اهم احداث هذا العام بالنسبة لي هو الزواج و الثاني هو انتظاري لمولود
فالحمد لله
زوجتي حامل و قربت تجيب لي طفل
حاسس هذه الايام باحاسيس غريبه
و انا ماشي في الشارع او جالس في بيتي اشعر انه بجواري
و اشعر انه يضاحكني و يبتسم لي
انا مشتاق جدا لرؤياه
مشتاق جدا اسمع صوته و اتعرف اليه اكثر
مشتاق للعب معه
مشتاق ارجع طفل كما كنت و فرصتي الوحيده ان اعيد طفولتي معه
ربنا يسهل و( يطلع/تطلع )احسن مني
هناك ١٦ تعليقًا:
يارب ويجعلة ذرية صالحة لك انت وزوجتك اللهم آمين
ممكن يكون توأم هو وهى وتهيس لعب معاهم :) ربنا يسعدكم وبرزقكم بالذرية الصالحة
ألف مبروك و ربنا يجعله ابن أو بنت صلاح إن شاء الله و بجد أنا مبسوطة أنك كتبت في الموضوع ده لأني طول عمري ما شفت راجل بيتكلم عن المرحلة دي لما بتبقى مراته حامل و في أنتظار المولود كل الي اتكلموا معايا كانوا من النساء
مستنية جديدك
سلااام
:)
الحمد لله ..كما ينبغي لجلال وجهه وعظيم سلطانه
ربنا يرزقك به..او بها صالحا
ويجعله قرة عين لكما
خبر اسعدني كثيرا..فلم استطع المتابعة بصمت كما المعتاد
:))
الف مبروك ... ربنا يرزقكم بالذرية الصالحة .... فقط لا تنسانا في الاسبوع ... عن نفسي انا باحب علب الاسبوع القديمة ... اللي علي شكا فانوس وجواها " خروب " وحمص بحلاوة " الابيض " ... معلش اصل انا باحب الحاجات " اولد فاشون " .. هههههه.
الف مبروك وربنا يتمم علي خير
ههههههههههههههههههههههه
هو فيه نوع تالت؟؟
على العموم الف مبروك مقدما و تولد مدام مريم بالسلامة و تطمنا عليها
و تنبسط بالبيبي ان شاء الله
اهم شيئ ان صحته تكون بخير
متنساش تحكي لنا على مشاعرك يومها و توصف لنا ايه اللي حصل
انا بحب اسلوب سردك اوي
تحياتي
نسيت اقولك اني حفصة
بس الباسوورد بتاعتي معلقة
ربنا يرزقك بالذريه الصالحه بس بكرة تقول يا ريت اللى جرى ما كان مش حتعرف تنام مش حاتعرف تقعد على الكمبيوتر حاتتهرى شرا بامبرز و ادويه هضم و اسهال و فرجه على سبايس تون و ديزنى تشانل ده غير التفكير فىالمدرسه اللى حايدخلها بسلامته و النادى اللى يمارس فيه الرياضه ده غير يشوف ايه و مايوشفش ايه فى الفضائيات و يصاحب مين و مايصاحبش مين من ولاد الجيران ..........باختصار من اول ما يتولد مش حاتعيش لنفسك تانى حاتعيش له او لها و ربنا يفرحك به
عالم ازرق
شكرا جدا علي الدعوات و اتمني لك مثلها و اكثر
تحياتي
...............
عدي النهار
يارب يكونوا توام
دا انا اتمني
لك الحلاوه لو كانوا توام
تحياتي
.................
اسراء السقا
اشكرك جدا علي المرور و التعليق
و سعيد ان البوست اعجبك
تحياتي
...................
د /روفي
سعيد جدا بمرورك و اتمني التقدم الدائم لك و لمدونتك
تحياتي
.................
المهندس
انا كمان بحب الموضوات القديمه
بحس لها بحلاوة مختلفه عن الجديد
او بحس ان الجديد فيه نكهة الغزو الفكري
تحياتي
..................
الغير معروف
سعيد جدا بتعليقك و اتمني متابعتك المستمره
...................
اهلا يا حفصه هانم فينك من زمان
معلش انا مقصر في متابعة مدونتك لاني كنت في امتحانات في برج العرب
ثانويه عامه بقي و انتهيت منها
الحمد لله
...................
مش فاهمه
يارب يستر
واضح ان عندك تجارب في هذا الموضوع و سبقتيني اليه
تحياتي
.................
إرسال تعليق