الخميس، مايو ٢٩، ٢٠٠٨

كوميديا منزليه


كوميديا منزليه
......................

الكوميديا مطلوبه جدا في حياتنا لانها تخفف من يومياتنا الاليمه،لذلك اقترح ان يكون لدي كل مدون في مدونته بابا في التصنيفات بعنوان كوميديا حقيقيه او كوميديا منزليه يكتب فيها اما مواقف حقيقيه كومديه حصلت له او راها او قراها او مواقف من تاليفه حتي يكون هذا الباب زادا لمن يرغب في البعد عن الهموم و لو للحظات قليله من الزمن و لعلها قد تترك تاثيرا في حركة الكوميديا السينيمائيه و المسرحيه كما اثر التدوين السياسي في الحراك السياسي في البلاد
و عملا باقتراحي اسجل هذا الموقف نقلا عن صحيفة الاهرام
...........................
الاهرام الصفحه الثانيه
الثلاثاء 27مايو2008

...........................
يسرقان العجوز..فيشكرهما !!

لصان سيئا الحظ شاهدا عجوزا في العقد السابع من العمر خارجا من عمارته و في يده شنطتان بلاستيك ، كان اللصان يركبان دراجه بخاريه بدون لوحات معدنيه و يبحثان عن صيد ثمين ،كما اعتادا ان يفعلا يوميا في سرقة شنط السيدات في عز الظهر .قام اللصان علي الفور بخطف الشنطتين من يد العجوز و هما يسيران بسرعه مذهلة لينطلق وراءهما مجموعة من الرجال و الشباب الذين تصادف وجودهم وقت السرقه ،و لكن دون جدوي حيث اختفي الجناه و عاد اهل الحي الي الرجل المسن يواسونه و يطالبونه بسرعة ابلاغ الشرطه و عمل محضر بالواقعه ..و لكن الجميع فوجئوا بان الضحية يشكرا للصين ،و قال الرجل ان زوجته طالبته بحمل شنطتي القمامه لالقائها داخل الصندوقالمخصص لها بالشارع و لكن اللصين قاما بسرقة القمامه ليعود الرجل من منتصف الطريق يدعوا لهما عي مساعدتهما له في القيام بتلك المهمة بدلا منه!
بورسعيد-خضر خضير
......................................

هناك ٢٠ تعليقًا:

غير معرف يقول...

ههههههههه
فعلاً لصوص منحوسين ..

الفكره هايله .. بس قولي ..
إزاي في مدوناتنا السياسيه والإجتماعيه الي كلها نكد وغم نقدر نضحك من قلوبنا بجد .. اعتقد ان الواحد مننا بيدخل يكتب موضوع في مدونته عشان يضيف ضوء جديد علي الحقيقه او يكشف ويحرج حكومته امام العالم كله .. ومن هنا اقدر اقولك اني اخاف لفكرتك دي تحول المدونات من مدونات جاده وشئ لا يلفت نظر احد سوي الطبقه المثقفه لمدونات هزليه .. وكل الي يحب يقول له نكتتين يعمل مدونه ..


يعني بالظبط كدا .. تتحول المدونات 180 درجه من الجد والثقافه .. إلي الكوميديا الغير هادفه .. تماماً كما تحولت السينيما ..

وشكراً

AHMED SAMIR يقول...

نفسي بقى اشوف منظر اللصين دول بعد ما عرفوا الشنطتين فيهم ايه
اغلب الظن انهم تابوا
تحياتي

مـحـمـد مـفـيـد يقول...

اعانك الله علي قراءه الاهرام يا اخي

http://kasperb4.blogspot.com/ يقول...

هههههههه
والله فعلا حرامية فقريين

واقتراحك جميل
ومعظم المدونين على فكرة عندهم جانب فكاهي في مدوناتهم

--------
على فكرة انا بحب الابتهال الموجود ده جداا
شكرا لك
:)

وشكرا جزيلا كمان على وضعلك لينك مدونة عالم الكمبيوتر في مدونتك
والله فرحت لما شوفته
:)

أمل فتحى عزت يقول...

