الأربعاء، مايو ٠٧، ٢٠٠٨

في قصر الثقافه

احب الاماكن الي نفسي في مدينة كفر الشيخ هو قصر الثقافه و تحديدا مكتبة قصر الثقافه. المكتبه ليست ثريه بالقدر الكافي ، هي صحيح فيها حسب الاحصاء الرسمي حوالي 13 الف كتاب الا انها كلها قديمه جدا و لا تعد من الكتب الثقافيه الان لانها اما انتهي اجلها الافتراضي باعتبار التقدم المستمر الذي قصر من مده الافاده المحققه من اي كتاب ، او باعتبار التلفيات المستمره دون تجديد مما ادي الي اصبحت اغلب الكتب ان لم تكن كلها في حاله تنفر من القراءه بسبب فقدان الكثير من صفحاتها او تلفياتها الشديده
المهم اني تعرفت علي مكتبة قصر الثقافه من حوالي ثماني سنين، و قرات فيه الكثيرمن الكتب و هي بالتاكيد كانت ستكلفني المئات من الجنيهات اذا فكرت في شرائها ،لكن الحمد لله ان فيه قصر ثقافه في المدينه و ان كانت قصور الثقافه هذه تعاني من قصور في الثقافه الا انها مفيده علي اي حال
اليوم ذهبت كالعاده كي ابدل كتابين استعرتهما بكتابين اخرين ، فاخبرتني الموظفه هناك بان الاستعاده قد انتهي اجلها كما هو معمول به في القانون من اول مايو الي شهر يوليو من كل عام لاجراء الجرد، فسلمت الكتابين و كان احدهما عن الصحوة الاسلاميه للشيخ القرضاوي و الاخر عنوانه الرسم بالنور لمؤلف اجنبي مترجم من حوالي عشرين سنه او اكتر و كان ورقه اصفر كحال اغلب الكتب هناك
المهم سلمت الكتابين و كنت سعيد ان العام انتهي و هناك عام اخر جديد سيبدا مع مجموعه من الموظفين المتعاونين جدا ،و بالطبع عرفت سبب تعاونهم بخلاف معرفتهم الطويله بي انهم تقريبا بيشحتوا قراء لكتب قصر الثقافه، يعني موظفين شغلهم ضئيل جدا بالنسبه لغيرهم و هو ما احزنني بشده ، لدرجة ان مكتبة القصر تعتبر مكان مهجور بخلاف السينما طبعا و للاسف انا لم اتعرف علي اي انسان كصديق في قصر الثقافه الي الان في كل هذه السنوات بالرغم من حبي لصداقة من يحبون القراءه لاني نادرا ما اري في قصر الثقافه انسان اذا ذهبت لاستبدال الكتب ، حتي ان الشهور قد تمر و لا اري في المكتبة غيري
المهم اني سعيد جدا و باحمد ربنا اني تعرفت علي عادة القراءه مبكرا و التي لها اكبر الاثر في تشكيل شخصيتي بمزاياها و عيوبها ، نعم و عيوبها !!لاني حاسس ان القراءه لها اثار سلبيه في الشخصيه ممكن اتكلم عنها في وقت لاحق.
المهم حبيت اهني كل عامل بقصر الثقافه و كل قصور الثقافه في مصر بالاستعداد لعام جديد و اتمني ان العامك القادم اقرا كتب افضل و اكثر من العام المنصرم ،و كذلك اتمني ان يتم التفكير الجاد في تجديد قصورالثقافه لانها فعلا تعتبر لامثالي ملجا من اسعار الكتب الغاليه الان
و كل عام و الجميع بخير
.....................
تابعوا مدونتنا فنون جميله و فلسفة حياة
كتبها ذو النون المصري
اللوحه لمرتضي كاتوزيان من ايران
........................

هناك ٣٠ تعليقًا:

بنت القمر يقول...

