاني
ربنا يبارك لكم وهينيكم ويعدكم وتجيبولنا نون ولا نونة صغيرة
تحياتي

شباب روش طحن يقول...

أه لو كده ماشي أفتكرت حتطلب الطلاق

ما علينا يقول...

السلام عليكم ورحمة الله وبركاته

طيب بجد بقى

في امل

يعنى الحمد لله اهو

في ناس بتنكت بعد الزواج

انتم ثروة قومية
انا هاكلم المحافظ يعملكم حراسة

دي ظاهرة وطفرة ظهرت عندنا بس في كفر الشيخ


قال تتجوز عليها قال


بارك الله لكما وفيكما

ورزقكم الذرية الصالحة والخير دائما ان شاء الله

وشيل الفكرة دي خالص من دماغك

هو انت مش من كفر الشيخ ولا ايه؟؟

ما علينا يقول...

صحيح نسيت

دا لينك مدونة كفراوية جديدة

محتاجة تشجيع مننا

ان شاء الله تعجبك

http://walayehmak.blogspot.com/

اسرة بهائية يقول...

مبروك، اخبار جميلة
***
(إن أعظم الروابط التي تؤلف وتوحد قلب الزوجين هي الإخلاص، يجب ان لا يسمح كلاهما للغيرة والحقد أن يتسربا على قلبيهما أبداً، لأنهما كالسم النقيع كفيلان بهدم أس أساس المحبة،على أفكارهما أن تكون سامية وأفئدتهما متوقدة وقلبيهما روحاً واحدة، وإذا ما طرأ بينهما أي أختلاف في الرأي عليهما أن يبذلا كل ما في وسعهما لأزالته بأنفسهما. وعلى سوء الفهم أن لا يبقى مكتوماً في القلب، بل يجب أن يتناقشا في أسبابه ويجتهدا في أزالته بأسرع ما يمكن،على كل منهما أن يبوح للآخر بجميع أفكاره الشريفة المنزهه، وأن لا يدع للأسرار سبيلاً بينهما، أجعلا بيتكما جنة الراحة والسلام، كونا للجميع ملجأً، عليكما أن تكونا مثلاً لغيركما في هذه الحياة ليقول الناس: “أنظروا كيف يعيشان في عش واحد بغاية المحبة والوفاء”، كأن الله قد خلق طينتهما من الأزل خصيصاً لمحبة بعضيهما)
فالمحبة هى سر الحياة
ربنا يسعدكم دائما

ذو النون المصري يقول...

بنت القمر
بنهزر
...............

ذو النون المصري يقول...

زيانور
اشكرك جدا علي دعواتك
لكن احنا خلاص قربنا نخلص الشهر
....................

ذو النون المصري يقول...

السنونو
الستات مبتنكدش و لا حاجه
الدنيا هي اللي بتنكد
..........................

ذو النون المصري يقول...

انا حره
كويس فعلا انها معملتهاش من سكات
...........................

ذو النون المصري يقول...

ا/سمير
الظاهر كده فعلا
و الظاهر برضه اننا كمان قطعيه واحده
هههههههه
..........................

ذو النون المصري يقول...

ضد الاتيار
مستتر و ظاهر في نفس الوقت
.......................

ذو النون المصري يقول...

نونو
اشكرك جدا علي دعواتك
تحياتي
.........................

ذو النون المصري يقول...

الشباب الروش
لسه بدري علي الطلب ده
الجر ناعم دلوقت
......................

ذو النون المصري يقول...

ماعلينا
اشكرك جدا علي الدعوه و التنبيه علي موقع المدونه
و هزورها قريبا لكن مش عارف تحديدا امتي لاني في ظرف طاريء هذه الايام
تحياتي
.......................

ذو النون المصري يقول...

اسره بهائيه
اشكركم جدا علي التعليق و علي هذه النصائه الجمه و التي اعتبرها مفيده جدا لي
اشكركم جدا
تحياتي
.........................

ذو النون المصري يقول...

اشكركم جميعا علي التهانيء و المشاركه الوجدانيه في مناسباتي الخاصه
تحياتي للجميع
............................