من حسن حظى اننى زرت مدونتك الثرية ولى عودة مرة أخرى
*****************
ولك منى دعوة
تعالوا نسافر المسافات الى زمن محبة لا ينتهى
*************
أدعوك لقرأة قصتى
(بكل لغات العالم أحبك)

.:.-=- ELGaZaLy-=-.:. يقول...

ههههههههههههههههههههه


وجايلك قلب تقرا الاهرا يا ذو النون؟.؟؟

بس تصدق عجبنى اوى نصيب الحرامية دول بجد...

سمراء يقول...

السارق والمسروق مجني عليهم يحتاجوا الى الشفقة

اما عن التصنيف فموجود فعلا تحت اسم هزل
اشكرك
سمراء

smraa alnil يقول...

هههههههههههههه

الفقري فقري برضه

وبعدين انا غيرت فكرتي عنك
بتقرا الاهرام

هو في مدون دلوقتي بيقرا الاهرام
يلا الثقافة حلوة برضه

بالنسبة للسؤال اللي طرحته في مدونتي
لبس الاسود ليه يوم محمد
اللي هو يوم الخميس القادم يوم 5 يونيو

وبالنسبة للوقت فهو علي مدار اليوم
تحياتي

^ H@fSS@^ يقول...

ههههههههههههه تصدق انا قريت الخبر برضو و مت على روحي من الضحك
تخيلت منظرهم
بس شكلهم لصوص اغبيا يعني راجل عجوز و مؤكد باينه عليه علامات عدم الغنى كانوا متوقعين ايه يعني
يعن يحتى لو مثلا كان كسبان فلوس حيمشي بيها كده مفتوحة ف يالهواء الطلق

جنّي يقول...

السلام عليكم صديقي العزيز

لصوص ولكن أغبياء

بس الصورة وسيلة جديدة غربية للغش
ياريت ما نستوردهاش اللي عندنا كفاية ..
تحياتي

said

ذو النون المصري يقول...

عمرو عيسي
لازم نحازل نضحك و الا
لكن المدونات مش هتتحول 180 درجه و لا حاجه لاني بقول باب فقط من التصنيف العام للمدونه مش كل المدونه
تحياتي
...................

ذو النون المصري يقول...

ا سمير
انا كمان نفسي اشوفهم زيك بالظبط
بس ما اظنش انهم تابوا
هههههههههه
اكيد كانوا بيلعنوا اليوم كله
ههههههههههه

ذو النون المصري يقول...

محمد مفيد
نعمل ايه؟
اعاننا الله و اياك
لسه فيها بعض الكتاب المحترمين بحاول اتابعهم
تحياتي

ذو النون المصري يقول...

الام و امال
يشرفني جدا ان الفكره اعجبتك و ايضا سعيد بوجود لينك لمدونتك عندي
و ده شيء يشرفني و يشرف اي شخص يضيفها لمدونته
تحياتي

ذو النون المصري يقول...

امل فتحي عزت
سعيد جدا بزيارتك لمدونتي
و سعيد بالدعوه
و هقرا قصتك بعد الرد علي التعليقات
تحياتي

ذو النون المصري يقول...

الغزالي العزيز
جالي قلب و الله
و نصيب الحراميه دول اسعدني و ياريت نشوف مثله لكبار اللصوص
تحياتي

ذو النون المصري يقول...

سمراء
اشكرك علي الرد
و ساتابع طرائف مدونتك
تحياتي

ذو النون المصري يقول...

سمراء النيل
لسه متابعها لكن مش قوي
يعني كل كام اسبوع مره اشوفهم بيكتبوا ايه؟
بالنسبه لموضوع الاضراب باللبس الاسود خلاص عملناها لكنه مش محسوس لاننا في اجازه و الموضوع لم يتم الاعداد له جيدا
تحياتي

ذو النون المصري يقول...

حفصه
فعلا غباء في غباء
لكنهم يستاهلوا
تحياتي

ذو النون المصري يقول...

جني
اغبياء جدا جدا جدا
و هنستوردها زيها زي غيرها
تحياتي