نون
لا يأس مع الحياه ولا حياه مع اليأس
بالنسبه لتحديث الريدر
عشان انا كبرانه في دماغي وعلي عفريت
((:
1-تدوس علي كلمه ريد مور اللي في الكليب بتاعك
2-ها تفتح صفحه تانيه تلاقي لينك اسمه جيت ستارتيد ويذ جوجل ريدر تدوسه برضه... وتخش بالميل والباسوورد بتوعك
3-ها تفتح صفحتك الخاصه تلاقي علي الشمال فوق كلمه اول ايتم وجنبها رقم وهو عدد الواضيع اللي انت مقريتهمش,,, دوس برضك
ها يفتحوا في مربع بس بعد ثواني ولانهم ها يكونوا بيحملوا
مثلا بنت القمر ما لم اعلمه تدوس عليه
تلاقي في اخر المربع اللي معروض فيه محتوي البوست كلمه شير تدوس عليها
يقوم يظهر في الكليب الخارجي بتاعك
ولما تخلص قراءه كل المواضيع زي الايميل تماما
مارك اول از ريد
تاني يوم هتلاقي مواضيع جديده
جرب وقولي المشكله فين تحديدا؟؟
ها ابص تاني عندك
تحياتي

.:.-=- ELGaZaLy-=-.:. يقول...

السلام عليكم ورحمة الله وبركاته...ينفع اسلم الاول طيب..؟؟

قبل ما اعلق!!

واحشنى اوى يا راجل يا طيب والله فينك وفين اراضيك وكدة...

انا حظى بقى احسن منك انا اتعرفت على كتير اوى فى مكتبات ...يمكن لان القاهرة اكبر كتير...


اتمنى انك تكون بخير حال يا جميل..

عاشــــــ النقاب ـقــــة"نونو" يقول...

السلام عليكم
انا بئا المكتبات كانت لعمل ابحاث الجامعة ومشروع التخرج بتاعي
لكن لما اتخاطبت للاستاذ خالد الشهر اللي اتخطبناه عزمني مرة على الهيئة العامةللكتاب اللي على الكورنيش ودخلنا اخدنا كتب شعر وتنشئة وعلم اجتماع وقعدنا نقرا ونكتب ملحوظات واشعار في ورق خارجي واستغربت اوي حبه للقراءة كدة لدرجة انه بيقعد يقرا مقدمة ابن لدون ام ورق اصفر الالفصففحة دي ممكن ي يومين تلاتة ومرة قرا كتاب فقه الشريعة للسبكي في 6 ايام كان اكتر من 400 صفحة ودةأثر علي ايجابي وخلاني اقرا انا كمان معاه وتناقش بقى كل فقرة مع اني بحب الاستماع اكتر لكن اكتشف من 8 سنين بس انالقراءة اجمل بكتيييييييييير وخصوصا اننا امة اقرا
مشكلة الريدر بئاحضرتك مستخدم لريدر ديبو ولا جوجل
لو ديبو دة بيتحدث لوحده كل شوية
ولو جوجل شيله وحط ديبوبدل دة له مشكة وريقة تحديثه طويلةعريضة وديبو هتلاقيه في مدون الديب حملهاوضيف له المدونات اللي بتتابعها اسهل
تحياتي

بنت القمر يقول...

ممكن تبعت لي
المشكله فين تحديدا او الميل والباس علي ميلي في البروفيل انا عملته لفضفضفه نور ونسرين بسيوني وشغال زي الفل
از يو لايك

جنّي يقول...

ذو النون
تخيل إنسان يتوقف عن الطعام والشراب لمدة طويلة ماذا سيحدث له من تغيرات جسدية ؟ .. فكذلك العقل إذا حرم من القراءة والتفكر .. ولكن كما ذكرت القصور الموجود في قصور الثقافة ..
تخيل أني سالت مرة شخص ما عالي المؤهل !! عن معنى ذو النون فلم يعرف بالرغم من أنه يقرأ ويحفظ القرآن ..
وهذا قصور القراءة
هناك بوست جديد يهمني معرفة رأيك فيه
تحياتي
said

david santos يقول...

Excellent post.
Thank you

Unknown يقول...

الاهمال بالمواد الثقافية و تركها حتى تتلف بيجر علينا تلفيات عقلية فيما بعد

soosa el-mafroosa يقول...

