الجمعة، أكتوبر 19، 2007

دواير


بنلف في دواير
و الدنيا تلف بينا
دايما ننتهي
لمطرح ما ابتدينا

طيور الفجر تايهه

في عتمة المدينه

بتدور

ما بنكتبش الرسايل

مبننتظرش رد

لا حد في يوم سمعنا

و لا بنسمع حد

طيور العمر تايهه

في عتمة المدينه

بتدور

ساكنين في عالم يعشق الخطر

فيه الطيور تهرب من الشجر

و تهرب النجوم من القمر

و تهرب الوجوه من الصور

بنلف في دواير

ندور ع الامان

نلاقينا رجعنا

تاني لنفس المكان

ندور

ندور

ندور

احنا لما نحلم

بالحياه المفرحه

و اتاري الاحلام بلا اجنحه

بلا اجنحه

ندور

ندور

ندور

بجناح حزين مكسور

ساعات نشوف في العتمه

و ساعات نتوه في النور

ساعات عيوننا بالاسي تفرح

ساعات في ساعة الفرح منوحه

من شعر عبد الرحمن الابنودي
تلحين و غناء مروان خوري
دونها /ذو النون المصري

هناك 14 تعليقًا:

Darsh يقول...

حمد الله على السلامة يا نجم.
إيه الغيبة الطويلة ديه كلها؟؟
أنا ما شفتش الفيلم ، بس أنا حاسس إني جوة دواير اليومين دول.
ربنا يفك دوايري.

مـحـمـد مـفـيـد يقول...

بجد اروع من انك تسمعها
انا بحب اقرأ الاشعار عن سماعها

dr.Roufy يقول...

أنا برضه ماشفتش الفيلم
لكن الأغنية فعلا كلماتها زي ماتكون سحبتني جوا دواير لا متناهية من أول ماسمعتها
ويمكن الى ساعد على دا اللحن المناسب الى حد كبير
أختيار رائع منك

تحياتي

بنت القمر يقول...

الكلمات عبقريه والله انا اول مره اعرف انها لعم الابنودي اشكرك علي المعلومه

رينـــــــــــا يقول...

السلام عليكم
كل سنه وانت طيب
كلماتها معبرة جدااااااا
وصادقه اوى
بس اول مرة اعرف انها لعبد الرحمن الابنودى
مشكور

فارس عبدالفتاح يقول...

من اللزم وحتمن ولابد من كل حالة يأس وحالت احباط وقوقعة

وراها بنات عراينة اللي سوتها باينه كما واضح فى الصور واللى مشعارف ايه باين وحاجه تخلي الواحد يخجل من انه مصري او عربي او حتي مسلم ..


وكل الشباب اليومين دول عايش فى دواير مفرغة ومشعارف افشخنات ايه وحاجة تودي مستشفه الامراض العقلية ..

معلش يا اخي ذو النون

على هذا الاسلوب الغير لائق فى المفردات اللغوية لكن هذا الواقع

الشباب اللى من سني وسنك المفروض عدوا سن المراهقة من فترة ليست قليلة ..


لكن الظاهر هذا نتاج عصر الانفتاح بتاع السادات ..

افتحت لم مش لقين حد يسدها لا - الفهلوا - بتاعت السادات - والعقلنية بتاعت - حسني مبارك - وربنا يستر من عقلية شباب اليومين دول ..

وللاسف انا واحد منهم

None يقول...

انا بحب الاغنيه دي اوي

معبرة وكلماتها حلوة .. كنت بفكر انزلها قبل كدا بوست ..بس انت دايما سباق للخير


تحياتي

ذو النون المصري يقول...

درش
مش لوحدك اللي حاسس بانه جوا دواير
تقريبا البلد بحاله دخلت دايره الله اعلم امتي نطلع منها

ذو النون المصري يقول...

محمد مفيه
انا معاك فعلا لو تقراها تلاقيها حاجه تانيه و انا لم ابدا سماعها الا بعد ان قرات نصها ثم اعجبتني الاغنيه
تحياتي

ذو النون المصري يقول...

د/روفي
و الله انا فعلا حاسس بالاغنيه دي و لاول مره تعجبني اغنيه جديده بالصوره دي لانها اثرت ي جدا
تحياتي

ذو النون المصري يقول...

بنت القمر
انا ايضا استغربت جدا لما لقيتها للابنودي
تحياتي

ذو النون المصري يقول...

رينا
شكرا جدا علي الزياره و سعيد انها اعجبتك
تحياتي

ذو النون المصري يقول...

فارس عبد الفتاح
لا مفيش اي حاجه
عادي جدا
المدونه مفتوحه و حره
قل ما شئت
لكن انا مش مستعد الان للنقاش بصوره مطوله عن اسباب الفساد في البلد الان لانه موضوع طويل جدا
اشكرك جدا علي الزياره
تحياتي

ذو النون المصري يقول...

نون
لو كنت اعرف انك ناويه تعملي عنها بوست كنت سكت انا علشان اعرف هتكتبي ايه
اشكرك جدا علي الزياره و التعليق
تحياتي