أولا بوست جميل

جميل جدا إنك تشعر بالإمتنان لدرجة إنك تعمل بوست مخصوص تشكر ناس كل اللي بيعملوه إنهم بيأدوا وظيفتهم

لكن ده عهدنا بيك ..دايما إنسان ذوق و لمحاتك الجميلة المهذبة دي مش جديدة عليك

ثانيا للأسف مكتبة قصر الثقافة اللي عندنا مازرتهاش من أيام ما كت في ثانوية عامة..رغم إن أول كتاب لإحسان عبد القدوس و أول مرة أقرا لأنيس منصور كانت فيها

لكن برضه موضوع إنك تفتح كتاب تلاقي نصه مش موجود أو تلاقي صفحة متآكله كان شيء بينرفز جدا..لكن أنا معاك إنه جهد مشكور من أماكن مهملة بفعل فاعل اللي هو وزارة الثقافة

ثالثا بيعجبني قوي الأخ ديفيد سانتوس ده
:))))
حد يشوفلنا الأخ ده عايز إيه بالظبط يا جدعان

البنت الشلبية يقول...

صدق بقالى فترة طويلة اوى مروحتش قصر ثقافة
يمكن عشان مشغولة او ملقتش حد يشجعنى

حلوة الصورة اوى اوى اوى

عين فى الجنة يقول...

زمان فى العباسية كان فى مكتبة عامة اسمها مكتبة البارودى ميعرفهاش غير العواجيز اللى من جيلى
وكانت امام بيت خالتى بالضبط وعشان خاطر عيون المكتبة دى ( دلوقتى بقت كبابجى اهو كله غذاء ) كنت تقريبا باعيش شهور الصيف مقيم عند خالتى
ذكريات جميلة اثارها الموضوع
ولك التحية

ذو النون المصري يقول...

بنت القمر
الظاهر اني لازم اعمل غيره من تاني
لاني نسيت الرقم السري و مش فاكره
لا ياس مع الحياة
هحاول ثانية

ذو النون المصري يقول...

الغزالي
يا ابني انا كان نفسي اقابلك في اي مدونه من زمان و مش عارفلك ارض
انا هنا مبغيبش كتير
انت اللي فينك من زمان؟
انت كمان واحشني جدا و الله العظيم و واحشني كلامك الجميل و سردك الرائع للقصص
تحياتي

ذو النون المصري يقول...

اهلاا يا فندم
انا سعيد انه اثر فيكي و حببك في القراءه وواضح انه زواج مثالي و ايجابي جدا
شكرا جدا علي المعلومه
انا كنت عامل الريدر جوجل و حابب اني اعمل ريدر من النوع اللي بيتحدث لوحده و مش عارفه بيتعمل ازاي
اشكرك مره تانيه هحاول اعمله انهارده
تحياتي

ذو النون المصري يقول...

بنت القمر
هحاول اعمل بنصيحة الزميله و هشوف كده جايز انتهي من المشكله دي
تحياتي

ذو النون المصري يقول...

جني
انا متاسف علي التاخير في اجابة طلبك
هرد علي التعليقات و ادون الجديد و اشوف البوست المقصود و اعلقلك عليه
تحياتي و اشكرك علي الدعوه و كنت بالتاكيد هاعلق عندك من غير دعوه
تحياتي

ذو النون المصري يقول...

ديفيد سانتوس
لا شكر علي واجب و اشكرك للزياره
تحياتي

ذو النون المصري يقول...

عاليا حليم
و اعوذ بالله من تالفي العقول

ذو النون المصري يقول...

سوسه المفروسه
يااااااااااااااااااااه
فينك يا استاذه من زمان
و الله انا سعيد جدا بتعليقك هنا
بالنسبه لكلامك فاشكرك جدا عليه دا بس من زوقك
و اكتر حاجه بتنرفزني من الصفحات الناقصه في الكتاب انه بيشبه الرقيب علي المصنفات الفنيه بس رقيب غلس جدا بيمنع بمزاجه من غير سبب واضح علي طريقة حادي بادي
اشكرك جدا علي الزياره
تحياتي

ذو النون المصري يقول...

البنت الشلبيه
خلاص و ادي انا بشجعك حظرتكم علي الذهاب لقصر الثقافه و ياريت تعطينا فكره عن موقعكم و امكانات قصر ثقافتكم علشان حظرتنا يعرف كم الفقر المدقع الذي يعيشون فيه حظرتنا او حظرتكم
تحياتي

ذو النون المصري يقول...

الاستاذ راجي
سعيد و الله بالزياره
و حلو قوي انه بقي كبابجي
دي الموجه اللي ماشيه في البلد اليومين دول
الاكل فقط هو ما نجري وراءه الان لاننا للاسف صرنا لا نكاد نجده
تحياتي و سعيد جدا بالزياره

غير معرف يقول...

استاذ ذو النون ..
فعلاً حالت قصور القفافه عندنا يرثي لها
صحيح احمد الله اني من ابناء الاسكندريه.
وعندما احتاج الذهاب إلي المكتبه .. فمكتبة الاسكندريه هي الافضل في مصر .. ولكن لا غني عن قصور الثقافه .. كان من المفرود ان نلتقي فيها مثل لقائنا في المدونات ..

- - - - - - - - - - -

علي فكره انا صدقت الي قال الدنيا صغيره .. حتي النت كمان صغير .. لم اكن اعلم اني سألقاك مرة اخري من بعد سقوط شبابيك .. لا اعرف هل كنت تتابع كتابتابي علي شبابيك ام لا .. لكن انا كنت اتابع كتاباتك .. وكنت ولازلت
احترم قلمك جداً .. ولهذا سيسعدني جداً .. ان اجدك ضيفي في مدونتي (عيساويات) http://essaweat.maktoobblog.com/?allLink=1

عمرو عيسي

بنت القمر يقول...

نون
نفس الباس وورد هو نفس الباس اللي بتعمل بيه التعليقات!! جرب كده
مش ممكن يكون الريدر بباس وورد تاني
الديبو خنيق ومش ها يعجبك ولو تحب تعمل واحد جديد من بابه ممكن اساعدك برضه
بس قولي علي اللون وعدد الايتم اللي تحبهم

Unknown يقول...

اعجبتنى جملة ان قصور الثقافة تعانى قصورا فى الثقافة
ووقفت عندها طويلا
هية مشكلة حقيقة وان كنت ارى ان مشروع مثل مشروع القراءة للجميع قد حل قليل من المشلة لاحباء القراءة
تحياتى

بنت القمر يقول...

نون عندي استطلاع راي احب اعرف اجابتك عليه لو سمحت

عاشــــــ النقاب ـقــــة"نونو" يقول...

حملت الريدر بتاع ديبو ولا لسة؟؟؟
ديبو دة بيتحدث لوحده لو حضرتك لسة ما عملتهوش ابعتهولك على الايميل

ذو النون المصري يقول...

...............................
عمرو عيسي
النت فعلا صغير
انا عملت تعليق عندك و مش عارف هو وصل و للا لا لان المدونه بتاعتك علي مكتوب و التعليق عليها له نظام غريب
سعيد جدا انك لسه فاكرني و اتمني دوام العلاقه
تحياتي

ذو النون المصري يقول...

..............................
بنت القمر
بحاول و مش عارف المشكله ايه بالظبط
انا بصراحه اتخنقت من الريدر الرخم ده
الديبو انا اول مره اسمع عنه و كنت فاكر ان الجوجل ريدر برضه بيقرا التدوينات لوحده
عموما هحاول تاني
و اشكرك لتعبك معانا

ذو النون المصري يقول...

.............................
ايويه
اسمك غريب و بصراحه مش عارف معناه
بس مهرجان القراءه للجميع و ان كان في منتهي الروعه الا ان كتبه احيانا كلها بتكون ادبيه و القليل منها في العلوم و علم النفس و الفنون و الفلسفه
تقريبا مفيش فيها كتب خالص
تحياتي

ذو النون المصري يقول...

.......................................
بنت القمر
الكمبيوتر باظ و الاستفتاء فاتني و حاولت و الله اجاوب عليه بس مقدرتش الا بعد ما فات
تحياتي و كل استفتاء و انتي طيبه

ذو النون المصري يقول...

nonoymm
لا لسه محملتهوش لكن بحاول اعمل الريدر و اظبطه و اذا كان كده فانا برضه هحتاج الديبو لمدونه تانيه و يبقي عندي الاتنين
هبعتلك ايميلي علي التعليقات عندك و ياريت تبعتيهولي
تحياتي